မြတ်ဗုဒ္ဓ၏တရားသည် တိုးတက်ခြင်းကို ပိတ်ဆို့ပါသလား

သင့်ရဲ့ မနက်ဖြန် လှပပါစေ .ဘလောဂ့် မှ ကူယူပြီး ဓမ္မမိတ်ဆွေများ လှပတဲ့ အနာဂါတ် ဖြစ်စေခြင်း အကျိုးကို မျှော်၍ ဆက်လက် ဖြန်ဝေလိုက်ပါသည်.
အမည်ခံ ဗုဒ္ဓဘာသာ ၀င်များနှင့် မြတ်ဗုဒ္ဓအကြောင်းကို ၀ိုးတိုး ၀ါးတား မျှသာ သိသော တချို့ ဗုဒ္ဓဘာသာဝင်များအတွက် သိသင့်သိထိုက်သော တကယ် တန်ဖိုးရှိသော ပိုစ့်ဖြစ်ပါသည်
.

မနက်ဖြန်၏ နောင်တော်ဖြစ်တဲ့ အရှင်ဒေ၀ိန္ဒာဘိဝံသရေးပို့လိုက်သည့် ဆောင်းပါးလေးတစ်ပုဒ်ပါ။ အားလုံး ဖတ်ကြရအောင်နော်။ ဘာတွေရေးထားလဲပေါ့........

မိမိစိတ်ထဲမှာ ဘယ်လိုမှ မေ့လို့မရသော စကားတစ်ခွန်းရှိ၏။ `` အရှင်ဘုရား မြန်မာလူမျိုးများဟာ ဆင်းရဲတာ ဟာတိုးတက်ကြီးပွားလိုတဲ့ ဆန္ဒနည်းလို့ပါဘုရား၊ ဘာကြောင့်အဲဒီလိုဖြစ်ရသလဲလို့ စဉ်းစား လိုက်တော့ `ပစ္စည်း ဥစ္စာဆိုတာ သေရင် ကိုယ့်နောက်မပါဘူး၊ ကိုယ့်နောက်ပါမှာက တရားပဲ၊ ဘ၀ဆိုတာ အနှစ်ရှာလို့မရဘူး၊အကာ သက်သက်ပါ၊ ဘယ်ဟာမှ အမြဲမရှိ၊ ချမ်းသာတဲ့လူလဲ သေရမှာပဲ၊ ပညာတတ် ပုဂ္ဂိုလ်ကြီးလဲ သေရမှာပဲ´စတဲ့ တရားတွေကြောင့်ပါ၊ ဒီတရားတွေကို နာနေရတော့ လူတွေဟာ စိတ်ဓာတ် တက်ကြွမလာပဲ တိုးတက်ကြီးပွားလို တဲ့ဆန္ဒနည်းသွားကြတယ်၊ ဒါကြောင့် ဗုဒ္ဓဘာသာဝင်တွေ ဆင်းရဲ ကြတာ ဘုရား´´ဟူသောစကားပင်တည်း။

ဗုဒ္ဓဘာသာဝင်မြန်မာလူမျိုးတစ်ယောက်က လျှောက်သောစကား ဖြစ်၏။ မိမိစိတ်ထဲမှာ တုန်လှုပ် ခြောက်ခြား သွားပါတော့၏။ ``ဟာ ဒုက္ခပဲ၊ ဘုရားရှင်ရဲ့တရားကြောင့် မြန်မာလူမျိုးတွေဟာ ဆင်းရဲနေတယ် ဆိုပါလား၊ ဘုရားမြတ်စွာရဲ့တရားဟာ လူတွေကို စိတ်ဓာတ်ကျအောင်လုပ်နေသလို ဖြစ်နေသတဲ့၊ ဘုရား ဘုရား´´ဟု ငြီးတွားမိတော့သည်။ ထိုသူသည် ဗုဒ္ဓဘာသာကို ကိုးကွယ်သူတစ်ယောက်ဖြစ်၏။ ယင်းကဲ့သို့ ပြောခြင်းသည် ဘုရားမြတ်စွာကို မကြည်ညိုသောကြောင့် မဟုတ်ပေ။ ဘုရားမြတ်စွာအကြောင်းကို ခရေစေ့ တွင်းကျ မသိရှိ သောကြောင့်တည်း။

``၀ီရိယ၀တော ကိံ နာမ ကမ္မံ နသိဇ္ဈတိ- ၀ီရိယရှိလျှင် မည်သူ့အဘိဓာန်မှာဖြစ်ဖြစ် မဖြစ်နိုင်ဆိုသော ဝေါဟာရမရှိ။ အရိုးကြေကြေ အရေခန်းခန်း ကြိုးစားသူတို့သည် ဘယ်နေရာမှာဖြစ်ဖြစ် အောင်မြင်မှုသရဖူကို ဆွတ်ခူးနိုင်ပေ၏´´ စသည်အားဖြင့် ဟောထားသော မြတ်ဗုဒ္ဓ၏တရားများ ရှိပေသည်သာ။ ထို့ကြောင့် ဘုရား မြတ်စွာ၏ တရားတော်သည် လောကီဘက်မှာပဲဖြစ်ဖြစ်၊ လောကုတ္တရာဘက်မှာပဲ ဖြစ်ဖြစ် ကြီးပွားတိုးတက် ဖို့အတွက် အားပေးသော တရားများဖြစ်ပါသည်။

သူဋ္ဌေးသား သိင်္ဂါလကို ဆုံးမထားသည့် မိဘကျင့်ဝတ်၊ သားသမီးကျင့်ဝတ်၊ ဆရာ့ကျင့်ဝတ်၊ တပည့် ကျင့်ဝတ်စသော ဘုရားမြတ်စွာ၏ အဆုံးအမများကိုသာ တစ်ကမ္ဘာလုံး လိုက်နာကြမည်ဆိုလျှင် ယနေ့ နိုင်ငံတကာ ပြဿနာပေါင်းစုံကို ဒိုင်ခံဖြေရှင်းပေးနေရသော ``ကမ္ဘာ့ကုလသမဂ္ဂဋ္ဌာနချုပ်´´တောင် လိုမည် မဟုတ်တော့ပေ။

အမှန်က ဗုဒ္ဓဘာသာဝင်များ ကြီးပွားတိုးတက်မှုနည်းခြင်းသည် အမြင်မကျယ်ခြင်း၊ ကိုယ့်အချင်းချင်း ကူညီရိုင်းပင်းမှုနည်းခြင်း၊ အေးတိအေးစက်နေတတ်ခြင်း၊ လူမျိုးခြား ဘာသာခြားတို့၏ ညီညွတ်မှုကို အတု မယူခြင်းစသည်တို့ကြောင့် ဖြစ်ပါသည်။

ဆက်လက်ဖတ်ရူရန်...

နိုင်ငံရပ်ခြားတိုင်းပြည်၌ အလုပ်လုပ်နေသည့် လူငယ်တစ်ယောက်က ``တပည့်တော်တို့ မြန်မာ လူမျိုးတွေက အလုပ်တူရင် ငြူဆူတယ်ဘုရား။ မနာလိုဝန်တိုဖြစ်တယ်။ အဆင်ပြေတာကို ၀မ်းမသာနိုင်ဘူး။ အချင်းချင်း ရာထူး ဂုဏ်ယှဉ်ချင်ကြတယ်။ ပြီးတော့ အောင်မြင်နေတဲ့သူကလည်း ကိုယ့်အချင်းချင်း နှိမ်ချင် တယ်။ ဒီလိုစိတ်ဓာတ်တွေက တပည့်တော်တို့မြန်မာလူမျိုးတွေရဲ့နှလုံးသားကို လှိုက်စားနေပါတယ်၊ ဗုဒ္ဓဘာသာ ၀င်ဖြစ်နေပြီး ဘာ့ကြောင့် ဒီလိုအောက်တန်းကျတဲ့စိတ်တွေ ဖြစ်နေတာလဲ မသိပါဘူးဘုရား´´ဟု မြန်မာလူမျိုး များကို အားမလိုအားမရဖြစ်ရကြောင်း လျှောက်ထားဖူး၏။

ယင်းသို့ကူညီမှု ရိုင်းပင်းမှု စည်းလုံးမှု ညီညွတ်မှုမရှိသောကြောင့် မြန်မာ့စီးပွားရေးဈေးကွက်များကို ဗုဒ္ဓဘာသာဝင်တို့က ဦးမဆောင်နိုင်ကြတော့ပေ။ မြို့ကြီးပြကြီးတို့၏ အချက်အခြာကျသည့်နေရာများများ၌ ဗုဒ္ဓဘာသာဝင်တို့ ပိုင်ဆိုင်သော စားသောက်ဆိုင်ကြီးများ၊ ကုန်တိုက်ကြီးများ၊ အဆောက်အဦးများကို တွေ့ဖို့ ခဲယဉ်းလှပေသည်။

ဖြစ်သင့်တဲ့လောဘ

ကြီးပွားတိုးတက်ချင်သော ဆန္ဒဖြင့် စီးပွားရေးလုပ်ခြင်းကြောင့် လောဘဖြစ်သည်မှာ မှန်ပေ၏။ သို့သော် လောဘဖြစ်တိုင်း ဒုစရိုက်ဟု ပြောလို့မရပေ။ လောဘသည် ၂-မျိုးရှိပေသည်။ တရားသောလောဘနှင့် မတရား သော လောဘတို့တည်း။ အများအတွက် (မိသားစု၊ ရပ်ရွာ၊ အမျိုး၊ ဘာသာ၊ သာသနာအတွက်) ရည်ရွယ်ပြီး စီးပွားရေးလုပ်ငန်းများ လုပ်လျှင် ``တရားသောလောဘ´´ ဖြစ်၏။ (သေ၀ိတဗ္ဗတဏှာ-ဟုခေါ်၏)။ ဆိုလို သည်ကား ယင်းတရားသောလောဘကြောင့် ကုသိုလ်ကောင်းမှုများ တပွေ့တပိုက်ကြီး ရနိုင်ခြင်းပင်။ ထို့ကြောင့် တရားသောလောဘသည် ဖြစ်သင့်သောလောဘတည်း။

မိမိမှာ ပစ္စည်းဥစ္စာ များများရှိလျှင် စာသင်ကျောင်းပဲ ဆောက်ဆောက်၊ ရေတွင်းရေကန်ပဲ တူးတူး၊ မိဘဆွေမျိုးတွေကိုပဲ ထောက်ပံ့ထောက်ပံ့၊ ဆေးရုံကိုပဲလှူလှူ မိမိကြိုက်သည့်ကုသိုလ်ကို လုပ်နိုင်ပေသည်။ မိမိလုပ်ချင်သည့် ဘာသာရေး လူမှုရေးလုပ်ငန်းမှန်သမျှကိုလည်း လုပ်နိုင်၏။ အူမတောင့်မှ သီလ စောင့်နိုင် သည် မဟုတ်ပါလော။

ကျောင်းဒကာကြီး အနာထပိဏ် ကျောင်းအမကြီး ၀ိသာခါတို့ ကျောင်းတိုက်ကြီးဆောက်လုပ်ပြီး သာသနာပြုနိုင်ခြင်းသည် ဓနဥစ္စာကြွယ်ဝသောကြောင့်ပင်တည်း။ ဘုရင်မင်းမြတ်အနော်ရထာသည်သည် နိုင်ငံ တော်ကြီးကို ပြုပြင်ပြောင်းလဲခဲ့၏။ ဘုရားပုထိုးများတည်ခဲ့၏။ ဆည်မြောင်းတာတမံများကို ဆောက်လုပ်၏။ ရှေး အခေါ် ပိဋကတ်တိုက် ၊ ယခုခေတ်အခေါ် စာကြည့်တိုက်များကိုလည်း တည်ဆောက်ခဲ့၏။ ထို့ကြောင့် ``စာကြည့်တိုက်အစ ပိဋကတ်တိုက်က´´ဟုပင် ပြောနိုင်ပါ၏။ ယင်းသို့ တိုင်းကျိုးပြည်ပြုအလုပ်များကို လုပ်နိုင် ခြင်းသည် တန်ခိုးသြဇာ ကြီးမားသောကြောင့်ပင်တည်း။

ယင်းတန်ခိုးသြဇာ၊ ဓနဥစ္စာတို့သည်ကား တန်ဖိုးရှိရှိ အသုံးချတတ်လျှင် နိဗ္ဗာန်ဆိပ်ကူးတံတားပင် တည်း။ ဦးအနာထပိဏ်၊ ဒေါ်ဝိသာခါ၊ ဘုရင်အနော်ရထာတို့ကား တန်ခိုးသြဇာ၊ ဓနဥစ္စာတို့ဖြင့် နတ်ရွာ နိဗ္ဗာန်သို့ တက်လှမ်း သွားကြကုန်ပြီ။ ထို့ကြောင့် တန်ခိုးသြဇာ၊ ဓနဥစ္စာတို့ကို ရရှိအောင် ကြိုးစားသင့်လှပါသည်။ တတ်နိုင်သူများအနေဖြင့် တိုက် ၁-လုံးကနေ တိုက် ၁၀-လုံး ၁၅-လုံးဖြစ်အောင်၊ ကား ၁-စီးကနေ ကား ၁၀-စီး ၁၅-စီးပိုင်အောင် စီးပွားရေးလုပ်ကြစမ်းပါ။ မိမိတို့ ဗုဒ္ဓဘာသာဝင်တစ်ယောက် သန်းပေါင်းများစွာ ချမ်းသာသော သူဋ္ဌေးသူကြွယ်ဖြစ်နေလျှင် မြန်မာလူမျိုးတို့အနေဖြင့် အင်မတန် ဂုဏ်ယူသင့်ပေသည်။

မြွေပွေး၏ ပါးစပ်ထဲသို့ရောက်သွားသည့် မိုးရေစက်သည် အဆိပ်ဖြစ်သွားသော်လည်း မုတ်ကောင်၏ ပါးစပ်ထဲသို့ ရောက်သွားသော မိုးရေစက်သည်ကား ပုလဲဖြစ်သွားပေသည်။ မိုးရေစက်ခြင်းတူသော်လည်း တန်ဖိုးခြင်း မတူတော့။

လောကကြီးသည် ခြွေမှ ရံ၏။ မခြွေလျှင် မရံပေ။ မှန်၏။ တချို့ဆင်းရဲသောဗုဒ္ဓဘာသာဝင်များသည် ဘာသာခြားတို့က ဓနဥစ္စာများဖြင့် ထောက်ပံ့ကြသောကြောင့် ဗုဒ္ဓဘာသာကို ကျောခိုင်းသွားတော့သည်။ အဘယ်သို့ ကာကွယ်မည်နည်း။ တန်ခိုးသြဇာ၊ ဓနဥစ္စာတို့သာရှိလျှင် ယင်းမိသားစုများကို စားနပ်ရိက္ခာ တို့ဖြင့်ထောက်ပံ့ပြီး ဗုဒ္ဓဘာသာဝင်ထဲသို့ရောက်အောင် ပြန်ပြီးစည်းရုံးနိုင်ပေမည်။ ထို့ကြောင့် အရင်းအနှီး တောင့်တင်းသော ဗုဒ္ဓဘာသာဝင်တို့သည် စက်ရုံအလုပ်ရုံ၊ ကုန်တိုက်စသည်များကို တည်ထောင်နိုင်အောင် ကြိုးစားသင့်လှပေသည်။ ဓနဥစ္စာတို့ရှိမှသာလျှင် ကိုယ့်လူမျိုးများကို ထောက်ပံ့နိုင်မည်မဟုတ်ပါလော။

တစ်ကျပ်နှင့်တစ်ရာ ဘယ်ဟာကို ယူမှာလဲ

မြတ်စွာဘုရားရှင်သည် အလောင်းတော်ဘ၀မှစ၍ ဘုရားဖြစ်သည့်တိုင်အောင် ကိုယ့်အမျိုး၏ အကျိုး စီးပွားကို လုပ်ခဲ့ပါသည်။ အလောင်းတော်ဘ၀က ကိုယ့်အမျိုးကို ပျက်စီးအောင် လုပ်သူများအား ကာကွယ်သော အားဖြင့် တိုက်ခိုက်ချေမှုန်းခဲ့သည်ကို တွေ့မြင်နိုင်ပါသည်။ ကိုယ့်အမျိုးကို စော်ကားသူများကို မိမိနှင့် မဆိုင်ပါဘူးဟူသော စိတ်ဖြင့် ဦးခေါင်းငုံ့ မခံခဲ့ပေ။ တစုံတစ်ယောက်ကြောင့် လူသူလေးပါး ဒုက္ခရောက်နေလျှင် ထိုတစုံတစ်ယောက်ကို နောက်နောင်ရှောင်ကြဉ်အောင် တရားသောနည်းဖြင့် တုန့်ပြန်ခဲ့ပေသည်သာ။

``ခန္တီ-သည်းခံရမည်´´ဟုဆိုသော်လည်း သူ့နေရာနှင့်သူ ကျင့်သုံးတတ်ဖို့လိုအပ်လှ၏။ တိုင်းတစ်ပါး သား လူမျိုးခြား တစ်ယောက်က မြန်မာ့တိုင်းရင်းသားမိန်းကလေးများကို မတရားသဖြင့်နှောက်ယှက်နေလျှင် လက်ပိုက်ကြည့်နေ၍ မဖြစ်ပေ။ နောက်နောင်မနှောက်ယှက်အောင် ရှေးဦးစွာ ပြေပြေလည်လည် ပြောဆိုရ ပေမည်။ အကယ်၍ မရခဲ့လျှင် ဖိုးသူတော်မေတ္တာပို့နည်းဖြင့် ပို့သင့်က ပို့ရပေမည်။

တခါက ဘုန်းတော်ကြီးတစ်ပါး ဖိုးသူတော်နှင့် ခရီးသွားရာဝယ် လမ်းခုလတ်၌ ကျွဲရိုင်းကြီးတစ်ကောင် နှင့် ပက်ပင်းတိုးမိ၏။ ကျွဲရိုင်းကြီးက ခတ်မည့်အမူအရာဖြင့်ပြေးလာရာ ဘုန်းကြီးက ``ချမ်းသာပါစေ´´ဟု မေတ္တာပို့လေ၏။ သို့သော် ကျွဲရိုင်းကြီးက နောက်မဆုတ်ပဲ ပြေးမြဲပြေးလာသဖြင့် ဖိုးသူတော်က အုတ်ခဲကျိုးဖြင့် ၂-ချက်လောက် ထုလိုက်ရာ ကျွဲရိုင်းကြီး ထွက်ပြေးရှာလေတော့သည်။ ထိုအခါ ဆရာဖြစ်သူဘုန်းတော်ကြီးက ``သူတော်ရေ မင်းမေတ္တာက ငါ့မေတ္တာထက် ပိုစွမ်းတယ်ကွ´´ဟု ၀မ်းပန်းတသာ မိန့်တော်မူလေသတတ်။ ဤကား ဖိုးသူတော်မေတ္တာပို့နည်းတည်း။

ဖိုးသူတော်က ကျွဲရိုင်းကြီးကို အုတ်ခဲကျိုးဖြင့် ဆုံးမလိုက်ရခြင်းသည် ကျွဲရိုင်းကြီးကို ဒုက္ခရောက်စေ လိုသော ကြောင့်မဟုတ်၊ ဆရာဘုန်းကြီးကို ကြည်ညိုလေးစားသောကြောင့်တည်း။ မည်သည့်အရာမဆို တစ်ခုခုကို ရွေးချယ်ရတော့မည်ဆိုလျှင် တန်ဖိုးရှိသည့်အရာကိုသာ ရွေးချယ်ရသည်မှာ သဘာဝတည်း။ ယင်း သဘာဝတရားကိုပင် ``ဓမ္မ´´ဟုခေါ်သည်မဟုတ်ပါလော။



မတရားလောဘဆိုတာ

မတရားလောဘဆိုသည်မှာ အတင်းအဓမ္မလိုချင်သော စိတ်၊ သူများဆီက ငွေကို အချောင်လိုချင်သော စိတ်၊ လုယက်တိုက်ခိုက်ပြီး လိုချင်သောစိတ်များပင်တည်း။ ကမ္ဘာမှာ အစဆုံးဖြစ်သော မကောင်းမှုဒုစရိုက်မှာ အဒိန္နာဒါန ( ခိုးယူခြင်း)ပင် ဖြစ်၏။ မတရားလောဘကို အခြေခံ၍ဖြစ်သော ဒုစရိုက်တည်း။

ကမ္ဘာဦးလူများသည် စားနပ်ရိက္ခာအတွက် ကိုယ့်လယ်နှင့်ကိုယ် အသီးသီး စပါးစိုက်ပျိုးကြ၏။ အစပိုင်း မှာ မည်သည့်ပြဿနာမှ မဖြစ်။ နောက်ပိုင်းရောက်လာသည့်အခါ အချောင်သမားများက စပါးများကို ခိုးကြ တော့၏။ ယင်းလောဘကား မတရားလောဘတည်း။ သို့နှင့် လူအများသည် သမာသမတ်ကျသော လူ တစ်ယောက်ကို ခေါင်းဆောင်ခန့်ပြီး ``မင်း´´ဟု သမုတ်ကာ ရပ်ရွာနယ်ပယ်ကို ငြိမ်းချမ်းဖို့အတွက် အုပ်ချုပ် ခိုင်း၏။ သူခိုးဓားပြများကို တိုက်ခိုက်ချေမှုန်းဖို့အတွက် (သို့မဟုတ်) မတရားလောဘသမားများကို ထိန်းချုပ် ပေးဖို့အတွက် မင်းဆိုသည်မှာ ပေါ်ပေါက်လာခြင်းဖြစ်ပေသည်။

တလွဲဆံပင်ကောင်း

ဗုဒ္ဓဘာသာဝင်မြန်မာလူမျိုးတို့သည် `` ဒီလောက်ရှိရင် တော်ပါပြီ၊ ကိုယ့်မိသားစု တစ်သက်စားလို့ မကုန်ဘူး၊ ဒီထက်ပိုပြီးတော့ ချမ်းသာတော့ကော ဘာလုပ်မှာလဲ၊ သေရင် ကိုယ့်နောက်မပါဘူး´´ဟု စသဖြင့် လောဘနည်းသလိုလို၊ ရောင့်ရဲသလိုလိုနဲ့ ပြောတတ်ကြ၏။ တလွဲဆန်ပင်ကောင်းခြင်းပင်တည်း။ အမှန်ကား ဤကဲ့သို့ပြောခြင်းသည် လောဘနည်းခြင်းကြောင့်မဟုတ်၊ အမျိုး ဘာသာကို အားမပေးလိုခြင်း၊ ဇွဲမရှိခြင်း တို့ကြောင့် ဖြစ်ပေသည်။ ကိုယ့်မိသားစုတစ်သက် စားမကုန်လောက်အောင် ချမ်းသာနေလျှင် ကိုယ့်ဆွေမျိုး သားချင်းများကို ပေးကမ်းနိုင်သည် မဟုတ်ပါလော။ ထိုထက်မက ချမ်းသာနေလျှင် တိုင်းပြည်နှင့်လူမျိုးကို ထောက်ပံ နိုင်သည် မဟုတ်ပါလော။

ဘုရားမြတ်စွာက ``ရောင့်ရဲရမည်၊ တင်းတိမ်ရမည်´´ဟု ဟောခြင်းသည် ပစ္စည်းဥစ္စာများကို မရှာရဟု ပြောလိုသည်မဟုတ်ပေ။ တခါတရံ မတရားလောဘကြီးသည့်အခါ ``တုတ်နှင့်ပစ်လို့ရရ၊ ခဲနှင့်ပစ်လို့ရရ၊ ရဖို့သာအဓိက´´ဟု ဆိုပြီး ဒုစရိုက်မျိုးစုံ လုပ်တော့၏။ လုယက်ခြင်း၊ ခိုးဝှက်ခြင်း၊ ချောက်တွန်းခြင်း၊ တစ်ပတ် ရိုက်ခြင်းစသည်တို့ကား မတရား လောဘကြောင့်ဖြစ်၏။

ယင်းကဲ့သို့သော မတရားလောဘများကို ထိန်းပေးဖို့အတွက် ဘုရားမြတ်စွာက ``ရှိတာလေးနှင့် ကျေနပ်ရမယ်၊ ရောင့်ရဲတင်းတိမ်ခြင်းဟာ အကောင်းဆုံးဥစ္စာပါပဲ´´ဟု ဟောတော်မူခြင်းဖြစ် ပေသည်။ စီးပွားရေး လုပ်ငန်း များကို မလုပ်ဖို့အတွက် ဟောတော်မူခြင်းမဟုတ်။

တချို့လူပုဂ္ဂိုလ်များကား လူ့ဘ၀ကြီးကို ငြီးငွေ့သည့်အတွက် စီးပွားရေးလုပ်ငန်းတွေကို မလုပ်ချင် သယောင်ယောင်၊ ၃၁-ဘုံလုံးသည် ဒုက္ခသစ္စာဖြစ်သည့်အတွက် နိဗ္ဗာန်တစ်ဘက်ကမ်းကိုပဲ အခုချက်ချင်း ကူးတော့မည့်ယောင်ယောင် သံဝေဂတရားရနေသည့် ယောဂီသူတော်စင်ကဲ့သို့ ပြောတတ်ကြသေး၏။ ထို ပုဂ္ဂိုလ်များ တရားရိပ်သာကိုသွားပြီး တရားအားထုတ်သောအခါ ၂-ရက်လောက် အားထုတ်ပြီး အိမ်ပြန်လာ တော့၏။ အိမ်ပြန်ရောက်သောအခါ ``ကျန်းမာရေးကလည်း မကောင်းဘူး၊ ဒီတော့ စိတ်သွားတိုင်း ကိုယ် မပါတော့ ဘယ် အားထုတ်လို့ ကောင်းတော့မှာလဲ၊ တရားပြဆရာကလဲ အတွေ့အကြုံနုသေးတော့ တရား နာရတာက အားမရပါဘူးပေါ့ကွာ´´ဟု စသဖြင့် ဆင်ခြေအမျိုးမျိုးပေးပြီး ကိုယ့်အပြစ်ကို သူများပေါ်ပုံချ လေ တော့သတည်း။

အမှန်ကား အပေါ်ယံအသိလေးကို တကယ့်``သံဝေဂတရား´´ဟု ထင်နေခြင်းပင်တည်း။ ယင်းသို့ ထင်ခြင်းသည်လည်း ကိုယ့်ကိုယ်ကို လိမ်နေခြင်းပင် ဖြစ်၏။ သူများအလိမ်မခံရဖို့ထက် ကိုယ့်ကိုယ်ကို အလိမ် မခံရအောင် သတိပြုသင့်၏။

ကျောင်းဒကာကြီးအနာထပိဏ်၊ ကျောင်းအမကြီး ၀ိသာခါတို့သည် သောတာပန် အရိယာပုဂ္ဂိုလ်များ ဖြစ်ကြ၏။ သို့သော် ကိုယ်ပိုင်စီးပွားရေးလုပ်ငန်းများ ရှိကြပေသည်သာ။ ထို့ကြောင့် လောကီလူသားမှန်သမျှ စီးပွားရေးလုပ်ငန်းကို မဖြစ်မနေ ပြုလုပ်သင့်ပေသည်။

``အောက်ကလိအာ´´ မဖြစ်အောင် သတိပြု

ဘက်ပေါင်းစုံကနေ မကြည့်ဘဲ တစ်ဖက်သတ်ကြည့်နေရင်တော့ အမြင်မှန်ကို ရနိုင်မည်မဟုတ်ပေ။ အမြင်မှန်ကို မရလျှင် လူ့ဘ၀ကြီးကို ငြီးငွေ့သလိုလို၊ စိပ်ပုတီးနှင့်ရိပ်ကြီးခိုတော့မှာလိုလိုနှင့် စီးပွားရေးလုပ်ငန်း များကို မလုပ်ဘဲနေလျှင် လောကီအကျိုးလည်း မရ၊ လောကုတ္တရာအကျိုးလည်း မရဘဲ ကီမဟုတ် ကုတ်မဟုတ်၊ မိနောက်မကျ ဖနောက်မမီ၊ ``အောက်ကလိအာ´´ ဖြစ်သွားမှာ စိုးရပေသည်။ (ကြက်တွန်သံလည်းမဟုတ်၊ ကျီးတွန်သံလည်းမဟုတ်သည်ကို အောက်ကလိအာဟု ခေါ်၏။)

လူမှန်လျှင် လူ့အလုပ်ကို လုပ်ရမည်။ ဘုန်းကြီးမှန်လျှင်လည်း ဘုန်းကြီအလုပ်ကို လုပ်ရမည်။ လူဖြစ် ပါလျက် ဘုန်းကြီးတစ်ပါးကဲ့သို့ စီးပွားရေးအလုပ်များကို မလုပ်ဘဲပစ်ထားလျှင် (သို့မဟုတ်) စီးပွားရေး လုပ်ငန်း များကို လုပ်သော်လည်း စိတ်ပါဝင်စားမှု မရှိလျှင် လူ့တာဝန် ပျက်ကွက်ခြင်းပင်တည်း။ ယင်းသို့ ပျက်ကွက် လျှင် သူ့ မိသားစု နစ်နာပါတော့သည်။

``အလုပ်လုပ်ရင် လုပ်၊ အလုပ်မလုပ်ရင် သေတာက ကောင်းတယ်´´ဟူသော စကားပုံတစ်ခု ရှိ၏။ အသက်ရှင်သန်နေတုန်းမှာ ငွေများများရရှိအောင် အလုပ်လုပ်ရမည် ဟု ဆိုလိုခြင်းပင်တည်း။ ထို့ကြောင့် ပြော ကြသည်ထင်၏။ ``ငွေသည် ဒုတိယဘုရား´´ဟူသတတ်။

ထို့ကြောင့် ဘုရားမြတ်စွာက ပစ္စုပ္ပန်ချမ်းသာရေးကိုအလိုရှိသူများအတွက် `` ဥဋ္ဌာန- မည်သည့် အလုပ်ကိုပဲ လုပ်လုပ် ငုတ်မိသဲတိုင် တက်နိုင်ဖျားရောက်ဆိုတဲ့ နောက်မဆုတ်တမ်းစိတ်ဓာတ် ရှိရမည်၊ အာရက္ခ- ကြွက်သေတစ်ခု အရင်းပြုဆိုသကဲ့သို့ အလေအလွင့်မရှိအောင် ထိန်းသိမ်းစောင့်ရှောက်ရမည်၊ ကလျာဏမိတ္တ- ဈေးကွက်ချဲ့နိုင်ဖို့အတွက် တစ်ရွာတစ်ကျီ ဆောက်ရမည်၊ သမဇီဝိတ- စီမံခန့်ခွဲမှု စာရင်းအင်းပညာကို ကျွမ်း ကျင်ရမည်´´ ဟု သမ္ပဒါတရား ၄-ပါး ကို မိန့်တော်မူခြင်းဖြစ်ပေသည်။

ဤကဲ့သို့ ကြီးပွားရေးတရားများကို သတိမထားမိကြသူများက ``ဘုရားမြတ်စွာ၏တရားသည် ကြီးပွား တိုးတက်ဖို့အတွက် ပိတ်ဆို့သည့်တရား´´ဟု ထင်မြင်ကုန်တော့သည်။

ဤအချက်ကို မိမိတို့ သံဃာတော်အရှင်မြတ်များသိရှိနားလည်ထားဖို့ လိုအပ်လှ၏။ သို့မှသာလျှင် ``ဘယ်လိုနေရာမျိုးမှာ ဘယ်လိုတရားမျိုးကို ဟောသင့်တယ်´´ဆိုသည်ကို နားလည်မည်ဖြစ်ပေသည်။ သူ့နေရာနှင့်သူ သိရှိနားလည်ဖို့ အရေးကြီးလှ၏။ မင်္ဂလာဦးဆွမ်းကျွေးမှာ ညီတော် မင်းနန်ချွတ်ခန်းကို ဟောလို့ မဖြစ်။ လင့်ကျင့်ဝတ်၊ မယားကျင့်ဝတ်တရားမျိုးကို ဟောရပေမည်။ လောကီကြီးပွားရေး တရားများကိုလည်း သူ့နေရာနှင့်သူ ဟောဖို့၊ ပြောဖို့၊ ရေးဖို့ လိုအပ်ပေသည်။

တချို့ဆရာတော်များသည် ``တရားအားထုတ်ချင်သလား၊ ဘုန်းကြီးဝတ်မှ ကောင်းမှာပေါ့၊ ဘုန်းကြီး မ၀တ်နိုင်ဘူးလား၊ မိသားစု သံယောဇဉ်တွေကို ဖြတ်လိုက်စမ်းပါ၊ ဒါဆိုရင် ၀တ်နိုင်ပါတယ်´´ဟု စသဖြင့် မိန့်တော်မူကြ၏။ တချို့သောလူများမှာ ရှောင်လွှဲ၍ မရနိုင်သောတာဝန်များ ရှိနေကြရကား တရားအားထုတ် ချင်သည့် လူတိုင်းကို ဘုန်းကြီးဝတ်ခိုင်းလို့ မဖြစ်ပေ။ လူပုဂ္ဂိုလ်တစ်ယောက်အဖြစ်နှင့် တရားအားထုတ် လျှင်လည်း တရားထူးများ ရနိုင်ပေသည်သာ။

သာဝတ္ထိမြို့ကြီး၌ လူဦးရေ သန်း ၇၀-ရှိရာ သန်း ၅၀-မှာ အရိယာပုဂ္ဂိုလ်များ ဖြစ်ကြ၏။ ဤအရေ အတွက်ကို ကြည့်လျှင်ပင် လူပုဂ္ဂိုလ်အများအပြား ``တရားထူးများ´´ ရကြသည်ဆိုသည်မှာ ပြောဘွယ်မရှိ တော့ပေ။ ကျန်သည့် သန်း ၂၀-ကလည်း သူတို့၏နှလုံးသားထဲ၌ ဗုဒ္ဓတရားများ ထည့်ထားကြသည့် ပုဂ္ဂိုလ်များပင်တည်း။ ထို့ကြောင့် မြတ်ဗုဒ္ဓ၏ အရိပ်အောက်မှာ ရှိသည့် သာဝတ္ထိမြို့ကြီးသည် မည်မျှလောက် တည်ငြိမ်အေးချမ်းမှု သာယာဖွံ့ဖြိုးမှုရှိမည်ဆိုသည်ကို မှန်းဆ၍ ကြည့်နိုင်ပါသည်။ တွေးကြည့်လျှင် လွမ်းမော ဘွယ် ကောင်းလေစွာ့တကား။

စိတ်သာရှင်စော ဘုရားဟော

လူတစ်ယောက်သည် ``ဘုရားဒကာဆိုတဲ့ နာမည်တစ်လုံးရရင်တော်ပါပြီ´´ ဟူသော စိတ်ဖြင့် ဘုရား တည်နေ၏။ အခြားလူတစ်ယောက်ကား ``သားလေးရှင်ပြုဖို့၊ လှူနိုင်တန်းနိုင်ဖို့´´ဟူသော စိတ်ဖြင့် စီးပွားရေး လုပ်ငန်းများကို ဇောက်ချပြီး ကြိုးစားပန်းစားလုပ်နေ၏။ ထိုနှစ်ယောက်တွင် ဘုရားတည်သောသူထက် စီးပွားရေးလုပ်ငန်းများကို လုပ်ကိုင်နေသောသူက ပို၍မြင့်မြတ်၏။ အဘယ်ကြောင့်နည်း။ သူ၏ ရည်ရွယ်ချက်က မွန်မြတ်သောကြောင့်တည်း။

တခါက အလွန်ရင်းနှီးသော တံငါသည် သူငယ်ချင်းနှစ်ယောက်ရှိ၏။ တစ်ရက်လုပ်မှ တစ်ရက်စားရ သောကြောင့် ဥပုသ်နေ့မှာ ဥပုသ်စောင့်ချင်သော်လည်း ဥပုသ်မစောင့်နိုင်ကြ။ သို့နှင့် တစ်ယောက်တစ်လှည့်စီ ဥပုသ်စောင့်ဖို့ တိုင်ပင်ကြလေသည်။ လပြည့်နေ့ရောက်သောအခါ တစ်ယောက်က ကျောင်းသို့ သွားပြီး ဥပုသ်စောင့်၏။

ကျန်ရစ်သူ ကိုတံငါသည်ကတော့ နှစ်ယောက်စာရဖို့အတွက် လှေတစီးနဲ့ ချောင်းထဲမှာ ကြိုးစား ပန်းစားနှင့် ငါးများကို ဖမ်းရလေသည်။ ငါးများ နှစ်ယောက်စာရသောအခါ တံငါတဲထဲ၌ အနားယူရင်း ဥပုသ်စောင့်သွားသည့် သူငယ်ချင်းကို သတိရနေ၏။ ``အင်း ငါ့သူငယ်ချင်းကတော့ ဘုန်းကြီးထံကနေ သီလခံယူဆောက်တည် ပြီးရော့မယ်၊ အခုချိန်မှာ ဘုရားရိပ်မှာ နေပြီးတော့ ပုတီးစိပ်တရားထိုင်လုပ်နေရော့ပေါ့၊ အင်း ကုသိုလ်တွေ အများကြီး ရနေရော့မယ်၊ သိပ်အေးချမ်းမှာပဲ´´ဟု စဉ်းစားပြီး သာဓုခေါ်နေတော့၏။ လူက တံငါတဲ၌နေသော်လည်း စိတ်က ကျောင်းရောက်နေ၏။

ကျောင်းသွားပြီး ဥပုသ်စောင့်သော တံငါသည်ကလည်း ပုတီးကုံးကိုင်ပြီး ကျန်ရစ်သူ သူငယ်ချင်းကို သတိရနေမိ၏။ ``အခုချိန်မှာ ငါ့သူငယ်ချင်း ပိုက်ကွန်နှင့် ငါးတွေ ဖမ်းနေရော့မယ်၊ ဒီနေ့ ငါ့အတွက် ဝေစုပေး ရမှာဆိုတော့ နှစ်ယောက်စာ ဖမ်းရမှာ၊ ဖမ်းမှဖမ်းပါ့မလား၊ နှစ်ယောက်စာ မရရင်တော့ ဒုက္ခပဲ´´ဟု တွေးပြီး လောဘနှင့် သောကဖြစ်နေတော့၏။ လူက ကျောင်းမှာနေသော်လည်း စိတ်က ပိုက်ကွန်ထဲမှ မထွက်။

စိတ်ထားဖြူစင်အောင်နေထိုင်ခြင်းကို ``ဥပုသ်စောင့်သည်´´ဟုခေါ်၏။ ယင်းသို့ဆိုလျှင် ထိုတံငါသည် နှစ်ယောက်တွင် မည်သူက ဥပုသ်စောင့်သနည်း။ အဖြေကား လယ်ပြင်မှာ ဆင်သွားသလိုထင်ရှားလှပါသည်။ ``စိတ်သာရှင်စော ဘုရားဟော``ဆိုသည့်အတိုင်း အတွင်းစိတ်ဓာတ်က တင့်တယ်လျှင် အရာခပ်သိမ်း တင့် တယ်တော့သည်သာ။ ထို့ကြောင့် ဘုရားတည်တိုင်း ကုသိုလ်ရသည်ဟု ပြော၍ မရသကဲ့သို့ စီးပွားရေးလုပ်တိုင်း လည်း တရားနှင့်ဝေးသည်ဟု ပြော၍ မဖြစ်ပေ။

တစ်ယောက်အားထက် ဆယ်ယောက်အားက ပိုထိရောက်

စီးပွားရေးလုပ်ငန်းများကို လုပ်ကိုင်ဆောင်ရွက်သည့်အခါမှာလည်း ကိုယ့်ဗုဒ္ဓဘာသာဝင်များကို ကူညီ စောင့်ရှောက်ဖို့ အထူးလိုအပ်လှ၏။ ဘာသာခြားများသည် သူတို့ဘာသာဝင်တို့ကိုသာလျှင် အထူးဦးစား ပေးကြ၏။ ထမင်းဆိုင်ခြင်းအတူတူ သူတို့ဘာသာဝင်တို့၏ ထမင်းဆိုင်ကိုသာ အားပေးကြ၏။ လုပ်ပိုင်ခွင့်ရှိ၏။ အပြစ်မဆိုသာပေ။ မိမိတို့ ဗုဒ္ဓဘာသာဝင်များ အတုယူရမည်ဆိုသည်ကို သိရှိနားလည်ဖို့ ပြောရခြင်းဖြစ်သည်။

တိပိဋက မင်းကွန်းဆရာတော်ကြီးသည်ပင်လျှင် ကိုယ့်အချင်းချင်း အားပေးကြဖို့ ကူညီကြဖို့ မိန့်မှာ တော်မူခဲ့ဖူးပါသည်။ ``သမဂ္ဂါနံ တပေါ သုခေါ- ကိုယ့်အချင်းချင်း စည်းလုံးမှ အခက်အခဲမှန်သမျှ ကျော်လွှားနိုင် မည်´´ဟူသော ဘုရားမြတ်စွာ၏ အဆိုအမိန့်ကို လိုက်နာကြမည်ဆိုလျှင် ဗုဒ္ဓဘာသာဝင်များသည် အထက် တန်းကျကျ မျက်နှာပန်းလှလှဖြင့် နေနိုင်သည်ဆိုသည်ကို မည်သည့်ဗေဒင်ဆရာကိုမျှ မေးစရာ မလိုပေ။

မည်သည့်အလုပ်ကိုပဲလုပ်လုပ် ``တစ်ယောက်အား´´နှင့် လုပ်ကိုင်ဆောင်ရွက်ခြင်းထက် ``ဆယ် ယောက်အား´´ နှင့် လုပ်ကိုင်ဆောင်ရွက်ခြင်းက ပို၍ထိရောက်၏။ ယနေ့ခေတ်၌ နိုင်ငံရပ်ခြားတိုင်းပြည်များသို့ သွားရောက်ပြီး အလုပ်လုပ်နေကြသည့် မြန်မာပြည်သားတိုင်းရင်းသားများကို မြောက်မြားစွာ တွေ့ရှိရပေသည်။ စည်းလုံးမှု ညီညွတ်မှုသည် ယင်းကဲ့သို့တိုင်းတစ်ပါးမှာနေကြသည့်သူများမှာ ပို၍ အရေးကြီး၏။ တိုင်းတစ်ပါးတို့၌ ``အလုပ်အကိုင်၊ နေရာတိုက်ခန်း၊ အစိုးရရုံး´´စသည်တို့နှင့် ပတ်သက်ပြီး အခက်အခဲပေါင်းများစွာကို တွေ့ ရှိနိုင်ပေသည်။ ယင်းအခက်အခက်များကို စုပေါင်းပြီးဖြေရှင်းမှ ပို၍ အဆင်ပြေနိုင်ပါ၏။

လူတစ်ရာအတူနေသော်လည်း ``သူတစ်လူငါတစ်မင်း´´ ဖြစ်နေကြလျှင် ``တစ်ရာအား´´ မရှိတော့။ တချို့ရွာ၊ ရပ်ကွက်တို့၌ ဘာသာခြားလူဦးရေထက် ဗုဒ္ဓဘာသာဝင်လူဦးရေက အဆမတန် ပို၍များ၏။ သို့သော် ဘာသာခြားတို့ကား စည်းလုံးမှုရှိရကား စီးပွားရေး၊ လူမှုရေးစသည်တို့၌ ဘာသာခြားတို့ကပဲ ရှေ့ကဦးဆောင် နေပါတော့သည်။ မနာလို၍ ပြောခြင်းမဟုတ်ပါ။ အတုယူလိုသောကြောင့် ပြောရခြင်းဖြစ်၏။

ထိုအကြောင်းများကြောင့် ``အများအတွက်´´ဆိုသည့် ရည်ရွယ်ချက်ဖြင့် စီးပွားရေး လုပ်ငန်းများကို တစ်ခုပြီးတစ်ခု တိုးချဲ့ပြီး ညီညီညွတ်ညွတ်နှင့် လုပ်ကိုင်ဆောင်ရွက်ကြဖို့ အထူးလိုအပ်နေပါပြီ။ အမျိုး ဘာသာ သာသနာအတွက် တက်ကုန်ရွက်ကုန်လွှင့်ပြီး စီးပွားရေး လုပ်ငန်းများကို လုပ်ကိုင်ဆောင်ရွက်နိုင်ကြလျှင် မြန်မာ့တိုင်းရင်းသားများ မကြီးပွားစရာ အကြောင်းမရှိပေ။ ထိုကဲ့သို့လုပ်ကိုင်ဆောင်ရွက်ခြင်းသည် သမ္မာသမ္ဗုဒ္ဓ ခေါ်တွင် မြတ်ဘုရားရှင်၏ အလိုဆန္ဒနှင့် ကိုက်ညီပါကြောင်း တင်ပြလိုက်ရပါသည်။

-------------------------------

သီတဂူ- အရှင်ဒေ၀ိန္ဒာဘိဝံသ

မရှောင်သာတဲ့ လောကဓံ

ဘ၀အထွေထွေကို ဖြတ်သန်းနေကြတဲ့ လူသားတွေဟာ လေနင်ရာ လွင့်မျောပြီး ပုံပြောင်းနေတဲ့ တိမ်တိုက်တွေ လို ဘ၀ရဲ့အနိမ့်အမြင့် ဆိုတဲ့ လောကဓံ တရားတွေဟာလည်း လူတိုင်းမှာ ကြုံတွေ့ခဲ့ရပါသည် ။
ဒီလိုဘဲ နေစဉ်နှင့်အမျှ ရင်ဆိုင်နေရတဲ့ .. လဘ်ရခြင်း ၊ မရခြင်း ၊ အခြွေအရံရှိခြင်း ၊ မရှိခြင်း ၊ ချီးမွမ်းခြင်း ၊ ကဲ့ရဲ့ခြင်း ၊ချမ်းသာခြင်း ၊ ဆင်းရဲခြင်း ဆိုတဲံ့ ရှစ်ပါးသော လောကဓံတရားတွေ ကို မြတ်စွာဘုရားသခင်သည်.. ဖုဋ္ဌဿလောကဓမ္မေဟိ ၊ စိတ္တံယဿ နကမ္ပတိ ၊ အသောကံ ၀ိရဇံခေမံ ဧတံမင်္ဂလမုတ္တမံ ၊ ..... လောကဓံတရားနှင့် ကြုံတွေ့လာလျှင် စိုးရိမ်ပူဆွေး ငိုကြွေးသောက မဖြစ်ဘဲ မတုန်မလှုပ် သည်းခံနိုင်ခြင်းရှိတာကို မင်္ဂလာတပါး ဖြစ်ပါတယ်လို့ ဟောကြားတော်မူပါသည် ။

ဆက်လက်ဖတ်ရူရန်...

ဘ၀ခရီးလမ်းတလျှောက်မှာ လောကဓံမှုန်တိုင်းတွေကို ရင်ဆိုင်ရင်းနဲ့ စိတ်ပျက်မှု ၊ အားငယ်မှု ၊ ညစ်ညူးမှု ၊ ငိုကြွေးမှု မျိုးစုံကြုံရပါသည် ။ ဖြစ်ချင်တာ ဖြစ်ခွင့်မရှိဘဲ သူဖြစ်ချင်သလို ဖြစ်နေတဲ့ လောကနိယာမထဲ ..ကိုယ့်ရင်ထဲ မွန်းကြပ်ဖိစီးနေတဲ့ ဒေါသမီးတွေ ရှိနေပေမဲ့လည်း အပြုံးမပျက် တဖက်သူအပေါ် စကားပြောနိုင်တဲ့ အကျင့်ကို မိမိတို့လေ့ကျင့်ထားရပါလိမ့်မည်။ ယောနိသောမနသိကာရဆိုတဲ့ သင့်တင့်အောင်စိတ်ကို ထားတတ်ရပါမည် ၊ လူတယောက်ဟာ ဆုံးဖြတ်ချက်တခုကို စိတ်ဖြစ်ဆုံးဖြတ်ချက်ချနိူင်ဖို့အတွက် အဓိက မိမိစိတ်အမြင်မှာ ကြည်လင်နေဖိုလိုအပ်ပါသည် ။ ၊ ကမ္ဘာတလွှားရှိ လူသားတိုင်းနှင့် ဘာသာတရားတိုင်းဟာ စိတ်၏ ငြိမ်းချမ်းမှု ကို ဦးတည်ကြပါသည် ရွှေကြာတို့ ဗုဒ္ဓဘာသာတွင်လည်း ကံ ၊ ညဏ် ၊ ၀ီရိယ သုံးပါးစလုံးပြည့်စုံဖို့ လိုအပ်ပါသည်ဟု အထင်အရှားဟောကြားတော်မူပါသည် ။

လူဆိုတာ အမှားမကင်းတာတော့အမှန်ဘဲ အမှားပေါ် နှောင်တတွေရပြီး နောင်မမှားအောင် ဆင်ခြင်ရမည်ဆိုတာလဲ အသိလေးတွေဝင်ဖို့အရေးကြီးပါသည၊် ဒါမှမဟုတ် အမှားများလာပြန်တော့လည်း ကိုယ့်ကိုယ်ကို ယုံကြည်မှုတွေ လျှောသွားနိူင်သည် ၊။ အရာရာအတွက် မျှော်လင်ချက်တွေ ၊ ရည်မှန်းချက်တွေနဲ့ ဘ၀ကို ရင်ဆိုင်ဖြတ်သန်းနေတဲ့အချိန်မှာ အောင်မြင်မှုတွေ ရှိခဲ့သလို ကျဆုံးမှုတွေနဲ့ ရောပြီးခံစားနေကြရသည် ဗိုလ်ချုပ်အောင်ဆန်းပြောခဲ့ဘူးပါသည် - ကောင်းဆုံးကိုလည်း မျှော်လင့်ထားတယ် ၊ ဆိုးဆုံးအတွက်လည်း ပြင်ဆင်ထားတယ် တဲ့ ..မျှော်လင့်ခြင်းများစွာနဲ့ အရာတခု ကို ကြိုးစားကြတယ် ကြိုးစားတဲ့အတွက် အောင်မြင်မှုကို မည်သူမဆို လိုချင်ကြသည် ကြိုးစားပါလျှက်နဲ့  မဖြစ်လာတာတွေ ကြုံတွေရင် စိတ်ပျက် စိတ်ဓါတ်ကျပြီး တချို့ဆို ဘ၀ပါ ဆုံးရှုံးသွားကြသည် ။

စိတ်ပျော်ရွှင်မှု ၊ စိတ်ကျေနပ်မှုတွေ ကြုံတွေ့လာတဲ့အခါ အမှတ်တမဲ့ ကျော်လွန်သွားပေမဲ့ စိတ်ဆင်းရဲ့ ဒုက္ခနဲ့ ကြုံတွေတဲ့အခါ မခံနိူင်အောင် စိတ်ပူလောင်ပြီး စိတ်ဓါတ်ကျဆင်းသည်၊ ဒီလိုအချိန်မျိုးမှာ စိတ်တည်ငြိမ်အောင်လေ့ကျင့်ခန်းဆိုတဲ့ တရားထိုင်ခြင်းကို လုပ်ပေးရပါသည် ၊။
မြတ်စွာဘုရားရှင် မိန့်ကြားတော်မူခဲ့ပါသည် .. ရဟန်းတို့ အနာရောဂါဟူသည် နှစ်မျိုးအပြားရှိ၏ ၊ အဘယ်နှစ်မျိုးနည်း . ကိုယ်နာမကျန်းခြင်းနှင့် စိတ်နာမကျန်းခြင်း တို့တည်း . တနှစ် ၂နှစ် နှစ်ပေါင်းတရာ ၊တရာထက်ပို၍၄င်း ၊ ကိုယ်နာမကျန်းခြင်းမှ ကင်းရှင်းပုံရသူများသည် ရှိပေသည် ၊ သိုသော်လည်း ရဟန်းတို့ ကိလေသာညစ်ကြေးကင်းကုန်ပြီးသော ရဟန်းတို့မှအပ ခဏမျှ စိတ်နာမကျန်းခြင်းကင်းသူဟူ၍ လောကတွင်ရှားလှဘိခြင်းဟု မိန့်ကြားတော်မူခဲ့ပါသည် .။ ၊ ဒီတော့ နေ့နေ့ညည လျှောက်လမ်းလို့ မငြိမ်းနိူင်တဲ့ ကိုယ့်ဘ၀ ခရီးလမ်းမှာ ရတာလေးနဲဘဲ ရောင်ရဲမယ်ဆိုတဲ့ သဘောလေးသာမရှိခဲ့ရင် စိတ်ရဲ ငြိမ်းချမ်းမှုဆိုတာ ဘယ်သောခါမှ ရနိူင်မှာ မဟုတ်ပါ ။
လောလောဆယ်မှာ စိတ်ခွန်အားတွေ ပြန်ပြည့်ဖို့ လိုပေသည် တရားထိုင်ချင်းဆိုသည့် ၀ိပဿနာအလုပ်သည် ဗုဒ္ဓဘာသာစစ်စစ် ကမ္မဋ္ဌာန်း စိတ်လေ့ကျင့်မှု လုပ်ငန်းဖြစ်ပြီး သဘာဝတရားကို ထိုးထွင်းသိမြင်ပြီးနောက် စိတ်၏လုံးဝလွတ်မြောက်မှုရခြင်းကြောင့်နိဗ္ဗာန်ကို မျက်မှောက်ပြုနိူင်ပါသည် ။ စိတ်တိုးတက်မှု( ဘာဝနာ )နှင့်ပတ်သတ်၍ ဗုဒ္ဓမြတ်စွာဟောကြားတော်မူသော ဒေသနာများတွင် အရေးကြီးဆုံးဒေသနာသည် ဒီဃနိကယ်သုတ် (၂၂) သိုမဟုတ် မစ္ဖျိမနိကယ် သုတ် အမှတ်(၁၁) တွင်လာသော သတိပဋ္ဌာနသုတ်ဖြစ်ပါသည် ၊ဤသုတ်တွင်ဟောကြားတော်မူသော ဘာဝနာတရားတော်သည် လောကနှင့် အဆက်ဖြတ်၍ လောကကြီးကို ရှောင်ဖယ်သွားစေရန်မဟုတ်သည်သမက မိမိတို့၏ ဘ၀နေ့စဉ်လုပ်ငန်း ဆောင်တာများ ၀မ်းသာမှု ပူဆွေးမှုများ အပြောအဆို အကြံအစည်များနှင့် ကျင့်သီလ အသိဉာဏ် ဆိုင်ရာများနှင့်ပင် သက်ဆိုင်ပါသည် ။

သတိပဋ္ဌာနသုတ်မှာလည်း (၄)ပိုင်းရှိသည်
၁။ မိမိကိုယ် ၌ ဖြစ်ပျက်မှုကို ရှုသော ကာယနုပဿနာ သတိပဋ္ဌာန်၊
၂။ မိမိတွေထိခံစားနေသော ဝေဒနာတခု၌ ဖြစ်ပျက်မှုကို ရှုရသော ဝေဒနာနုပဿနာ သတိပဋ္ဌာန် ၊
၃။ မိမိစိတ်တခု၌ ဖြစ်ပျက်မှု ကို ရှုရသော စိတ္တာနုပဿနာ သတိပဋ္ဌာန် ၊
၎။ ကိုယ်ကျင့်သီလဉာဏ်ပညာဆိုင်ရာ တရားစု၌ ဖြစ်ပျက်မှုကို ရှုရသော ဓမ္မနုပဿနာ သတိပဋ္ဌာန် ၊

ဒီသတိပဋ္ဌာန်တရားတွေကို ရှုမှတ်အားထုပ်ပြီး စိတ်ဓါတ်ကျစဉ် ခဏတွင်း အလွယ်လင်တကူ ရရှိကာ ဆူကြုံမြင့်တုံ လောကဓံ တရားများကိုလည်း ရွှေကြာတို့အနေနဲ့ ပိုမို ခံနိူင်ရည် ရှိနိူင်မည်ဖြစ်ပါသည် ။

လက်ဝှေးသမားရဲ့ စကားတခွန်းရှိပါသည် ... ထိုးနိူင်တာသာ စွမ်းရည်မဟုတ်ပါ ၊ ထိုးခံနိူင်တာဟာလဲ စွမ်းရည်ပါဘဲ တဲံ့ ....... ဒါကြောင့် မိမိတို့ စိတ်ကို တနေရာအတွက်သာ ပြင်ဆင်ရမှာ မဟုတ်ဘဲ လောကဓံ တရားရှစ်ပါးလုံးအတွက် ခံနိူင်ရည်ရှိအောင် ကြိုတင် ပြင်ဆင်ရပါမည် ဖြစ်ပါသည် ။

ရွှေကြာ . မြန်မာပြည်မှာတုံးက ပဏ္ဌိတာရာမ ရွှေတောင်ကုန်းသာသနာရိပ်သာတွင် တရားအားထုတ်စဉ် ဆရာတော်ဘုရား သြ၀ါဒ မိန့်ဆိုခဲ့ဘူးသည် ....မြင့်တဲ့သူတွေ အပေါ်မှာ ကိုယ်က နိမ့်ရမယ် ၊ နိမ့်တဲ့သူတွေ အပေါ်မှာ ကိုယ်က မြင့်ရမယ် ဆိုတဲ့သြ၀ါဒပါ. ကြိုးစားမှုကြောင့်အောင်မြင်မှု ရလို့ဖြစ်စေ ၊ ထိန်းချုပ်မှုမှ ကင်းလွတ်တဲ့ အနေနဲ့ စိတ်နေစိတ်ထား တစ်မျိုးတမည် ဖေါက်ပြန်နေတဲ့ သူအပေါ်မှာဖြစ်စေ ကိုယ့်ကိုယ်ကို နှိုမ့်ချပြီး ဆက်ဆံရပါမည် ၊။ လောက လူသားတွေနဲ့ ကြည့်မယ်ဆိုရင် ဒီလိုနှိုမ့်ချဆက်ဆံတာကို အောက်ကျတယ်လိုထင်နိူင်ပါသည် ၊ မြတ်စွာဘုရားအလိုတော်ကျ ကြည့်မယ်ဆိုရင်တော့ ကိုယ်က နိုမ်ချဆက်ဆံခြင်းသည် အသာရလိုက်တာပါဘဲ ၊ ဒါကိုရည်ရွယ်ပြီး မြင့်တဲ့သူတွေ အပေါ်မှာ ကိုယ်က နိုမ့်ရမယ်ဆိုတာဖြစ်သည် ၊ နိုမ့်တဲ့သူတွေ အပေါ်မှာ ကိုယ်က မြင့်ရမယ်ဆိုတာကတော့ သီလ ၊ သမာဓီ ၊ ပညာ တရားတွေ နည်းပါးတဲံ အနေအနဲ့ နိုမ့်ကျသူတွေ ထက် ကိုယ်က သီလ ၊ သမာဓီ ၊ ပညာ တိုးပွါးအောင် အားထုတ်ကျင့်ကြံခြင်းဖြစ် မြင့်မြတ်ရပါသည် .။ .......

အခက်ခဲတွေနဲ့ ကြုံတွေ လာတဲ့အခါ ရှောင်လွဲရန်မကြိုးစားဘဲ တတ်နိူင်ဆုံး မေတ္တာနှင့်ယှဉ်သော နူးညံ့ ပြေပြစ်သောစိတ်နုလုံးကို လက်ကိုင်ထားပြီး ပြဿနာကို တခုချင်း တခုချင်းစီ ဖြေရှင်းသွားဖို့လိုပါသည် ၊။
လူတယောက်ရဲ့ ဘ၀မှာ အရေး အကြီးဆုံးက ဘာလဲ ? ၊ ကိုယ်တကယ်ဖြစ်ချင်ဘာလဲ ? ၊ ကိုယ်တကယ်လုပ်နေတာဘာလဲ? ၊ကိုယ့်ကိုကိုယ် ပြန်စစ်ဆေးကြည့်ဖို့ လိုအပ်ပါသည်။ ဘ၀နောက်ဆုံးအချိန်ထိ ဓိပ္ပါယ်ရှိရှိ ဘယ်လိုနေရမယ်ဆိုတာလဲ သိဖို့လိုအပ်ပါသည် ၊ ဘ၀လောကဓံ လေလှိုင်း တိုက်ခတ်မှုကို ကြံ့ခိုင် သန်စွမ်းမှု နဲ့ ခံနိူင်ရည် အားကို လိုအပ်သလို ပြုပြင်ပြီး ကိုယ့်ဘ၀ရဲ့ လိုအပ်ချက်များကို ကိုယ်ကလွဲ၍ ဘယ်သူမှ မသိနိူင်တဲ့အတွက် ဖြည့်စွက်ရင်း လောကဓံမှုန်တိုင်းကို ...ဖုဋ္ဌဿလောကဓမ္မေဟိ ၊ စိတ္တံယဿ နကမ္ပတိ ၊အသောကံ ၀ိရဇံခေမံ ဧတံမင်္ဂလမုတ္တမံ ၊ ..... နှင့်အညီ စိုးရိမ် ပူဆွေး ငိုကြွေးခြင်းကင်းစွာနဲ့ မတုန်မလှုပ် သည်းခံ နိူင်ကြပါစေ ။

မေတ္တာဖြင့် ရွှေကြာ .

ငါ အစွမ်းရှိသလောက် စောင့်ရှောက်နိုင်ရပါလို၏ by ဒေါက်တာအရှင်ဉာဏိဿရ (အဂ္ဂမဟာပဏ္ဍိတ၊ Ph.D., D.Litt.)

မိမိ စာသင်သားဘ၀က ပထမကြီးတန်းကို ဖြေဆိုခိုက် ဒီပဲယင်း ဆရာတော်ဘုရားကြီး၏ ပရမတ္ထစက္ခုကျမ်းကို ဖတ်ရှုဖြစ်ခဲ့လေသည်။ ပဏာမမှ နိဂုံးအထိဖတ်ကြည့်ရာ ထိုကျမ်း၏ နိဂုံး၌ ဆရာတော်ကြီး၏ ဆုတောင်းဂါထာများကို တွေ့မိဖတ်မိလေသည်။ ဆုတောင်းဂါထာ သုံးပုဒ်ရှိသည်။ အလွန်ကောင်းသော ဘ၀လမ်းညွှန် မွန်မြတ်သည့် စိတ်ဓာတ်ကို မြှင့်တင်ပေးသည့် ဆုတောင်းဖြစ်သည်ဟု ခံယူသဘောပေါက်မိသည်။ မိမိသည် ထိုစဉ်ကပင် ထိုဆုတောင်းကို အရဆောင်၍ ဘုရားဝတ်တက်တိုင်း ကောင်းမှုပြုတိုင်း ဆုတောင်းနေခဲ့လေသည်။

အသီးသီးတတ်သော သစ်ပင်တို့သည် အသီးတို့ဖြင့် သတ္တ၀ါတို့ကို ကျေးဇူးပြုတတ်ကုန်၏၊ မြစ်ချောင်းတို့သည် ရေဖြင့် သတ္တ၀ါတို့ကို ကျေးဇူးပြုကုန်၏၊ နွားမတို့သည် နို့ရည်ဖြင့် လူတို့ကို ကျေးဇူးပြုကုန်၏၊ နွားထီးတို့သည်လည်း ကောက်ပဲသီးနှံတို့ဖြင့် လူတို့ကို ကျေးဇူးပြုကုန်၏၊ “နေ” သည် နွေးသောရောင်ခြည်ဖြင့် လူတို့ကို ကျေးဇူးပြု၏၊ “လ” သည်လည်း အေးမြသောရောင်ခြည်ဖြင့် လူတို့ကို ကျေးဇူးပြုကုန်၏၊ ဤသို့လျှင် လူတို့သည် လူအချင်းချင်း ကျေးဇူးပြု ကောင်းကျိုးပြုရမည်သာ ဖြစ်သည်။

မြေကြီးပေါ် ရောက်လာသောလူတို့သည် လူ့လောကကို ကျေးဇူးပြုမှ ဤကမ္ဘာမြေပေါ်ဝယ်နေရကျိုးနပ်မည်၊ လူတို့သည် အထက်ဖေါ်ပြပါ ကျေးဇူးပြတတ်သော အရာဝတ္ထူတို့နှင့် လုံးလုံးမတူ ထူးခြားသည်သာဖြစ်၏။ အကြောင်းအကျိုးကို နားလည်သည်၊ အကောင်းအဆိုးကို သိမြင်သည်၊ ဆင်ခြင်တုံးတရားရှိသည်၊ ထို့ကြောင့် ကံကောင်းထောက်မ၍ ရခဲစွာလှ လူ့ဘ၀ကို ရကြသူတို့သည် စဉ်းစားဆင်ခြင်ရန်မှာ “ငါသည် လူသားတို့အတွက် ဘာတွေကို ထားပြစ်ခဲ့မလဲ” “ငါသည် ငါ့အတွက် ဘာတွေကို ယူသွားမလဲ”၊ ဤအချက်ကို အလေးအနက် လူသားတိုင်း စဉ်းစားဆင်ခြင်အပ်လေသည်။

သိဒ္ဓတ္ထဂေါတမ မြတ်ဗုဒ္ဓသည် အရိုးကြေကြေ အရေဆုပ်ဆုပ် အားထုတ်တော်မူ၍ သတ္တလောကကြီးအတွက် ဓမ္မတစ်ခု ထားရစ်ခဲ့လေသည်၊ သတ္တ၀ါအားလုံးစားသုံး၍ မကုန်နိုင်အောင် ရှိပေသည်။ လောက၌ ကံစွမ်း ဥာဏ်စွမ်း ၀ီရိယစွမ်း ရှိသူတို့ကား ရှားပါးကုန်၏၊ ကံစွမ်း ဥာဏ်စွမ်း ၀ီရိယစွမ်း နည်းပါးသူတို့သာ များပြားကုန်၏။ ကံစွမ်း ဥာဏ်စွမ်း ၀ီရိယစွမ်း ကြီးမားသူတို့သည် ကံ ဥာဏ် ၀ီရိယအား နည်းပါးသူတို့၏ မှီခို အားထားရာ ဖြစ်သင့်ပေသည်။

လူတို့၏ နှုတ်တွင် စကားပုံပေါင်း မြောက်မြားစွာ ပြောဆိုကြသည်။ ဥပမာ … “ရေကြည်ရာ မြက်နုရာ” ဆိုသော စကားမျိုးဖြစ်သည်။ ဤစကားရပ်၌ မိမိနေသောအရပ်၌ ရေနောက်လျှင် ရေကြည်ရှိရာ အရပ်သို့ သွားရမည်။ မိမိနေသော အရပ်၌ သစ်ပင် မြက်ပင်တို့ ခြောက်သွေ့လျှင် စိမ်းစိုသော အရပ်သို့ သွားရမည် ဟု ဆိုလိုဟန်ရှိသည်။ တကယ်ဖြစ်သင့်သည်ကား မကြည်သောရေကို ကြည်အောင်လုပ်ရမည်။ မနုသောမြက်တို့ကို နုအောင်စိုက်ပျိုးရမည်၊ ပူပြင်းခြောက်သွေ့ ရေရှားပါးသော အရပ်ကို စိမ်းလန်းစိုပြေအောင် သောက်ရေ သုံးရေရအောင် လုပ်ရမည်ဟုသာ မိမိခံယူသည်။ ဤခံယူချက် ဤဆုတောင်းများကြောင့် ယနေ့ ပြည်ထောင်စု မြန်မာနိုင်ငံတော်တွင် ရေအလှူ၊ ဆေးအလှူ၊ ကျောင်းအလှူ၊ ကျောင်းသုံးပရိဘောဂအလှူ ဆေးရုံအလှူတို့ကို အတော်အတန် လှူဖြစ်ခဲ့လေပြီ။ ဆက်လက်၍ တောင်းလိုသော ဆုတောင်းသည်ကား “ကာမ၏ ကျေးကျွန်အဖြစ် ဘယ်ဘ၀မှာမှ မဖြစ်ရပါလို။ သာသနာတော်၏ကျေးကျွန်သာဖြစ်ရပါလို၏၊ ငါတည်းဟူသော အကြောင်းကြောင့် သူတပါးတို့ ဒုက္ခမဖြစ်ကြပါစေနှင့်၊ ဆင်းရဲဒုက္ခရောက်သူတို့ကို ငါ အစွမ်းရှိသလောက် စောင့်ရှောက်နိုင်ရပါလို၏” ။

ဓမ္မမိတ်ဆွေများအား ဆရာတော်ဘုရား၏ ဆုတောင်းနှင့် ဂုဏ်ကျေးဇူးများကို မျှဝေလိုက်ပါသည်။

ရွက်ဟောင်းပြုတ်၍ ကျေးနှုတ်အသွင် ရွက်သစ်ပြင်တဲ့ နွေဦး

နွေလေးလတို့တွင် ဂိမ္မာန်နွေဦး ရောက်တော့ လေဗွေမြူး၍ ရွက်ဝါ ခြောက်တွေ တဖျောက်ဖျောက်နှင့် လေထဲမှ ဝေ့၀ဲလို့ နေပြန်လေပြီ.
စိတြနှင့် မိဿရာသီ ခါညီဝေါဟာ ဂေါဇာအသစ် သက္ကရာဇ် ပြောင်းဘူး နှစ်နှောင်းဦးသားတန်ခူး ခေါသော ကာလလည်း အခုဆို ကျော်လွန်ခဲ့ပြီ .
အချိန်အခါရာသီလိုက်၍ အကိုင်းအညွှန်တွေသည် ပတ်ဝန်းကျင်တခုလုံး ရှုမြင်၍မဆုံးနိူင်အောင် ပင်လုံးကျွတ်ပွင့်လျှက်ရှိနေပါသည်၊ လေပြင်းမုန်းတိုင်း အုတ်ဆိုင်းကတိုက်ခိုက်လာခဲ့သော်လည်း ကိုင်းချင်းခက်ချင်း ယှဉ်တွဲ လို့ - အေးယာဉ်လွဲသလို ယိမ်း နွဲကါ လေပြည်လေငြင်း တိုက်ခိုက်လာလည်း သာယာကြည်နူးလို့၊ ဖူးအညွှန့်တို့ လည်း မြူးကွန်နေကြလို့ ၊ မြူခိုးတွေလည်း အုံတ၀ိုင်းဝိုင်း ဆိုင်းတမို့မို့ မှိုင်းညို့ညို့နဲ့ နှစ်မြို့ဘွယ်ရှိလှသော တောအုပ်ကြီးသည် စိမ်းလမ်းစိုပြေနေတဲ့ ရေတံခွန်နှင့် တိုက်ခိုက်လာသောလေ၀ှန်းကြောင့်ဝါရောင် ရွက်ဟောင်းများကြွေကျလို့ ၊ ကျေးနုတ်သီးအသွင် ရွက်သစ်တွေပြင်လို့ ၊ ပင်ငယ်လေးတွေတမျိုး ၊ ပင်ကြီးတွေတဖုံ ၊ ပင်အလတ်တွေတချို့ ၊ ကင်ငုံစို့ တွေနဲ့ အချို့ကြီးရင့်လို့ အချို့က သီး လို့ ၊အချိုက ပွင့်လို့နေသဖြင့် သင်းရနံ့တွေ မြိုင်ဟေမ၀န် တခုလုံး တကယ်ဘဲ နှင့်သက်ဖွယ် ရှုချင်ဖွယ် တင်တယ်လှပသော တောအုပ်ကြီးတခု လို ၊ ခန္ဓာကိုယ်မှာလောင်မြိုက်နေတဲ့မီးတောက်ကြီးကို တားဆီး ငြိမ်းအေးစေတဲ့ နိဗ္ဗာန်ရွှေပြည်ကိုရောက်စေတဲ့ အဲဒီတော အုပ်ကြီး သဘွယ်တင်တယ်လပှစွာ နဲ့ ကလျှာဏ သုံးစုံ သဒ္ဒါလင်္ကာရ၊ အတ္တာလင်္ကာရ ၊ဆိုတဲ့ ပန်းရနံ့နှင့်ပြည်စုံသော ၀ိမုတ္တိရသ တပါးပြပြီး ၊ ဓမ္မ ၀ိနယ နှစ်ပါး ၊ ပိဋကတ်သုံးပုံ၊ငါးရပ် နိကယ် ၊ အင်ကိုးသွယ် နှင့် အကျယ်ပြန်လိုက်မယ်ဆိုရင် ဓမ္မက္ခန္ဓာပေါင်းရှစ်သောင်းလေးထောင်ရှိတဲ့ ပရိယတ္တိတရားတော်မြတ်ကြီးဟာ လောကုတ္တာအစီးပွါးကို ဖြစ်ထွန်းစေပါတယ်လို့ မြတ်စွာဘုရားဟောကြားတော်မူခဲ့ပါသည် ။


(ရတနာသုတ်တော်-
ဝနပ္ပဂုမ္ဗေ ယထ ဖုဿိတဂ္ဂေ၊
ဂိမှာန မာသေ ပဌမသ္မိ ဂိမှေ ။
တထူပမံ ဓမ္မ၀ရံ အဒေသယိ၊
နိဗ္ဗာနဂါမိံပရမံ ဟိတာယယ ။
(ကိုးဆောင်ဆရာတော်ဘုရားရေးသားတော်မူသော ရတနာသုတ်အနက်ကို ကိုးကား၍မျှဝေပါသည်)
လူ့ဘ၀သည် အမွန်မြတ်ဆုံးဖြစ်ပေသည် ၊ မိမိကိုယ်ပိုင် အရှင်သခင်ဖြစ်၍ ကိုယ့်ဘ၀ဖြစ်စဉ်ကို စီရင်ဆုံးဖြတ်ရန် မည်သည့် တန်ခိုးအာဏာရှင် အထက်ပုဂ္ဂိုလ်များမဟုတ်ပေ ။ မိမိသည်သာလျှင် မိမိကိုးကွယ်ရာဖြစ်၏ ။ မိမိမှ တပါး အဘယ်သူသည် မိမိ၏ ကိုးကွယ်ရာ ဖြစ်နိူင်ပါအံ့နည်း ဟု ဗုဒ္ဓမြတ်စွာဘုရားက မိတ်ခဲ့လေပြီ . မြတ်စွာဘုရား၏ တပည့်ရဟန်းတို့အား "မိမိကိုသာ အားကိုးကြလေ၊ အခြားတပါး၌ ကိုးကွယ်ရာမရှာလေနှင့်" ဟူ၍ သြ၀ါဒ ပေးခဲ့လေသည် ။
လူသားအားလုံးတို့သည် ကိုယ်ပိုင် ကြိုးစားမှုနှင့် ပင်ကိုယ်ဉာဏ်အားဖြင့် အနှောင်အဖွဲ့အားလုံးတို့မှ လွတ်မြောက်နိူင်စွမ်းရှိ ပါသည် ။ မြတ်စွာဘုရားသည် ပုဂ္ဂိုလ်တိုင်းအား မိမိ တိုးတက်ရေးနှင့် လွတ်မြောက်ရေးကို မိမိကိုယ်တိုင်ကြိုးပမ်းယူရန် အားပေးလှုံဆော်သွန်သင်ဆုံးမပေးတော်မူခဲ့ပေသည် ။ "သင့်တို့ကိုယ်တိုင် အားထုတ်ကြရကုန်မည် ၊ ဘုရားရှင်တို့သည် လမ်းကိုသာ ညွှန်ပြကုန်၏ "ဟူ၍ ဗုဒ္ဓရှင်တော်မြတ်က မြွက်ကြားတော်မူ၏ ။ ဗုဒ္ဓမြတ်စွာဘုရားအား "ကယ်တင်ရှင်" ဟု ခေါ်တွင်ရမည် ဆိုပါလျှင် လွတ်မြောက်ရေးစခန်းဖြစ်သောနိဗ္ဗာန်သို့ သွားရာ ခရီးလမ်းကြောင်းကို ရှာဖွေတွေ့သူနှင့် လမ်းညွန်ပြသူ အဖြစ်ဖြင့်သာ ခေါ်ဆိုကြမည်ဖြစ်ပေသည် ။ နိဗ္ဗာန်သို့ ဆိုက်ရောက်ရန်မှာ ဤခရီးလမ်းကြောင်းအတိုင်း ရွှေကြာတို့ နှင့်အတူ ဓမ္ဓမိတ်ဆွေများ ကိုယ်တိုင်လျှောက်လမ်းကြရပေမည် ။ မဟာပရိနိဗ္ဗာနသုတ်တော်တွင် မြတ်စွာဘုရားရှင်သည် တပည့်သားသံဃာတော်များအား ချုတ်ချယ်ထားရန် စိတ်မကူးခဲ့ကြောင်း သံဃာတော်များကလည်း မြတ်စွာဘုရားအပေါ်တွင် မှီခို မနေစေလိုကြောင်းတို့ကို ဟောကြားတော်မူခဲ့ပေသည် ။ တရားတော်မြတ်တွင်လည်း ထိန်ချန်ဖုံးအုပ်ထားသည့် အချက်ဟူ၍မရှိ ၊အာစရိယ မုဋ္ဌိခေါ် ဆရာ့-လက်ဆုပ် လက်ကိုင်ဖြစ်၍ တပည့်တို့အား မသင်ကြား မပြသဘဲ ကွယ်ဝှက်ထားသည်ဟူ၍ မရှိ ၊ " ဆရာ စားချန်ထားသော အကြောင်းများ မရှိ" ဟု မြတ်စွာဘုရားက ဟောကြားတော်မူခဲ့ပါသည်။ မြတ်စွာဘုရားရှင်သည် တဦးတယောက်စီ ကိုယ်တိုင်တာဝန်ခံယူခြင်းယူသော အကျင့်စဉ်မူအရ တပည့်သံဃာတော်တို့အား လွတ်လွတ်လပ်လပ် နေထိုင်ခွင့်ကို ပေးတော်မူခြင်းဖြစ်လေသည် ။အဲဒီလို လွတ်လွတ်လပ်လပ်နေထိုင်ခွင့်ဆိုသည်မှာလည်း လွတ်မြောက်ရေးသည် သစ္စာတရား ကို ကိုယ်တိုင်ရှာဖွေ ရယူနိူင်ခြင်းအပေါ်တွင်သာ တည်ရှိပါသည် ။မည်သည့် နတ် ဘုရား ၊ တန်ခိုးရှင် တို့ကမှ သူတို့၏ သြဇာခံ၍ ကောင်းမွန်စွာ ကျင့်ကြံသည့်အတွက် ဆုလာဘ်အဖြစ်ဖြင့် ချီးမြင့်နိူင်သော အရာမဟုတ်ပါ။
အခါတပါး၌ မြတ်စွာဘုရားရှင်သည် ကောသလပြည် ကေသပုတ္တ မြို့ငယ်တခုသို ရောက်ရှိလာခဲ့ သည် ။ ဤမြို့နေ လူအပေါင်းကို ကာလာမအမျိုးနွယ်များဟု ခေါ်တွင်ကြလေသည် ။မိမိတို့ မြို့တွင်းသို့ မြတ်စွာဘုရား ရောက်ရှိလာကြောင်းကြားသောအခါ ကာလာမအမျိုးသားတို့သည် မြတ်စွာဘုရားထံသို ဆည်းကပ်၍ ဤသို့လျှောက်ထားကြ၏ ။
" အရှင်ဘုရား ကေသပုတ္တသို့ ရသေ့ပုဏ္ဏား အချို့တို့ ရောက်ရှိလာကြပါသည် ။ သူတို့သည် သူတို့၏ အယူဝါဒများကိုသာ ရှင်းလင်းပြကြ၍ ထင်ရှားစေကုန်ကြပါသည် ။ သူတပါး၏ အယူဝါဒများကို မထီလေးစားပြုကြပါသည် ။ ရှုတ်ချကြပါသည် ၊ ပစ်ပယ်ကြပါသည် ။ ဘုရားတပည့်တော်တို့မှာ ကြည်ညိုလေးမြတ်ဘွယ်သော ဤရသေ့ပုဏ္ဏားများတွင် မည်သူက အမှန်စကားပြော၍ မည်သူက မမှန်စကားဟောသွားကြသည်ကို မဝေခွဲနိူင်အောင် အစဉ်စိတ်ရှုပ်ပွေကာ သံသယဖြင့် တွေဝေလျှက် ရှိကြပါသည်ဘုရား "

ထိုအခါ မြတ်စွာဘုရားက ဘာသာရေးရာ သမိုင်းတလျှောက်တွင် ထူးထူးခြားခြား ပြိုင်ဘက်ကင်းသည့် ဤသြ၀ါဒကို မြွတ်ကြားတော်လိုက်လေပေသည် ။................ " ဟုတ်ပေသည် ကာလာမ အမျိုးသားတို့ ၊ ယုံမှားဘွယ်ရာ ကိစ္စတွင် သံသယဖြစ်ပေါ်လာသော ကြောင့်သင်တို့သည် ယုံမှားသံသယရှိသင့်ကြပေသည် ။စိတ်ရှုပ်ပွေခြင်း ဖြစ်သင့်ကြပေသည် ။ယခု ရှုကြပေလော့  ကာလာမအမျိုးသားတို့......."
သတင်းစကားကို ကြားရုံမျှဖြင့် နားမယောင်နှင့် ၊ အစဉ်အလာဖြစ်ပေသည်ဟူ၍လည်း လက်မခံနှင့်၊ လူပြော သူပြော တဆင့်စကားကိုလည်း မယုံလေနှင့် ၊ ဘာသာရေးကျမ်းကြီးများ ကိုးကားပြော၍လည်း မှန်လှပြီမထင်လေနှင့် ၊ ပုံပန်းအမြင်သဏ္ဌာန် ကြည့်၍လည်း မဆုံးဖြတ်နှင့် ၊ ယော်ယမ်းမှန်းဆယူရသော သဘောထင်မြင်ချက်ကိုလည်း အမှန်ဟု မမှတ်ယူလေနှင့် ၊ ဖြစ်နိူင်ကောင်း၏ဟု ထင်မြင်ရရုံဖြင့်လည်း မယုံကြည်ပါလေနှင့် ၊ အသင်တို့ ကိုးကွယ်ဆည်းကပ်ရာဆရာသမားဖြစ်ပေသည် ဟူသော သဘောကြောင့်လည်း မှန်လှပြီဟု တထစ်ချမမှတ်ကြကုန်ရာ ။

အို--- ကာလာမနွယ်ဘွား အမျိုးသားတို့ ၊ အချို့သော အကြောင်းတရားသည် အကုသိုလ်ဖြစ်သည် ၊ မမှန်ကန် ၊ မကောင်းကျိုးကို ဖြစ်စေသည်ဟု သင်တို့ ကိုယ်တိုင်ကိုယ်ကျ သိရှိ၏ ။ ထိုအကြောင်းတရားများကို စွန့်ပယ်ကြလေလော့ ...... ။ အချို့ ကြောင်းတရားများမှာမူ ကုသိုလ်ဖြစ်သည် ၊ ကောင်းသောကျိုးကို ဖြစ်စေသည်ဟု အသင့်တို့ ကိုယ်တိုင်သိကြ၏ ။ထိုကြောင်းတရားများကို နှစ်သက်စွာလက်ခံ၍ လိုက်နာကျင့်ကြံကြပေတော့ "...
မြတ်စွာဘုရားရှင်သည် ထိုထက်ပင် လွန်ကဲ၍ ဆိုပေသေးသည် ။ တစုံတယောက်အား မိမိဆရာအဖြစ် လက်ခံလိုက်မည်ဆိုလျှင် တထာဂတ ကိုပင်သော်လည်း အမျိုးစစ် အဘိုးတန် မှန်မမှန် ထင်ရှားသိမြင်နိူင်ရန် သေချာစွာ စစ်ဆေးစမ်းသပ်လေ့လာသင့်သည်ဟု ထိုရဟန်းတို့အား မိန့်မြွက်ခဲ့လေသည် ။
ပုံမှန်လည်ပတ်နေတဲ့ ရာသီဥတု စက်ဝိုင်းထဲမှာ နွေ ၊ မိုး ၊ဆောင်း ရဲ့အလှတရားလေးတွေရှိနေသလို ဥပါဒ် ဋ္ဌီ ဘင် ( ဇာတိ ဇရာ မရဏ) ဆိုတဲ့ သင်္ခါရတရားလည်း ရှိနေတယ်ဆိုတာကို သတိထားမိဖို့လိုပါသည်။
ရွက်ဟောင်းများ ကြွေကျ၍ ရွက်သစ်တွေဝေနေတဲ့ နွေဦးမှာ ကိုယ်စိတ်နှစ်ပါး လန်းဆန်းနိူင်ကြပါစေ။.။

မေတ္တာဖြင့် ရွှေကြာ။

စိတ်ကို စောင့်ရှောက်လျှင်ဘာအကျိုးရမလဲ ..?

စိတ်ကိုစောင့်ရှောက်လျှင်

ကာယကံ ကိုလည်း စောင့်ရှောက်သည်မည်၏ ။

ဝစီကံ ကိုလည်း စောင့်ရှောက်သည်မည်၏ ။

မနောကံ ကိုလည်း စောင့်ရှောက်သည်မည်၏ ။

ကာယကံ ၊ ၀စီကံ ၊ မနောကံ ကို စောင့်ရှောက်သူ၏ ကံသုံးပါသည် ကိလေသာ မစိုစွတ်၊

ကိလေသာ မစိုစွတ်သော ကံသုံးပါးရှိသူသည် ၊

ကာယကံသည်လည်း မဆွေးမြေ့ ၊

ဝစီကံသည်လည်း မဆွေးမြေ့ ၊

မနောကံသည်လည်း မဆွေးမြေ့ ၊

မဆွေးမြေ့သော ကံသုံးပါးရှိသူအား

ကောင်းသော သေခြင်းဖြစ်နိူင်၏ ။

ကောင်းသောကွယ်လွန်ခြင်း ဖြစ်နိူင်၏ ။

(ဗုဒ္ဓတရားတော်မြတ်)

ရွှေကြာတို့ဘ၀

ရှာလို့လဲ မတွေ့ ကြာလို့လဲ မမေ့သော အမေ



အမေ့မေတ္တာ ကျေးဇူးတရားတွေကို ခိုင်းနိူင်းတင်စား စာဖွဲ့ ကြတာ လောကဥပမာ အမျိုးမျိုး အဖုံဖုံ ပါဘဲ ။ တကယ်လဲ ကြီးမားလှတဲ့ခိုင်မာတဲ့ မေတ္တာရှင် ဖြစ်ပါသည် ။



အဆုံးအစ မဲ့ ချစ်ခြင်းနဲ့ သာ သားသ္မီးတို့ကို ချစ်တဲ့ အမေ ပါ။ သိတတ်စရွယ်က စလို့ အသက်ရွယ် ကြီးတဲ့ ထိ ချစ်ခြင်းတွေ မပြောင်းလွဲတဲ့ အမေ။ လမ်းလျှောက်သင်စ အရွယ်တုံး က တလှမ်းချင်း လှမ်းလျှောက် သင်ပေးခဲ့ တာကို သတိယပြီး .. မိခင်အိုကြီး စိတ်သွားတိုင်း ကိုယ်မပါ နွမ်းလျှပြီး လမ်းမလျှောက်နိူင်တဲ့ အခါ ခွန်အားပါတဲ့ လက်တစုံနဲ့ မိခင်အိုကို ကူတွဲ သင့်ပါသည်။
မိဘနှစ်ပါး၏ ဂုဏ်တော် အနန္တများသည် ....
(၁) သုဟဒယဂုဏ်-- ဆိုတဲံ အရိုး ၊ အကြော ၊ အသွေး သားထဲက စိမ့်ပြီးသားသ္မီးကိုချစ်ခြင်း ။
(၂) ဗြဟ္မာဂုဏ်--- ဆိုတဲ့ မေတ္တာ ၊ ဂရုဏာ ၊မုဒိတာ ၊ ဥပေက္ခာ လေးပါးနှင့် စောင့်ရှောက် ခြင်း ။
( ၃) ဇနေတ္တိဂုဏ်--- ဆိုတဲ့ အသက်စွန့် ပြီး မွေးသော အမေ ၊ အသက်စွန့်ပြီး ရှာ ကျွေးသောအဖေဖြစ်ခြင်း ။
(၄) ပေါသကဂုဏ်---ဆိုတဲ့ အေးမြပြီး သန့်ရှင်းကြည်လင်သော မိဘနှစ်ပါး၏အရိပ် ရခြင်း ။
(၅) ပေါသနန္တိဂုဏ် ----ဆိုတဲ့ လေပူနေပူ အအေးဒဏ်မျိုးစုံကို ကာကွယ်ပြီး ပြုစုစောင့်ရှောက်ပေးခြင်း ။
(၆)ဒေဿတာရာဂုဏ်---ဆိုတဲ့ စကားပြောသင်ခြင်းမှအစ ဘုရားရှိခိုးနည်း ၊ဆွမ်းကပ်နည်း ၊ ကြီးသူကို ရိုသေငယ်သူကိုညှာတာတတ်အောင် သင်ကြားပေးခြင်း ။
(၇) အာပါဒကာဂုဏ်--- ဆိုတဲ့ ဘေးရန်ကင်းစေ ရန်အသက်စွန့်ပြီး ကာကွယ်စောင့်ရှောင့်ခြင်း ။
(၈) တေသယန္တိဂုဏ်---- ဆိုတဲ့ တေးသီချင်းတို့ဖြင့် သံငြိမ့်ညူးရင်း နှစ်သိမ့်တတ်ခြင်း ။
(၉) ပုဗ္ဗာဒေ၀တာဂုဏ်--- ဆိုတဲ့ အိမ်ဦးနတ် ဖခင် ၊မိခင် ဖြစ်ခြင်း ။
(၁၀)ပုဗ္ဗာစရိယဂုဏ်--- ဆိုတဲ့ လက်ဦးဆရာမည်ထိုက်စွာ စာရိတ္တမပျက်စီးစေရန် ဘာသာရေးနှင့် သိမ်းသွင်းခြင်း။
(၁၁)ဂေါပါယန္တိဂုဏ်---ဆို တဲ့ စားဝတ်နေရေး၊ ပညာရေး မပူပင်ရအောင် လုပ်ဆောင်ပေးသော အေးသောအရိပ်ပေးခြင်း ။
(၁၂) အာယုနေယျဂုဏ် ---ဆိုတဲ့ ပစ္စည်း လေးပါးဖြင့် ကန်တော့ခံရသည် ပုဂ္ဂိုလ်ဖြစ်ခြင်း ။
(၁၃)အနာမဋ္ဌဂုဏ် ---ဆိုတဲ့ ရဟန်းဆွမ်းမဘုဉ်းမပေးမိ မိဘနှစ်ပါးအား အရင်ဆုံး ဆွမ်းစားစေခြင်း အခွင့်ရရှိသောမိဘနှစ်ပါးဖြစ်ခြင်း အစရှိသောမိဘဂုဏ်(၁၃)ပါး တို့ဖြစ်၏။ ။
ထိုမျှသာမက လောက ဥပမာများမှာ
အမေ့ မေတ္တာ ၊ စမ်းရေပမာ နှင့် ၊ ပမာနိူင်းဆို မပြောလိုဘူး ၊ ထိုစမ်းရေမှာ ခန်းတတ်လို့ ။
အမေ့ မေတ္တာ ၊ လစန္ဒာနှင့် ၊ ပမာနိူင်းဆို ၊ မပြောလိုဘူး ၊ ထိုစန္ဒာ တိမ်လွှာ လွှမ်းတတ်လို့ ။
အမေ့ မေတ္တာ ၊ ပန်းရွှေကြာနှင့် ပမာနိူင်းဆို ၊ မပြောလိုဘူး ၊ ထိုပန်းရွှေကြာ နွမ်းတတ်လို့ ။



ရာသီမှာပွင့်တဲ့ ပန်းတွေ ညိုးနွမ်းတဲ့အခါ ရှိပေမဲ့ အမေ့မေတ္တာ ပန်းတွေ က လန်းဆန်းနေတာ အစဉ်အမြဲဆိုတာ ရွှေကြာ မိတ်ဆွေများ ကိုယ်တွေ့ခံစားဖူးကြပါသည် ။မသေချာတဲ့ လောကကြီးထဲမှာ မသေချာခြင်းတွေ ရှိနေပေမဲ့ အမေ့မေတ္တာက သေချာနေမှာ အစဉ်အမြဲပါ။ အချိန်းတိုင်းမှာ အမေ့ရင်ထဲ ယိုစိးထွက်ကျလာတဲ့ မေတ္တာရေစီးချောင်းအနမ်းပွင့်လေးတွေ တပွင့်နဲ့တပွင့် ပွင့်ချင်းဆက်ပြီး ချော့သိမ့်မှုကိုခံရင်း အမေ့ရင်ခွင်ထဲ စိတ်ချလက်ချ သောကမရှိ ငယ်စဉ်ဘ၀ ကအိပ်ပျော်လာခဲ့ကြသည်မဟုတ်ပါလော ။ တသက်လုံး လုံခြုံမှုပေးစေခဲ့တဲ့ အမေ့မေတ္တာ.။ ဂရုဏာ ဒေါသနှင့် သားသ္မီးအပေါ် ပြောဆို ဆုံးမှခဲ့တာတွေ နူတ်တမျိုး တုတ်တဖုံ နဲ့ ဆိုဆုံးမခဲ့တဲ့ အချိန်က ထွက်မပြေးတတ်တာက . ရွှေကြာအကျင့်ပါ ပို၍သာ အမေ့ရင်ခွင် တိုးဝင်းကာ အားရပါးရ ရှိုက်ကြီးတငင် ငိုတတ်သူပါ။ အမေ့ရဲ့မေတ္တာ တွေ ဒေါသမှ အဒေါသသို ပြောင်းလွဲသွားပြီး ချော့မော့မှု ရခဲ့တာတွေဟာလည်း ဘာနဲ့မှ အစားထိုးမရတဲ့ နွေးထွေးတဲ့ အမေ့ရင်ငွေ့ပါါ။
ကံမကောင်းအကြောင်းမလှလို အဖေဆိုတဲ့ မနက်ခင်းနေရောင်တွေလို နူးနူးညံ့ညံ့နဲ့ နွေးထွေးမှုကို ပေးနိုင်တဲ့ ရွှေကြာရဲ့ နေမင်းကြီး က လောကကြီး ကို အစောကြီး ကြောခိုင်းသွားခဲ့ပါသည် ။ အဖေမရှိတဲ့ သားနဲ့ သ္မီးကို လူအလယ်တင့်တယ်အောင် လောကဓံကို အံတုဖတ်ပြိုင် ပြုရဲတဲ့ သူရဲကောင်းစိတ်ဓါတ် မွန်မြတ်တဲ့ စိတ်ထား အမေ့မေတ္တာကြီးမားလှပါ၏ ။ အကြောင်းအားလျှော်စွာ ရွှေကြာနိူင်ငံခြားသို့ သာသနာပြုရောက်လာခဲ့ သည် ၊ ဘ၀ရဲ့ လောကဓံရိုက်ချက်တွေ နဲ့ အခါ အားလျှော်စွာ ကြုံတွေ့ခဲ့ရပါသည် ၊ စစ်မှန်တဲ့ အမေ့မေတ္တာတရားနဲ့ နွေးထွေးအောင်ရင်ငွေ့ပေးခဲ့တဲ့ အမေ့ကို အကြိမ်ပေါင်းများစွာ တမ်းတမိပါသည်။ အမေဟာ ရွှေကြာနှင့် ဓမ္မမိတ်ဆွေများအတွက် ဘယ်တော့မှ လကွယ်နေ့ လဆုတ်နေ့ ဆိုတာမရှိဘဲ သာယာပြည့်ဖြိုးတဲံ့လပြည့်ညရဲ့လမင်းကြီးပင်ဖြစ်ပါသည်။
မိဘတိုင်းရဲ့ ဆန္ဒတွေ မေတ္တာတွေအားလုံးဟာ အတူတူပါဘဲ . ဒီတော့ ဘယ်လို မိဘကျေးဇူးကို ဆပ်ကြမလဲ ..?
တကယ်ကျေးဇူးသိတတ်တဲ့ သားသ္မီး ၊ တာဝန်ကျေတဲ့သားသ္မီး တယောက်ဖြစ်ဖို့ ဘယ်လိုကျေးဇူးဆပ်ကြမလဲ ...?
လောကကြီးမှာ ရှာလို့လဲမတွေ့ . ကြာတော့လည်း မမေ့နိူင်တဲ့ အမေ့ကို . တာဝန်ကျေတဲ့ သားသ္မီးကောင်းတယောက်အနေနဲ့ ...



(၁) သဒ္ဓါတရားခေါင်းပါးသော မိဘနှစ်ပါးအား သဒ္ဓါတရားရှိလာအောင် တိုက်တွန်းပေးရမည် ။
(၂) သီလဆောက်တည်လိုစိတ်မရှိသော မိဘနှစ်ပါးအား သီလဆောက်တည် မှု ဖြစ်လာအောင် တိုက်တွန်းပေးရမည်။
(၃) နှမြောတွန့်တို၍ ပေးကမ်းလှူဒါန်းခြင်းမရှိသော မိဘနှစ်ပါးအား လှူဒါန်းပေးကမ်းခြင်လာအောင်တိုက်တွန်းပေးရမည်။
(၄) တရားမနာချင်သော ၊ တရားဘာဝနာနုလုံးမသွင်းချင်သော မိဘနှစ်ပါးအား တရားနာချင်လာအောင် ၊ တရားအားထုတ်ချင်လာအောင်တိုက်တွန်းပေးရမည်။
ဒီလိုတာဝန်ကျေသော သားသ္မီးများအား ပညာရှိသူတော်ကောင်းများ ချီးကျူးသည်မက ၊ ပစ္စုပ္ပါန်လောကီစည်းစိမ်ခံစားရပြီး သေသော်လည်းနတ်ရွာလားမည်ဖြစ်ကြောင်းဗုဒ္ဓမြတ်စွာ ဟောကြားတော်မူခဲ့ပါသည်။
ဓမ္မမိတ်တွေရဲ့ချစ်သောမိဘနှစ်ပါး မျက်မကွယ်ခင် မှာ ငါမပြုမိလိုက်ရလေခြင်းဟုသောနှောင်း နောင်တ တရားများ မရလေအောင် တာဝန်ကျေတဲ့ သားသ္မီးကောင်းများဖြစ်ပြီး မိမိတို့ကိုယ်တိုင်လည်း ငါးပါးသီလတည်းဟူသော် ကိုယ်ကျင့်တရားများကို လုံအောင်ထိမ်းပြီး အချိန်မနှောင်ခင်း မိခင် ဖခင်တို့အားလည်း တိုက်တွန်းပေးရပါမည်။



"တစိုက်စိုက်ကယ်နှင့်၊
သွားလိုက်ကြတာ။
ရွှေရောင်ကကြီး ၊
တစ်နှစ်ခရီးသည်။
ပုဆိုးချာလည်လည်နှင့်၊
ခရီးသည် ဘယ်မှာအိပ်မယ်
မိုး- မိုးချူပ်ပေါ့ကွယ် ၊" (ပညာရှိရှေးဆရာတော်)

သံသရာခရီးသည်တွေ တစိုက်စိုက်နှင့် ခရီးဆက်နေလိုက်ကြတာ ...၀တ်ထားသောပုဆိုး မလုံ့တလုံနှင့် အပေါက်ပြဲများအား ဘယ်သို့လှည့်ဝတ်လှည့်ဝတ် မလုံနိူင်သလို ငါးပါးသီလမလုံဘဲ သံသရာခရီးသည်တွေ ခရီးဆက်ကြရင်း ဘယ်မှာအိပ်ကြမှာလဲ မိုးချုပ်တော့မယ် သံသရာခရီးသည် .တဲ့ ကျေးဇူးကြီးမားသော မိခင် ဖခင်ကြီးများအား .ဘ၀သံသရာမှ လွတ်မြောက်နိူင်ကြောင်း အထောက်အကူကိုလည်း မိမိတို့ ကိုယ်တိုင်က ဖြည့်ဆည်းပေနိူင်ရပါမည် ။
မိခင်များဟာ သားသ္မီးများ အပေါ်မှာ မျော်လင့်ခြင်းဆိုတဲ့ အိမ်မက်များစွာနဲ့ ပြုစု ပျိုးထောင်ခဲ့သည်မဟုတ်ပါလော . သူတို့ စိုက်ပျိုးပြုစုလိုက်တဲ့ ပန်းကလေးတွေ ပွင့်နေတာ ၊ သီးနေတာ ၊ ကိုကြည့်ပြီး ကြေနပ်နေကြသူတွေပါ.ငါ့သားသ္မီးများကြီးလာရင် ငါတို့အား လုပ်ကြွေးပြုစု မွေးမြူပေလိမ့်မည်. ငါတို့ရဲ့ အမျိုးအဆက်ကို စောင့်ရှောက်ထိမ်းသိမ်းပြီးအမွေခံဖြစ်ပေလိမ်မည်ဟု အိမ်မက်တွေ ခဲ့ကြပါသည်။
အမေ့ ရဲ့ မျော်လင့်ချက် အိမ်မက်များကို နုလုံးသား ထပ်တူပြုပြီး နားလည်ကြအောင် ၊ အမေ့ အတွက်ပေးဆပ်ရမယ့် အချိန် ကန့်သတ် နည်းနည်း လေးကို တန်ဖိုးထားတတ်ကြလေအောင် ဤစာစုလေး ကို ရွှေကြာ မျှဝေပေးလိုက်ပါသည်။

အမေ့ရဲ့ ခြေအစုံ ကို ဦးတိုက်ရှိခိုး ကန်တော့လျှက်ရှိနေပါတယ်အမေ... .


ပြည်ပမှ" အမေ့ ချစ်သ္မီး ...ရွှေကြာ"


ပြဿနာရဲ့ အဖြေမှန်ဟာ အလင်းအားနဲ့အတူတူပါ။

ပြဿနာရဲ့ အဖြေမှန်ဟာ အလင်းအားနဲ့ အတူတူပါဘဲ ၊အလင်းအားကောင်းလေလေ အမှောင်ထုလွင့်ပြယ်ရလေလေ မဟုတ်ပါလား ။ အဖြေမှန်ရလာတာနဲ့အမျှ ထင်မြင်လွဲမှား မှုက ကြီးထွားလာနေကြတဲ့ အမုန်းတရား ၊ အာဃာတတရားတွေ အမြန်ဆုံး ကွယ်ပျောက်လွင့်ပြယ် ကုန်ကြရပြီး သူတို့ရဲ အောက်မှာ ငုပ်လျှိုးတိမ်မြုပ်နေခဲ့ကြရတဲ့ ဖြူစင်တဲ့ မေတ္တာတွေ ပြန်လည်ရှင်သန်နိုးထ လာကြမှာ ဧကန်မုချ ဖြစ်ပါတယ် ။

ပြဿနာနဲ့ကင်းတဲ့သူ ၊ ပြဿနာမရှိတဲ့သူဆိုတာ ဘယ်မှာရှိနိူင်ပါမှာလဲ ။ အသင်းအဖွဲ့ ၊ လူ့အသိုင်းအ၀ိုင်း ၊ ဆွေမျိုးမိသားစု ၊ အသိုက်အမြုံတွေ ကြားမှာ ပေါ်လာရတဲ့ ပြဿနာတွေ ၊ လူအမျိုးမျိုး စိတ်အထွေထွေ လို့ဆိုသလို အထွေထွေ ဆိုကတည်းကိုက ကွဲပြားမှု မတူတာတွေ ရှိနေပြီ။ မတူညီခြင်းဟာ ပြဿနာရဲ့ အစ ၊ မတူညီကြလို့ဖြစ်လာတဲ့ ပြဿနာဟာ သဘာဝတရားပေါ့ ။

သူတစ်ပါးမပါ မိမိ တဦးတယောက်တည်းမှာရော ပြဿနာက ကင်းနိူင်ရဲ့လား ၊ ဒွိဟ စိတ်နဲ့ အမြဲလိုလို ပြဿနာနဲ့ ရင်ဆိုင်နေကြရတာပါပဲ ။ ဒီကိစ္စငါလုပ်ရမယ် ၊ လုပ်ကို လုပ်မှဖြစ်မယ် ။ ဟာ ... ငါလုပ်လို့မဖြစ်သေးပါဘူးဟ ။ ငါဒီလိုလုပ်ချလိုက်ရင် ဟိုလို တွေဖြစ်မလာနိူင်ဘူးလား ။ အို ... ဘာဘဲဖြစ်ဖြစ် ဒီလိုပြတ်ပြတ်သားသား လုပ်ဖြစ်မှ ကိစ္စပြတ်သွားနိူင်တယ် ။ ........... စဉ်းစားလိုက်အုံးနော် ။ ကိစ္စပြတ်တယ်ဆိုတာလဲ ငါအခု စိတ်ထက်သန်နေတုံးဘဲ ပြောတဲ့ စကား ၊ တကယ်ပြတ် ဖို့ကျတော့ အပြောလွယ်ပေမယ့် လက်တွေ့မှာ အငိုလွယ် အရှိုက်ခက်သတဲ့ ။
တခါတလေ အချိန်တွေပိုနေ အားနေလို့ ကိုယ်တစ်ယောက်တည်း ဘာလုပ်ရမှန်းမသိ ပျင်းနေရတဲ့ အချိန် ၊ တန်ဖိုးရှိရှိ အသုံးချဖို့ မလိုအပ်တဲ့ အချိန် ပိုကာလတွေ ရှိတတ်ကြတယ် ။ အဲဒီအချိန်မှာ မိမိခင်တဲ့ သူငယ်ချင်း ဆီကို သွားလည်ချင်တဲ့ ဆန္ဒပေါ်လာတယ် ။ သွားလည်လိုက်အုံးမယ်ပေါ့ ။ ဒါပေမဲ့ သူငယ်ချင်းက ရှိချင်မှ ရှိနေမှာ ၊ သွားမနေပါနဲ့လေ ။ မသွားတော့ဘူး ဆုံးဖြတ်ပြီးခါမှ စကားပြောချင်စိတ်က ပြန်ပေါ်လာပြန်တယ် ။ အပြင်လှမ်းကြည့်လိုက်တော့ နေက ချစ်ချစ်တောက်ပူလို့ ။ ဟာ ..... သူမရှိလို့ ပြန်လာရရင် နေက ဒီလောက်ကြီး ပူနေတာ ။ အဲလိုမျိုး ဘာမဟုတ်တဲ့ အသေးအဖွဲ ပြဿနာမျိုး တွေလေ ၊ အစားအသောက်နဲ့လည်း အဲဒီလို ပြဿနာလေးတွေ တတ်တတ်သေး တာဘဲ မဟုတ်လား ။ စားကလည်း စားချင် ကိုယ့်ရောဂါနဲ့ကလည်း မတည့် ၊ ဖြစ်ချင်ရာဖြစ် ဇွတ်စားမိလိုက်ပြီးမှ ရောဂါပဲ တိုးလာသလိုလို စိတ်ကဖြစ်လာ ၊ ကိုယ့်ကိုယ်ကို စိတ် အလိုလိုက်ရကောင်းလားလို့ နှောင်တရလိုက် ၊ ဒေါသဖြစ်လိုက် နဲ့ ဒါတွေဟာ ကိုယ်တစ်ယောက်တည်း ဖြစ်နေရတဲ့ ပြဿနာ တွေပဲ မဟုတ်လား ။။။။။။။။။။။။။။။။
မိမိ သိပ်ကို ချစ်ခင်ပြီး သံယောဇဉ်ကြီးရတဲ့ မိသားစု ၊ မိတ်တွေ အကြားမှာ မထင်မှတ်ဘဲ ကြေကွဲစရာ ခံပြင်းနာကြည်းပြီး တမြည့်မြည့်ခံစားရတဲ့ အထင်အမြင် လွဲမှားမှုပေါ်မှာ အပြစ်မြင်ပြီး ပေါ်ပေါက်လာရတဲ့ ပြဿနာမျိုးတွေ ရှိလာတတ်ကြပါတယ် ။ ခိုင်မြဲတဲ့ သံယောဇဉ်အနှောင် အဖွဲ့တွေ အကျိုးပဲ့ ပြတ်တောက်သွားကြရတဲ့ အထိ ပြဿနာက တစ်စတစ်စ ပိုပိုကြီးထွားလာတတ်တယ် ။ အဖြေမှန်ကို မဖော်ထုတ်နိူင်သေး သရွေ့ သံယအပေါ် သံသယဆင့်ပြီး သေကုန်ကြတဲ့အထိ ဆက် စပ်မရ ဖြစ်တတ်ကြတဲ့ သာဓကတွေ လောကကြီးမှာ အများကြီးရှိပြီးခဲ ကြပြီ ။ ဒါကြောင့် ပြဿနာစက်ကွင်း ထဲမှာပဲ ရှိနေကြတဲ့ လူသားအားလုံးက ဒီပြဿနာကို ချေဖျက်နိူင်ကြဖို့ ၊ ခွင့်လွှတ်နိူင်ကြဖို့ အသီးသီးတာဝန်ရှိကြတယ် ။ ကြိုးစားချေဖျက်ယူကြရပါလိမ့်မည် ။

ဒီပြဿနာ စက်ကွင်းထဲမှာ ပါဝင်နေကြသူ အားလုံးက သူတစ်ပါးအပြစ်ကို ချည်း ပုံကြီးချဲ့တွေး မနေဘဲ ၊ သူတစ်ပါးအပေါ်ကို ချည်း အပြစ်တွေ တရစပ်ပုံဖို့ မနေကြဘဲ " ငါကကော " ဆိုတဲ့ အတွေးမျိုးကို တွေးဖြစ်အောင် တွေးယူကြည့်လိုက်ပါ ။ ငါ့ရဲ့ ချို့ယွင်း ချက်နဲ့ မှားယွင်းမှုတွေ ကရော အခု ဖြစ်ပေါ်လာရတဲ့ ပြဿနာထဲ မှာ အချိုးအစားအားဖြင့် ဘယ်လောက်ပါဝင်နေသလဲ ဆိုတဲ့ သုံးသပ်မှုမျိုး ကို မိမိကိုယ်မိမိ နှစ် ကိုယ်ခွဲပြီး သတ္တိရှိရှိ စစ်ဆေးသုံးသပ်ကြည့်လိုက်စမ်းပါ ။ အဲဒီလို မငဲ့ မညှာ သုံးသပ်မှုရဲ့ တန်ဖိုးကြီးမားမှု ကို လက်တွေ့ခံစားရပါလိမ်မယ် ။ စာရေးသူ ကိုယ်တိုင်လည်း မမျှော်လင့်တဲ့ ပြဿနာ အကြီးငယ်တို့ ကို ထိတ်တိုက်ရင်ဆိုင်ခဲ့ ဘူးပြီးပြီ ။ စာဖတ်သူ များလည်း အသေးအဖွဲ သော ပြဿနာများကို ရင်ဆိုင်ဖူးကြမှာပါ ။
ဥပမာ လေ့လာကြည့်ကြပါစို့ ...........
ချိန်ခွင့်တစ်ဖက်ပေါ်မှာ ထည့်ချိန်တဲ့ အလေးအချိန် သိလိုတဲ့ ပစ္စည်းရှိမယ် ၊။
ကျန်တစ်ဖက်ပေါ်မှာ တော့ အဆုံးအဖြတ်ပေးရမယ့် အလေးတွေ ရှိနေမယ် ။
မိမိတစ်ပါးသူ အပေါ် သံသယနဲ့ စွပ်စွဲထားချက်နဲ့ ဖြစ်ပေါ်ခံစားနေရတဲ့ နာကြည်းနေရမှုက ( ပစ္စည်း )ဆိုပါစို့ ။ ကျန်တစ်ဖက်မှာက သံသယကို ချေဖျက်ဖို့ ၊အာဃတ ကို ပယ်နူတ်နိူင်ဖို့ (အလေး ) ။ မိမိ က အချိန်တိုင်းဖြည့်ဖို့နေလို့ (ပစ္စည်း)အာဃတအမုန်းတွေ ထည့်ထားတဲ့ ချိန်ခွင်ဘက်မှာ ချိန်ခွင်လျှာထွက်နေတာ ၊ အလေးသာနေတာက တစ်နေ့ထက်တစ်နေ့ ဟိုး.... အဆုံးထိစောင်းကျနေပြီနော် ။
အမှန်တရားဘက်မှာ ချိန်ခွင်လျှာ လုံးဝကို မရှိတော့ဘူး ။ အဲဒီလို တစ်ဖက်စောင်းနင်းကြီးဖြစ်နေစမ်းပါစေ ။ စောစောက ပြောခဲ့သလို မိမိ အပြစ် အားနည်းချက်ကို မငဲ့မညှာ သတ္တိရှိရှိ ရှာဖွေနိူင်ခဲ့လို့ မိမိ အပြစ် အားနည်းချက်ကို ဘွားခနဲ တွေ့လိုက်ပြီ ဆိုတာနဲ့ .... ။
မိမ်ိနေ့စဉ်စု ပြုံ ထည့်နေခဲ့တဲ့ ချိန်ခွင်ဘက်က (ပစ္စည်း) အာဃတ အမုန်းတွေ ကို ချိန်ခွင်ပေါ်ကနေ ဆွဲထုတ်ယူချလိုက်သလိုမျိုး ချိန်ခွင် လျှာဟာ အမှန်တရား (အလေး) တွေ ထည့်ထားတဲ့ဘက်ကို တစ်မု ဟုတ်ချင်းရောက်ချသွားပါလိမ့်မည် ။ မိမိရင်ထဲမှာ အာဃတနဲ့ အမုန်းတရား နာကြည်းခံပြင်းမှုတွေ ဟာလည်း ချိန်ခွင်ပေါ်မှာ ထည့်ထားတဲ့ ပစ္စည်းတွေကို ဆွဲနုတ်ယူလိုက်သလို အမြန်ဆုံး ပျောက်ကွယ်ပေါ့ပါးသွားပြီး မိမိတစ်ပါးသူတွေ အပေါ်မှာ ထားရှိ စွပ်စွဲမိနေတဲ့ သံသယနဲ့ အမုန်းတရားတွေ အစား ချစ်ချစ်ခင်ခင် လုံးလုံးထွေးထွေး ယုယု ယယ ရှိနေခဲ့ကြစဉ် အနစ်နာ ခံခဲ့ကြပုံတွေ ၊ ကြင်နာခဲ့ကြပုံတွေ ။ စည်းရုံးခဲ့ကြပုံတွေ စတဲ့စတဲ့ ပုံရိပ်တွေ အလျှင်အမြန်ထင်ဟပ်လာပြီး သံယောဇဉ်တွေ ပြန်လည်ရှင်သန် လာကြပါလိမ့်မည်ဆိုတာ ရဲရဲ ကြီး ယုံကြည်လိုက်စမ်းပါ ။

နောက်တခု အဖြေထုတ်ကြစို့အုံး ...................
အခန်းတစ်ခန်းထဲမှာ လူငါးယောက် တိတ်ိရှိကြမယ် ၊ အဲဒီလူငါးယောက်ထဲကမှ လူတစ်ယောက်ကို ဒီအခန်းထဲမှာ လူဘယ်နှစ်ယောက်ရှိပါသလဲ လို့ ရေတွက်ခိုင်းပြီ ဆိုပါတော့ ။ ရေတွက်သူက ( တစ် ၊ နှစ် ၊ သုံး၊ လေး ) ဆိုပြီး စိတ်နဲ့ ဖြစ်ဖြစ် ၊ ပါးစပ်နဲ့ အသံထွက်ပြီး ဖြစ်ဖြစ် ရေတွက်ပြီဆိုပါတော့ ။ ဒီအဖြေ မှန်ပါရဲလား ။ ဒီအခန်းထဲမှာ ရှိနေကြတဲ့ လူက ငါးယောက်မဟုတ်ပါလား ။ ဒီငါးယောက်ထဲက ဘယ်သူကိုဘဲ ရေတွက်ခိုင်းရေတွက်ခိုင်း (တစ် ၊နှစ် ၊ သုံး၊ လေး ) ဆိုတဲ့ အဖြေသာ ရရှိနေ သရွေ့ အဖြေမှားပဲ ဖြစ်နေမှာပါပဲ ။
တစ်ယောက် က (တစ် ၊ နှစ် ၊ သုံး ၊လေး၊ ငါး ) ရယ်လို့ အဖြေထွက်အောင် ရေတွက်ပြနိူင်မှ သာ တိကျမှန်ကန်တဲ့ အဖြေမှန်ကို ရရှိလာမှာ ဖြစ်ပါတယ် ၊ အဲဒါကြောင့်လဲ တစ် ၊ နှစ် ၊ သုံး ၊ လေး ဆိုတဲ့ အဖြေကို ရနေသူတွေ ဟာ ဒီထဲမှာ သူ့ ကိုယ်သူ ထည့်မရေတွက်ကြဘဲ ကျန်လူတွေကိုသာ လက်ညိုးထိုး အသားပေးရေတွက်နေခဲ့ကြလို့ပဲ မဟုတ်ပါလား ။ ....... တစ်၊ နှစ် ၊ သုံး ၊ လေး၊ ငါး ဆိုတဲ့ အဖြေမှန် ကို ရရှိသူက ဒီအခန်းထဲမှာ ရှိနေတဲ့ ၊ ပါဝင်နေတဲ့ သူ့ကိုယ်သူ ပါထည့်သွင်းရေတွက်နိူင်ခဲ့လို့ မှန်ကန်တိကျတဲ့ အဖြေကို ရရှိခြင်းပဲဖြစ်ပါတယ် ။ စာရေးသူက အဓိက တင်ပြချင်တဲအကြောင်းက အဲဒါပါ ။ ပြဿနာ တစ်စုံတစ်ရာ ပေါ်လာတဲ့ အခါမှာ မိမိပါ ဒီပြဿနာစက်ကွင်းထဲမှာရှိနေ ၊ ပါနေ ခဲ့မယ်ဆိုရင် မိမိဟာ ဘယ်ထောင့် ဘယ်နေရာမှာ ရှိနေသလဲ ၊။ မိမိရဲ့ မှားယွင်းမှု ၊ ချို့ယွင်းချက် ၊ ပြုမှားမိတဲ့ အမှားတွေ ၊ ဘယ်အချိုးအစားနဲ့ ဒီပြဿနာပေါ်လာစေဖို့ ပါဝင်နေခဲ့ သလဲဆိုတာကို မိမိကိုယ်မိမိ ခွင့်မလွှတ်ဘဲ ၊ လျှောမတွက်ဘဲ သတ္တိရှိရှိ ထည့်သွင်း စဉ်းစားဖို့လိုပါတယ်လို့ ။
ပြဿနာရဲ့ အဖြေမှန်ဟာ အလင်းအားနဲ့ အတူတူပါပဲ ။ အလင်းအားကောင်းလေလေ ၊ အမှောင်ထုလွင့်ပြယ်ရလေလေ မဟုတ်ပါလား ။ အဖြေမှန်ရလာတာနဲ့အမျှ ထင်မြင်လွဲမှားမှုက ကြီးထွားလာနေကြတဲ့ အမုန်းတရား ၊ အာဃတရားတွေ အမြန်ဆုံး ကွယ်ပျောက်လွင့်ပြယ်ကုန်ကြရပြီး သူတို့ရဲ့ အောက်မှာ ငုပ်လျိုးတိမ်မြုပ်နေခဲ့ကြရတဲ့ အဖြူရောင် စစ်စစ် မေတ္တာတရားတွေ ဟာ ပြန်လည်ရှင်သန် နိူးထ လာကြမှာ ဧကန်မုချဖြစ်ပါတယ် ။ ပျောက်ဆုံးနေခဲ့တဲ့ အဖိုးထိုိက်ရတနာတွေဆိုတာ ဘယ်အချိန် ၊ ဘယ်ကာလမှာပဲ ပြန်တွေ့တွေ့ တန်ဖိုး နိမ့်ကျမသွားပါဘူး ။
မိတ်ကောင်းဆွေကောင်း ၊ ဆွေကောင်း မျိုးကောင်းတွေ ဆုံးရှုံးကြရတာဟာ ရတနာပစ္စည်းဆုံးရတာထက် နစ်နာ ဆုံးရှုံးမှု ကြီးမားပါတယ် ။
အဆွေခင်ပွန်းကောင်းတွေ မဆုံးရှုံးကြရအောင် အဖြေမှန်ကို ရှာကြပါ ။ မိမိကိုယ်မိမိ ဘယ်တော့မှ အပြစ်ထဲက ဖယ်မတွေးပါနဲ့ ထပ်ဆင့် သတိပေးရင်း ... စာရေးသူလည်း ကြိုးစားနေဆဲပါလို့ ..
မေတ္တာဖြင့် ရွှေကြာ~~

အတွေးစများ

တခါတလေ လူသားတွေဟာ ငါအတော်ဆုံး ၊ ငါအတတ်ဆုံး၊ ငါအသိဆုံး ဖြစ်ဖို့အတွက် ဖိအားပေးကြတယ် ။ စိတ်ဆိုတာကလည်း ဉာဏ်မရှိတဲ့အချိန်မှာ မှောင်နေတာကိုး ....

ဗုဒ္ဓဘာသာဝင်မြန်မာလူမျိုးတွေဟာ တစိမ်းပြင်ပ အယူဝါဒတို့ရဲ့ အန္တရယ်အပေါ်မှာ အမြင်မကျဉ်းသင့်ဘူး ၊ မျက်စိကိုဖွင့် ၊ နားကိုစွင့်ထားကြသင့်သည် ၊ သာသနာသွေး အေးနေကြရင်တော့ ဗုဒ္ဓဘာသာဝင်မြန်မာလူမျိုးတွေဟာ နောင်အခါ လူနည်းစုဖြစ်ပြီး ကိုယ့်အမိမြန်မာနိူင်ငံထဲမှာဘဲ မျက်စိသူငယ် ၊ နားသူငယ်နဲ့ သနားစဖွယ် ဖြစ်လာပါလိမ့်မည်ကို စိုးရိမ်းတကြီး ဖြစ်မိတယ်လို့ ..။ တစိမ်းပြင်ဝါဒတွေကတော့ စိတ်အားထက်သန်စွာနဲ့ တက်တက်ကြွကြွ ၊ နိူးနိုးကြားကြား ၊ စည်းစည်းလုံးလုံး၊ တိုင်တိုင်ပင်ပင်နဲ့ သူတို့ဝါဒတွေ ပြန့်ပွါးဖို့အရေးအတွက် အစွမ်းကုန်းကြိုစား နေကြသည် ၊ တနှစ်ထက်တနှစ် သူတို့ရဲ့ ဦးရေဟာ တိုးတိုးလာနေပါပြီ ။

တစိမ်းပြင်ပ၀ါဒရှင်တွေဟာ ဗုဒ္ဓသာသနာဝင်တွေအတွင်း ကင်ဆာရောဂါ လိုလှိုက်လှိုက် ပြီး စားနေကြသည် ။ ရွက်ကျပင်ပေါက်လို လူဖေါက်ပြီး လူမျိုးကို မျိုနေကြသည် ၊ မြေမျိုက လူမျိုးမပြုန်း ၊ လူမျိုမှ လူမျိုးပြုန်းတယ် "တဲ့ ။ဆိုတာကြားဘူးကြပါလိမ့်မည် ။ တစိမ်းပြင်ဝါဒတွေက အင်း ၊ အိုင်တွေကို ကောစေတဲ့ ဗေဒါပင်တွေလို လူမျိုးနဲ့ သာသနာ ပျက်ပြုန်းအောင် ဇွဲနပဲကြီးကြီး တက်တက်ကြွကြွ လှုပ်ရှားနေကြသည် ။ ညောင်ပင်လို အမြစ်တွယ်ပြီး လူမျိုးကို တဖြည်းဖြည်း မျိုဖို့ ကြိုးစားနေကြသည် ။

မိမိတို့ ဗုဒ္ဓသာသနာဝင်တွေဟာ ကိုယ်ပိုင်ကာကွယ်မှု စွမ်းရည်ထက်မြက်အောင်ကြိုးစားထားကြရမည်ဖြစ်သည်မဟုတ်ပါလော ။ ကိုင်းကူးပြီး စိုက်ထားတဲ့ သစ်ပင်ဟာ အသီးသီးလာရင် အဲဒီအသီးဟာ အစေ့ကြီး သည် ၊ အခွံထူသည် ၊ အသားနည်းသည် ၊ အမျှင်များသည် ၊ လူတစ်ယောက်ကို အသက်ကြီးခါ မှ ဗုဒ္ဓယဉ်ကျေးမှုတွေပေးရင် မထိရောက်တော့ဘူးပေါ့ ငယ်ရွယ်စဉ်ကပဲ ပေးမှ ထိရောက်မှုရှိသည် ။

လေဟာပြင်ကွက်လပ်မှာ လေတွေဟာ အလိုလိုဝင်လာကြသည် ၊ မှုံဝါးဝါး ချည့်နဲနဲ မိရိုးဖလာအမည်ခံ ဗုဒ္ဓသာသနာဝင်တွေရဲ့ သန္တာန်က ဗုဒ္ဓယဉ်ကျေးမှုလေဟာပြင်ကွက်လပ်ထဲမှာလည်း တစိမ်းပြင်ပအယူဝါဒတွေ ၊ ပြည်ပက ယဉ်ကျေးမှုတွေ ၊ ဘာသာမဲ့ အယူဝါဒတွေ ၊ မူးယစ်ဆေးတွေရဲ့ ကျေးကျွန်ဘ၀ရောက်မှုတွေ ဟာ တဟုန်တိုးဝင်လာတော့သည် ။

ရေလမ်းမှာ အများစုပေါင်းကာ လှေစီးပြီး ခရီးသွားနေကြတဲ့ အခါ လှေကြီးပေါက်နေတယ်ဆိုတာ သိရင် လှေပေါက်ကို ဖါရမည် ၊ မဖါရင် လှေကြီးရေ၀င်ပြီး မကြာမှီ မြုပ်လိမ့်မည် ၊ ဗုဒ္ဓသာသနာလှေကြီးပေါက်နေတယ်ဆိုတာ သိရင် ဖါရမည် မဖါရင် ဗုဒ္ဓသာသနာလှေကြီး ရေ၀င်ပြီး မြုပ်လိမ့်မည် ။
မြန်မာနိူင်ငံမှာ ဗုဒ္ဓသာသနာအသက် မထွက်ရအောင် ဗုဒ္ဓသာသနာဝင်တွေရဲ့ ကိုယ်ထဲ ၊နုလုံးထဲမှာ ဗုဒ္ဓယာဉ်ကျေးမှုသွေးတွေ မအေးစေဘဲ နွေးနွေးထွေးထွေးရှိဖို့ လိုအပ်ပါသည် ။

္လဗုဒ္ဓသာသနာလှေကြီး မပေါက်ရအောင် အကြိုတင်ပြင်ဆင်ကြပါစို့ လို့..........
မေတ္တာဖြင့် ရွှေကြာ~~~~~~~~~~

သစ်ရွက်တွေ မရှိတဲ့ သစ်ပင် တပင်

ဒီနေ့ တိမ်တွေထူထပ်နေပေမယ့် ဆောင်းတွင်းမှာ တခါတလေမှ ပေါ်လာတဲ့ နေရောင် လဲ့လဲ့ လေး ဖြာ နေတယ်. ။ ဒီနှစ်တော့ အကြိုတင် ပြီး အဆောင်ထဲ သွင်းထားတဲ့ အပင်လေးတွေ အခုချိန်ထိ စိမ်းလဲ့ ဝေဖြာနေပြီး အပြင်ဘက်မှ ထိုးဝင်လာသော နေရောင်ကြောင့် စိုလက်တောက်ပနေပေသည် ။ ဒါပေမယ့် အပြင်ဘက်က သစ်ပင်မှာတော့အရိုးတံကျဲကျဲ သစ်ရွက်မရှိ ။...
အရွက်မရှိတဲ့ အရိုးတံကျဲကျဲ သစ်ပင်ဟာ ..

အပူဒဏ်နှင့် အအေးဒဏ် ၊ ဆီးနှင်းဒဏ် နှင့်  လေစိမ်းဒဏ် တို့ကို ကြံ့ကြံ့ ခံပြီးနေလေသည်။
ရုပ်ခန္ဓာနှင့် နာမ်ခန္ဓာပေါင်းစပ်ထားသော လူ့ခန္ဓာ ၊ နင် ဟာ ငါ ၊ ငါ ဟာ နင် လို့ သံယောဇဉ် စကားတွေနဲ့ ဘယ်လောက်ဘဲ လက္ခံ ယုံကြည်ထားပါသော်လည်း တသားတည်းဆိုတာ မဖြစ်ခဲ့ပါ။ ..... နားမလည် မသိတတ်သော အရွယ်က ဒေါသတွေ ၊ မာနတွေကြောင့်သာ ပူပန်လောင်ကျွမ်းရတတ်သည် ဟု ထင်ခဲ့မိသည် ၊ အမုန်းတရားတွေကြောင့်သာ သောက ရတတ်သည်ဟု ထင်ခဲ့မိသည် ၊ ချစ်ခြင်းမေတ္တာဖြင့် အေးမြသော အနှောင်အဖွဲ့ မှုဟု ထင်မိခဲ့သမျှ အရာအားလုံး သည်လည်း ပူပန်လောင်ကျွမ်းစေသည် ။ ကာမဂုဏ်ဆိုတဲ့ နယ်ပယ်ဟာ အလွန်ကျယ်ဝန်းသည် ကာမဂုဏ်၌ ငြိတွယ်သော အရာ ဆိုတာလည်း ကောင်းမြတ်သော စည်းစိမ် ၌သာ နှစ်သက် တက်မက်စွဲလမ်းသည် မဟုတ်ပါ ။ ဘာမျှ မဟုတ်သော အ၀တ်စုတ် ၊ တဲအိမ်ပျက် တို့မှ လည်း မခွဲနိူင်မခွာရက်စွဲလမ်းနေသူတွေ လည်းအများကြီးရှိပါသည် ။ စင်္ကြာဝတေးမင်း စည်းစိမ် ၊ သိကြားမင်းစည်းစိမ် မှ စ လောကီစည်းစိမ်ချမ်းသာအမျိုးမျိုး ခံစားရသော်လည်း ထိုစည်းစိမ်ချမ်းသာ ဆိုသည် အရိုးဖျား၌ကပ်နေသော အသားစကလေး ပမာ အတော်ကြီး ကိုက်နိူင်ဖဲ့နိူင်နိူင်မှ အချိုရည်အနည်းငယ်ထွက်ရုံသာရှိပေသည် ။ ဗုဒ္ဓဘာသာဝင်တယောက်ဟာ မကောင်းမှုရှောင် ၊ ကောင်မှုဆောင် ၊ စိတ်ကို ဖြူစင်အောင်ထားရမည် ။ ဒီအချက်သုံးချက်ကို လက်ကိုင်ထားပြီး အရာအားလုံးကို ဖြတ်ကျော်ရမည် ။ ဘာဘဲပြောပြော ၊ ဘာဘဲတွေးတွေး ၊ ဘာဘဲ လုပ်လုပ် ၊ ဒီအချက်သုံးချက်နဲ့ဘဲ မှတ်ကျောက်တင်ရမှာပါဘဲ ၊ ဒါလောက်ကတော့ ဒို့ငယ်ငယ်လေး ကတဲက အလွတ်ကျက်သိထားပြီးသား ဆိုပေမဲ့ အသိခေါက်ခက် အ၀င်နက် စွာ လွယ်လွယ် တွေးပြီးမေ့ပျောက်ပစ်ရန် နှမြော လှ၏ ၊ စာရေးသူရော ၊ စာဖတ်သူ ချစ်မိတ်ဆွေရော မကောင်းမှု မှန်သမျှ ကို တကယ်ဘဲ့ ရှောင်နိူင်ခဲ့ ပြီးပြီလား ? ကောင်းမှု ကုသိုလ်တွေ ကိုရော ဘယ်လောက်လုပ်ခဲ့ကြပြီးပြီလဲ ? မိမိရင်တွင်းမှာ ဘယ်သူမှ မမြင်နိူင်ဘူးဟု ထင်၍ ဖြူစင်အောင် စိတ်ကို ထားခဲ့ကြသည်မှာလည်း အဖြူစစ်စစ်လား ? အဖြူညစ်ညစ်လား ? .................

လူဆိုတာ ကိုယ့်ကိုယ်ကို ယုံကြည်ဖို့  အရေးကြီးဆုံးပါ ။ ကိုယ့်ရဲ့ကောင်းမွန်တဲ့ အနာဂါတ်အတွက် တစ်ခြားသူ တစ်ဦး တစ်ယောက် ကို မှီခိုအားပြု စရာ မလိုပါဘူး ၊ ကိုယ့်ရဲ့ အနာဂါတ်ကောင်းဖို့ဘဲဖြစ်ဖြစ် ဆိုးဖို့ဘဲ ဖြစ်ဖြစ် ကိုယ်တဦးတည်းကဘဲ စီမံဖန်တည်းနိူင်သည်မဟုတ်ပါလား ။... တခါတလေ တချိုသော သူများဟာ နားစွန်နားဖျားကြားရတာကိုဘဲ ဆုံးဖြတ်ချက် ချပစ်လိုက်တာဟာ ချောက်ကမ်းပါးကို မျက်စိစုံမိတ် ခုန်ချလိုက်တာထက် ပိုဆိုးဝါးတာကိုတော့ မတွေးတတ်ကြဘူး ။။။။။။။။။။။။။။။။။။။။။။။ မိမိရဲ့ ဒုက္ခနဲ့ သုခ ကို ခံစားစံစားဖို့အတွက်လည်း မိမိတစ်ဦးတည်းသား လျှင် တာဝန်ရှိတယ်လို့  နားလည် ရမှာပါဘဲ ၊ ဒီလိုနားလည် လိုက်တဲ့အခါ မှာ ချမ်းသား မှု ကို သာ စံစားရပြီး ဆင်းရဲမှု ကို မခံစားရအောင် ကိုယ့်ရဲ့ အနာဂါတ်ကို ကိုယ်က ပုံသွင်းနိူင်တယ်ဆိုတာကို နားလည်သွားမှာပါဘဲ နားလည်းသွားတာနဲ့အမျှ ၊ ပူလောင်စပ်ခါးတဲ့ အကျိုးတွေကိုပေးမဲ့ အရာတွေကို လည်း မလုပ်ဘဲရှောင်ဖို့ဖြစ်လာလေသည် ။ ..

စာရေးသူလည်း အခု စာရေးနေတဲ့အချိန်မှာ မိမိကိုယ်ကို မိမိ ပြန်စဉ်းစားသည် တခြား တချိန်တွေမှာ စဉ်းစားရင် မည်သို့မည်ပုံ အဖြေထွက်မည်မသိပါ ။ အလတ်တလောအချိန် အတိုင်းအတာ တခု အတွင်းမှာတော့ ပူလောင်မှု အပေါင်းမှ လွတ်ကင်းသော ငြိမ်းအေးမှု ကိုသာ တမ်းတနေမိသည် ။ တိပိဋကဓရ (ယော) ဆရာတော်ကြီးရဲ့ သြ၀ါဒမှာစကားမှာ လုပ်ပိုင်ခွင့်"ကမ္မ"ကိုပရမ်းမတာ သုံးချနေကြသမျှ ခံစားခွင့်"ကမ္မဖလ" တွေဟာလည်း ပရမ်းပတာပဲ ကြုံတွေ့ခံစားနေရဦးမှာဘဲ လို့ မိန့်ဆိုခဲ့ပါသည် ။ မိမိဘ၀မှာ မိမိသာလျှင် ပြဿနာမျိုးစုံကို ဖြေရှင်းရသည် ။ ဘယ်လိုပြဿနာမျိုးနဲ့ဘဲ ကြုံကြုံ တရားသဘောနဲ့ဖြေရှင်းနိူင်တဲ့ ပုဂ္ဂိုလ်ဖြစ်အောင်ကြိုးစားရပါသည် ၊ တချိုပြဿနာတွေကို ဒါနဆိုတဲ့ ပေးကမ်းစွန့်ကြဲပြီးဖြေရှင်းရပြီးတော့၊ တချို့ ပြဿနာတွေကို မေတ္တာဆိုတဲ့ သနားဂရုဏာခြင်းနဲ့ ဖြေရှင်းရပါသည် ၊ တချို့ပြဿနာတွေကို ဥပေက္ခာနဲ့ ဖြေရှင်းပြီး ၊ တချို့ပြဿနာတွေကို သည်းခံခြင်းနဲ့ဖြေရှင်းရပါသည် ၊ တချို့ပြဿနာတွေကို တော့ သည်းခံတာမဟုတ်ဘဲ တုံဏှိဘာဝေ ဆိတ်ဆိတ်နေပြီး ဘာစကားမှ ပြန်မပြောဘဲ ဖြေရှင်းပစ်လိုက်ရပါသည် ။ တချို့ပြဿနာတွေကို သစ္စာဆိုပြီးဖြေရှင်းသလို တချို့ပြဿနာတွေကို ၀ိပဿနာ သဘောတရားနဲ့ဖြေရှင်းရပါသည် ။... ဘယ်အရာမဆို တစ်သက်မှတ်တည်းမဟုတ်ဘဲ ဘ၀ပေါင်းစုံကနေပြီးတော့ ဘ၀ ကိုခံစားတတ်ဖို့ အလှည့်အပြောင်းတခုနဲ့ တခုအကြား ၊ ကိုယ့်ရဲ့တနေတာ တနေ့တာအတွက် နေ့ရက်များ ကို ပျော်ရွှင်ကြေနပ်နှစ်သက်တဲ့ အရောင်လေးခြယ်သတတ်ဖို့ လိုအပ်ပါသည် ။ အခုချိန်မှာတော့ အပြင်ဘက်မှ အရိုးတံကျဲကျဲ သစ်ပင်ဟာ ကျရောက်လာသော အအေးဒဏ် နဲ့ အပူဒဏ် ၊ ဆောင်းဒဏ်နဲ့ လေဒဏ် ကို ခံနေလေပြီ ။ အချိန်ကာလ ပြောင်းလွဲလာသည်နှင့်အမျှ မကြာခင် အချိန်လေးမှာ အဖူး၊ အညွှတ် ၊ လေးတွေဝေေ၀ဆာလို့ ထွက်လာပါပေအုံးမည် ။

ပိုစ်မတင်ဖြစ်တာကြာနေပေမယ့် ပုံမှန်လာရောက်လည်ပတ်သောဓမ္မမိတ်ဆွေများကို အခါမပြတ်မေတ္တာရေးအေးသွန်းဖြန်းနေတာကတော့ နေစဉ်နှစ်အမျှပါလို ဒီနေရာမှ အမှန်စကားကို ဖွင့်ဟ လိုက်ပါရစေ~~~~~~~~~~~~
မေတ္တာဖြင့် ရွှေကြာ

အားရှိမှ ကိုးလို့ရမည် (၁)

မိမိတို့ ကို ပင့်ဖိတ်ခဲ့သော ကိုရီးယား မြန်မာ ချစ်ကြည်ရေ အသင်း ဥက္ကဋ္ဌ , မဟာသဒ္ဓမ္မဇောတိက ဓဇ မော့တက် .ကိုရီးယား ဘုန်းတော်ကြီးသည် မြန်မာ နိုင်ငံ မှ ပင့်ဆောင်လာသော ဓါတ်တော်များကို ကိုရီးယား လူမျိုး များ ဖူးမျှော် ပူဇော်ရန် လို့ငှာ ဓါတ်တော် တိုက်ကိုဖွင့်လင့်ထားပါသည် ။ ဒီနေ့မှာ မိမိ နှင့်တကွ အတူနေဆရာလေးများ ဓါတ်တော်တိုသိုို့ သွား ရောက်ခဲ့ကြသည် ။ ကားမူးတတ်တဲ့ ညီမ ငယ် ဆရာလေး က ကားစီးတိုင်း မှန်တံခါးကိုဖွင့် လေ့ရှိသည် ။ ဒီတစ်ခါ တိုးဝင်လာသော ဆောင်းလေက ခါးသက်သက် ကြမ်းရှပြီး အရိုးအေးမတတ် တိုက်ခိုက်လာသည် ။ ခပ်လှမ်းလှမ်းဆီက တောင်တန်း တစ်လျှောက်တွင် ဆောင်းလေ ဒဏ်ကြောင့် ကြွေကျ လို့ မြေခ သွားသည့် သစ်ရွက်ကလေးတွေဟာ ပင်စည်နဲ့ ထာဝရ ဝေးကွာ လို့ နေပါလေရောသလား ............. နွယ်ပင်တစ်ချို့ နှင့် မြေ၀တ် အပင်ငယ်များမှာတော့ အအေးဒဏ်ကြောင့် ခေတ္တ အိပ်စက်နေကြသည် ။ နွေဦး ဆိုရင်တော့ ခေါင်းထောင်လို့ ကြော့လာကြပေအုံး မည် ။ နွေရောက်ရင် ပြန်လည်ရှင်သန်လာဖို့ ဆိုတာကလည်း ပင်ကိုယ် ကြံ့ခိုင်တဲ့ အင်အား ရှိမှ သာလျှင် ပြန်လည် အဖူးအညွန့်များ ထွက်လာမည်ဖြစ်သည် ။ အားအင်လည်းမရှိ ကျမ္မာဖွံ့ဖြိုးမှုလည်း မရှိသော အပင်များ မှာတော့ နှင်းထု အောက်မှာ တင်ပြောက်ကွယ်သွားကြလေသည် ။ မိမိတို့ လူသားများမှာလည်း ပင်ကိုယ် ကိုယ်ခံအားရှိမှ သာလျှင် လောကဓံ ရှစ်ပါးရဲ့ လှည့်စားမှု ကို ခံနိူင်မည်ဖြစ်သည် ။ လောကမှာ အားကိုးချင်ကြတာရှိသလို .. အားကိုးခံချင်ကြတာလည်း ရှိကြသည် ။ သေချာ လေ့လာကြည့်တော့ အားကိုးချင် ကြတာက အများစုဖြစ်သည် ။

ကိုးကွယ်တယ်ဆိုတဲ့ ဝေါဟာရမှာလည်း .... ကိုးတာ တစ်မျိုး ကွယ်တာတစ်မျိုး ဖြစ်သည်။ ကိုးတာက အားကိုးတာပါ ၊ ကွယ်တာကတော့ ကါကွယ်တာ ၊ ကွယ်ပျောက်တာဖြစ်သည် ။ အားကိုးတဲ့ အတွက် ကွယ်ပျောက်သွားသည် ။ ကဲဒါဆို ကာကွယ်တယ်ဆိုတာကတော့ .. ဘေးရန်အနှောက်အယှက်တွေက ကာကွယ်တာ ။၊ ကွယ်ပြောက်တာကတော့ ဘေးရန်အန္တရယ်တွေက ကွယ်ပျောက်သွားတာဖြစ်သည်။
လူသားအများစုဟာ ဘယ်လိုပုံစံနဲ့ အားကိုးကြတာလဲ..?။ သားသ္မီးက မိဘ ကို အားကိုးကြသည် ၊မိဘကလည်း သားသမီး ကို ပြန်လည်းအားကိုး ကြသည် ၊ ဒီသားလေး ကြီးမှ အားကိုးရမှာဘဲ ၊ ဒီသ္မီးလေးကြီးမှ အားကိုးရမှာ ဘဲ ပြောကြတာ အကြိမ်ကြိမ် ကြားဖူးကြပါလိမ့်မည် ။

ကျွေးမွေးမပျက် ၊ ဆောင်ရွက်စီမံ ၊ မွေခံထိုက်စေ ၊ လှူမျှဝေ၍ ၊ စောင့်လေမျိုးနွယ် ၊ ၀တ်ငါးသွယ် ဆိုတာ တကယ်တော့ မိဘတွေ က သားသ္မီး တွေ အပေါ် ထားရှိတဲ့ မျှော်လင့်ချက် ငါးမျိုး ဖြစ်သည် ။ မျှော်လင့်ချက်ငါးမျိုး ဆိုတာကလည်း တနည်းတော့ အားကိုး အားထား ပြုခြင်းပင်ဖြစ်သည် ။ ငယ်စဉ်က "သား " ကြီးတော့ "အား " ၊ ငယ်စဉ် က " သ္မီး " ကြီးတော့ " ထီး "ဖြစ် မျှော်လင့် ကြာတာဟာ မိဘတိုင်း ဖြစ်ကြသည် ။ ...... တပည့်လုပ်သူက ဆရာကို အားကိုးကြ သည် ။ ဆရာက လည်း တပည့်ကို ပြန်ပြီးတော့ အားကိုး ကြသည် ။ ဆရာသမားတိုင်း ဟာ ဘယ်တပည့် ဘယ် နေရာမှာ အားကိုးရသလဲ ဆိုတာ ကြည့်ထားကြသည် ။ လူငယ်က လူကြီး ကို အားကိုးသည် ၊ လူကြီးက လူငယ်ကို အားကိုးသည် ။ ခင်ပွန်းက ဇနီးကို အားကိုးသည် ၊ ဇနီးက ခင်ပွန်းကို အားကိုးသည် ။ ဆွေမျိုး အချင်းချင်း ၊ မ်ိတ်ဆွေချင်းချင်း ကျွန်းကိုင်းမှီ ၊ ကိုင်းကျွန်းမှီ ဆိုသလို အပြန်အလှန် အားကိုး ကြသည်။

အားကိုးဆိုတာ ကလည်း အားရှိမှ ကိုးလို့ ရမည်ဖြစ်သည် ။ အားမရှိရင်တော့ ဘယ်မှာ ကိုးလို့ ရပါမည်နည်း ၊။ ....... အားဆိုတာ က .. ခံနိူင်ရည်အား ၊ ခုခံနိူင်အား ၊ စွမ်းဆောင်နိူင်အား ၊ အမျိုးမျိုးရှိသည် ၊ ကိုးဆိုတာလည်း ခိုကိုးခြင်း ၊ မှီခိုခြင်း ၊ အားကိုးအားထားပြုခြင်း တွေဖြစ်သည် ။ အပေါ်က တန်း ကို တွဲလွဲဆွဲခိုတဲ့အလေးချိန်ဟာ ခံနိူင်ရည် အားရှိရမည် ။ အပြင်က ရောဂါမျိုးစုံ မ၀င်ရောက်နိူင်ဖို့ အတွက်လည်း ခန္ဓာ ကိုယ်တွင်းမှာ ခုခံနိူင်အား ရှိရမည် ။ မှီခိုတဲ့သူနဲ့ မှီခိုခံ နှစ်ဦီးအနက် မှီခိုခံသူဟာ မှီခိုးအားကိုးသူတွေ မှီခိုနိူင်ဖို့ ၊ အားကိုးနိူင်ဖို့ အတွက် မိမိမှာ လုံလောက်တဲ့အားတွေ ရှိဖို့လိုသည် ။ ......
အားဆိုတာ ဘာတွေလဲ ? . . အစွမ်းအား ပင်ဖြစ်သည် ၊ စွမ်းအားဆိုတာ .. အစွမ်းအစ ဖြစ်သည် ၊ အစွမ်းအစ ဆိုတာ .. အရည်အချင်း ဖြစ်သည်၊ စွမ်းဆောင်လို့ဆို တဲ့အတိုင်း အစွမ်းရှိမှ ဆောင်နိူင်တာဖြစ်သည် ။အစွမ်းမရှိရင် မည်သို့ဆောင်နိုင်ပါမည်နည်း ။ ဆောင်ဆိုတဲ့ နေရာမှာ လည်း ခြေနဲ့ ၊ လက်နဲ့၊ လေနဲ့၊ ဆောင်လို့တော့ဘယ်ဖြစ်ပါမလဲ ၊ ခေါင်းနဲ့ ဆောင်မှ ရမည်ဖြစ်သည် ၊ ခေါင်းက ပညာကို ကိုယ်စားပြုသည် ၊ နှလုံးသားက မေတ္တာကို ကိုယ်စားပြုသည် ။
အစွမ်းအစ ရှိတဲ့သူတွေဟာ ပီပြင်အောင်ဆောင်ရွက်နိူင်ကြသည် ။ ဆေးကုတတ်တဲ့ အစွမ်းရှိတော့ ဆရာဝန်တွေဖြစ်ကြသည်။ ဆောက်လုပ်ရေးပိုင်း ဆိုင်ရာ အစွမ်းရှိတော့ အင်ဂျင်နီယာဖြစ်သည် ၊ စာသင် စာပြနိူင်တော့ ကျောင်းဆရာ တွေဖြစ်ကြသည်။ တရာဟောတတ်တော့ ဓမ္မကထိက တွေဖြစ်ကြသည် ။ ဖျားရင် နားရင် ဆရာဝန်ကို အားကိုးရတယ် ။ အိမ် ၊ တိုက် ၊ တံတား တွေ ဆောက်ချင်ရင် အင်ဂျင်နီယာကို အားကိုးရသည် ၊ စာသင်ချင်ရင် ကျောင်းဆရာကို အားကိုးရသည် ၊ တရားနာချင်ရင် ဓမ္မကထိကကို အားကိုးရသည် ။ သူနေရာနဲ့ သူ အားရှိတဲ့ သူတွေဟာ အားကိုးရာ ပုဂ္ဂိုလ်တွေ ဖြစ်ကြသည် ။

အားဆိုတဲ့ နေရာမှာ ...
တရားရေး ကိစ္စမှာလည်း အားငါးမျိုးရှိသည် ။
လောကီရေး ကိစ္စ မှာလည်း အားငါးမျိုးရှိသည်။

အားရှိမှ ကိုးလို့ရမည် (၂)

ဘုရားရှင် ကိုယ်တော်မြတ်ကြီးသည် .." အတ္တာဟိ အတ္တနော နာထော " လို့ မိန်တော်မူခဲ့သည် ။

ကိုယ့်ကိုယ် ကိုယ်သာ ကိုးကွယ်ရာဆိုတော့ ကိုယ့်အား ကိုယ်ကိုး ဆိုတဲ့ အဓိပ္ပါယ် ဘာပဲ .. ကိုယ်ထူကိုယ်ထ ဆိုတာကလည်း ကိုယ်ထူမှ ကိုယ်ထမယ် ဆိုတဲ့ သဘောဖြစ်သည်။ ကိုယ်လဲရင် ကိုယ်ထူ ၊ သူများ လာထူမှာ ကို မမျှော်နဲ့၊ မစောင့်နဲ့ ပေါ့ ။ ကိုယ်ထနိူင်ဖို့ အတွက် ကိုယ်ကိုယ်တိုင်ဘဲ ထူရမည် ။ ကိုယ်ထူမှ သာ ကိုယ်ထလိမ့် မည် ။

အားဆိုတဲ့ နေရာမှာ တရားရေး ကိစ္စမှာလည်း အားငါးမျိုးရှိသည် ။ လောကီရေးကိစ္စမှာလည်း အားငါး မျိုးရှိသည် ။
တရားရေးကိစ္စမှာ သဒ္ဒါအား ၊ ၀ီရိယအား ၊ သတိအား ၊ သမာဓိအား ၊ ပညာအား ငါးမျိုးရှိသည် ။ ဗိုလ်ငါးပါလို့ ခေါ်ကြသည် ၊ ဗိုလ်ဆိုတာ ဗလ က နေလာတာလေ ... ဗလဆိုတာ အားဘဲ .. အားရှိမှ ဗိုလ်ဖြစ်သည် ။
ဘုရား ၊တရား ၊ သံဃာ ၊ ကံ ကံ၏အကျိုးအပေါ်မှာ ယုံကြည်ရင် သဒ္ဓါဗိုလ် ၊ သဒ္ဓါအားဖြစ်သည် ။ ကုသိုလ်အရေး ကျိုးစားအားထုတ်ရင် ၀ီရိယဗိုလ် ၀ီရိယအားဖြစ်သည် ၊ ဘုရားတရား ကိစ္စထဲ စိတ်မြှုပ်နေရင် သတိဗိုလ် သတိအားပင်ဖြစ်သည် ။ ကောင်းမှု ကိစ္စထဲ မှာစ်ိတ်ကို ပို့ထားရင် သမာဓိဗိုလ် ၊ သမာဓိအားဖြစ်သည် ၊ သဘာဝ အမှန်တရား တွေကို ထွင်းဖေါက်သိမြင်နိူင်ရင် ပညာဗိုလ် ပညာအားပင်ဖြစ်သည် ၊ တရားအားထုတ်တယ် ဆိုတာ အဲဒီ အားတွေ ဖြစ်လာအောင် ရအောင်ကြိုးစားကြရတာပါ ၊ ဒီအားတွေဟာ တရားသမားအတွက် ခိုကိုးရာ ၊ အားကိုး အားထားပြုရာ တကယ်အားတွေဖြစ်သည် ။

လောကရေးရာမှာ ကာယဗလ - ကိုယ်အား၊ ဉာဏဗလ- ဉာဏ်အား ၊ စာရိတ္တဗလ -ကျင့်အား ၊ မိတ္တဗလ - မိတ်အား ၊ ဓနဗလ - ဥစ္စာအား ငါးမျိုးလိုအပ်သည် ။လောကီလူသားတစ်ယောက်မှာ အားကိုးအားထားပြုရမှာက ဒီအားငါးမျိုးဖြစ်သည် ။ ဗလငါးတန်လို့လဲ ခေါ်ကြသည် ။
လူရယ်လိုဖြစ်လာရင် ကာယဗလ အနေနဲ့ ကာယအားကောင်းရမည် ။ ရှိရမည် ။ ကျန်းမာရမည် ။ ကြံ့ခိုင်ရမည် ။ သန်စွမ်းရမည် ။ လုပ်နိူင်ကိုင်နိူင်ရမည် ။အပင်ပန်းခံနိူင်ရမည် ။ ဉာဏဗလ အနေနဲ့ ပညာဗဟုသုတရှိသင့်သလောက်ရှိရမည် ။ စဉ်းစားတတ်ရမည် ။ အမှန်တရားကို မိမိရရ ဆုပ်ကိုင်နိူင်ရမည် ။

ငယ်ရွယ်တဲ့ အချိန်က ပညာတွေသင်ယူကြသည် ၊ တကယ်လိုအပ်တာက အသိပညာဖြစ်သည် ၊ အသိပညာအထောက်အကူရဖို့ အတတ်ပညာကိုသင်ကြရသည် ။ ... အမှန်တော့ ပညာဆိုတာ အပြင်လာတာမဟုတ်ဘူး ၊ အတွင်းကဘဲလာခြင်းဖြစ်သည် ၊ ဦးနှောက်ကဘဲ ပြောပြော ၊ ခေါင်းထဲကဘဲ ပြောပြော ၊ အတွင်းတစ်နေရာ ကလာသည် ၊ လေ့လာမှု ၊ ဆင်ခြင်မှု ၊ စူးစမ်းမှု ၊ တိုင်းထွာမှု ၊ တွေးခေါ်မှု ၊မြော်မြင်မှု ၊ ဝေဖန်ပိုင်းခြားမှု ၊ အမှန်တရားကို အမိအရ ဆုပ်ကိုင်နိူင်မှု ၊ အမှန်တရား ကို ချစ်ခင်မှု ၊ မြတ်နိူးမှု ၊ ကိုးကွယ်မှု စတာတွေမှာ သန္ဓေတည်ခဲ့တဲ့ အသိဉာဏ်ကသာ ပညာအစစ်ဖြစ်သည် ၊ဉာဏဗလဆိုတာ အဲဒီပညာပင်ဖြစ်သည် ။

စာရိတ္တဗလ - အကျင့်အားဆိုတာ ငါးပါးသီလ လုံရင်... လုံလောက်သလောက်ရှိနေပါပြီ ။ ဗုဒ္ဓဘာသာတို့ရဲ့ မူလတန်းဟာ ငါးပါးသီလဖြစ်သလို အထက်အထက်အမြင့်ဆုံးအတန်းတွေဟာလည်း ငါးပါးသီလပင်ဖြစ်သည် ။ ငါးပါးသီလ မလုံလောက်ဘဲနဲ့တော့ ဘယ်အတန်းမှ ကျော်တက်လို့ မရဘူးဆိုတာတော့ မှတ်ထားသင့်သည် ။ ငါးပါးသီလ လုံရင်ကို အတော်လေး အားရှိနေပါပြီ ။

မိတ္တဗလ - မိတ်အားဆိုတာ လည်း အတော်လိုအပ်ပါသည် ။ စီးပွါးရေးတစ်ခုအောင်မြင်ဖိုရ ကိုယ့်ကိုထောက်ခံတဲ့ ၊ အားပေးတဲ့ပရိသတ် သို့မဟုတ် မိတ် .. အတော်လိုအပ်ပါသည် ။ မိတ်မရှိဘဲ ၊ မိတ်မကောင်းဘဲ လုပ်ငန်းတစ်ခု ဘယ်လိုမှ မအောင်မြင်နိူင်ပါ ။ မေတ္တာဆိုတာ မိတ္တဖြစ်သည် ၊ မိတ်ဆွေဖြစ်သည် ၊ မိတ်ဆွေတွေအပေါ်မှာ ထားရှိတဲ့သဘော ၊ အချင်းချင်းတွေကို ကောင်းစေချင်တဲ့ စိတ်ရင်းစေတနာ နဲ့ ကူညီ၊ စောင့်ရှောက် ၊ သူ့အကျိုးကို သယ်ပိုး ဆောင်ရွက်တာ မေတ္တာပင်ဖြစ်သည် ။ မိတ်ဆွေဖြစ်ဖို့ မေတ္တာလိုသည် ။ မေတ္တာအားကောင်းလေ မိတ်အားကောင်းလေပါဘဲ ။ ရန်သူမရှိ မိတ်ဆွေသာရှိ ၊ ရန်သူကို မိတ်ဆွေဖြစ်အောင် လုပ်တာ မေတ္တာပင်ဖြစ်သည် ။ ဒီအားဟာလိုအပ်ဆုံးပင်ဖြစ်သည် ။

ဓနဗလ - ဥစ္စာအားလည်း အရေးကြီးပါသည် ။ ဘာအလုပ်ဘဲ လုပ်လုပ်ငွေနဲ့ လုပ်ကြရတယ်ဆိုတော့ အလုပ်ကြီးလေ ငွေကလိုအပ်လေဖြစ်သည်မဟုတ်ပါလော ..... Money makes everything . ...လို့ဆိုတော့ ငွေကတော့ မရှိမဖြစ်လိုအပ်သည် ကိစ္စတော်တော်များများက ငွေဘဲ ဦးတည် ၊ ငွေဘဲ ခွဲထွက်တာဆိုတော့ ငွေက အရေးကြီးတဲ့ အားတစ်မျိုးဆိုတာ ငြင်းလို့ရလိမ်မည်မဟုတ်ပါ ။ ဒီတော့ ရှာရမည် ၊ စုဆောင်းရမည် ၊ ဒီအတွက် အမှီကောင်းဖို့ မိတ်ကောင်းဖို့လည်း လိုတော့လိုအပ်ပါသေးသည်မဟုတ်ပါလော .....

လောကမှာ ကိုယ့်အားကိုယ်ကိုးလို့ပြောကြသည် ။ မြတ်စွာ ဘုရား သခင်ကိုယ်တော်မြတ်သည် " အတ္တာဟိ အတ္တနော နာထော " -- ကိုယ့်ကိုယ်ကိုသာ ကိုးကွယ်ရာ ဖြစ်သည်ဟုမိန့်ဆိုခဲ့သည် ။ ... အားကိုးဆိုတာလဲ ဒီအဓိပ္ပါယ်ပင်ဖြစ်သည် ၊ကိုယ့်မှာ ရှိတဲ့အားဟာ ကိုယ်တကယ်ကိုးရမယ့် အားပင်ဖြစ်သည် ။ ကိုယ့်မှာ အားမရှိရင် ဘယ်သူ့အားမှ မမျှော်ပါနဲ့ ။ ကိုယ်မှာအားရှိလား ကြည့်လိုက်စမ်းပါ ၊ ဟော... " အားမရှိဘူးလား အားမွေးလိုက်စမ်းပါ ။ အားကိုးဆိုတာ အားရှိမှ ကိုးလို့ရမည် ။အဲဒီအားဟာ အပြင်အားမဟုတ်ပါ ။ သူများအားလည်း မဟုတ်ပါ ။ ကိုယ့်အားပင်ဖြစ်သည် ။

ယနေ့ ကြွရောက်လာ သော ဆရာလေးရဲ့ ဓမ္မမိတ်ဆွေများ ကိုယ်ပိုင်အားရှိသူများဖြစ်ကြပါစေလို့ မေတ္တာအခါ ခါ ပို့ပေးလျှက် ။

မေတ္တာဖြင့်
ထားဝယ်ဆရာလေး

သတိ }~ ရှိကြပါစေ

တခုသောညနေခင်းမှာ

နေမင်းကြီး ၀င်သွားသလို

လူတိုင်းရဲ့ ဘ၀တွေဟာလဲ

ပျက်စီးကြရမယ် ဆိုတာက

ိုသိနေကြပေမယ့်

သတိ} ~ ဆိုတဲ့တရားက

နည်းပါးတော့

မကောင်းမှုတွေကိုသာ

အဖန်အဖန် ပြုလုပ်နေကြတယ်။

မိမိရဲ့ ထွက်သက် ၀င်သက်လေးတိုင်းဟာ

သေတဲ့ အချိန်တွေပါဘဲ့လို့

့အမှတ်ရနေမယ်ဆိုရင်

ဘာဝနာ ပွားများခြင်းရဲ့

အမှတ်သညာ တစ်ခုဖြစ်ပါတယ်။

ဆရာတော်ဦးအဂ္ဂဓမ္မ၏ သြ၀ါဒ (ထားဝယ်)

ရွာဝင်လမ်းက ရွှေကြာပန်း

ကြာအင်းရွာသည် ထားဝယ်မြို့ မှ မြိတ်မြို့သိုသွားရာ ဟိုင်းဝေး လမ်းမကြီးရဲ့ ရွာတန်းတလျှောက်ထဲမှာ ရွာကလေး တစ်ရွာဖြစ်သည်။
ထားဝယ်မြို့ရဲ့ အဆုံး သရက်ချောင်းမြို့ရဲ့ အစ ရွာမှာ ညောင်ဇင်ရွာဖြစ်ပြီး ထိုရွာမှ အရှေ့စူးစူး သို့ ၁ မိုင်လောက်ဝင်လျှင် ကြာအင်းရွာသို့ရောက်ပြီ။
ရွာဝင်လမ်းတလျှောက်မှာ သာယာကြည်နူးဖွယ်ကောင်းတဲ့ ထန်းပင်အဆင့်ဆင့် တင့်တင့်တယ်တယ် ရှိနေကြသည် ။ စပါးခင်းစိမ်းစိမ်းနဲ့ လမ်းဘေး တဖက်တချက်ရေအိုင်များမှာ ဗေဒါပင်နှင့် ကြာဖြူ ၊ ကြာညိုများ ဖူးပွင့်ဝေဆာနေသည်မှာ ရွာဝင်လမ်း ရဲ့ ကျက်သရေပင်ဖြစ်သည် ။မိမိ ငယ်စဉ်က ကြာအင်းရွာတွင် မူလတန်းမျှသာ ဖွင့်လင့်ထားသဖြင့် အလယ်တန်းနှင့် အထက်တန်းကျောင်း ဖွင့်လင့်ထားသော ညောင်ဇင်ရွာ သို့ နေစဉ် ကျောင်းတက်ရန်လျှောက်လမ်းခဲ့သော လမ်းပင်ဖြစ်သည် ။ ကြာပန်းသည် ရွှံ့ နွံ ထဲမှာ ပေါက်ဖွါးလာပေမယ့် ဖြူစင်သန့်ရှင်း သင်းရနံ့ မွှေးကြိုင်သော ပန်းမျိုး ပင်ဖြစ်သည်မဟုတ်ပါလော ။ ပန်းတကာပန်းတို့အနက်မိမိနှစ်သက်ဆုံးပန်းမှာ ကြာပန်းဖြစ်သည် ။
ဘုရားလောင်းတော်၏ မိခင်ဖြစ်သော မာယာဒေ၀ီ သည် ရွှေထမ်းစင်မှ ဆင်းသက်၍ အင်းကြင်းခက် ကို ဆွဲကိုင်စဉ် ဘုရားလောင်းတော်ကို ဖွါးမြင်သည် ။ထိုအချိန်က မဟာသက္ကရာဇ် ၆၈ -ခု ( ဘီ-စီ ၆၂၃ ) ကဆုန်လပြည့် သောကြာနေ့ ပင်ဖြစ်သည် ။ ဘုရားလောင်းတော်သည် ဖွါးလျှင် ဖွါးချင်း ပင် မတ်တတ်ရပ်ကါ ခုနှစ် ဖ၀ါးလှမ်းသွားပြီးလျှင် `` ငါသည် တစ်လောက လုံးထက် မြတ် ၏ `` ဟု ကြုံးဝါးသည် ၊ လှမ်းတိုင်း လှမ်းတိုင်းသော ခြေဖ၀ါး အောက်မှာ ပဒုမ္မာ ရွေကြာပန်း သည် လည်း ပွင့် ကါ ခံခဲ့သည် ။ မိမိသည် ယ္ခု အခါ ငယ်စဉ်က လျှောက်လမ်းခဲ့သော ရွာလမ်းနှင့် မွေးရပ်ဇာတိ ကို ဝေးကွာနေခဲ့ပြီ။
လူဆိုတာကိုယ်ရခဲ့တဲ့အ၀ိုင်းအ၀န်းထဲမှာကိုယ်ဖြစ်ချင်တာဖြစ်နိူင်ဖို့ကြိုးစားကြသည် ၊ ကြိုးစားရင်းနဲ့ပဲ ဘ၀ နိဂုံးချုပ်ကြရ သည် ၊ ကိုယ်လိုချင်တာ ဖြစ်ချင်တာ များများ လုပ်ခွင့်ရရင် ကျေနပ်စရာဖြစ်သည်မဟုတ်ပါလော .။ကိုယ့်ဘ၀ စာမျက်နှာတစ်ခုမှာ ပုံဖေါ် လုပ်ကိုင်ကြတာဟာ နုလုံးသားကို တည်မှီတဲ့ အတွေး အကြံ ``မနောကံ`` နှုတ်ကပြောဆိုတဲ့ `` ၀စီကံ`` ကိုယ်နဲ့ လှုပ်ရှား လုပ်ကိုင်တဲ့ `` ကာယာကံ`` ဒီသုံးမျိုးဘဲ ရှိသည် ။ လောကကြီးမှာ အာဏာ ၊ ငွေ ၊ ဂုဏ် တင်ရှိသည် မဟုတ်ပါ အင်မတန် သိမ်မွေ့ပြီးမမြင်နိူင်တဲ့စေတနာ၊ မေတ္တာဆိုတာလည်း ရှိသေးသည်၊မြတ်စွာဘုရားရှင်ကိုယ်တော်တိုင်ဟောကြားတော်မူခဲ့သည် .... သားသ္မီးများကို ရင်နှင့် လွယ်ပြီး ရင်သွေးအဖြစ်နဲ့ မွေးဖွါးပြုစုပေးတဲ့ မိဘများနှင့် ရင်နှစ်အဖြစ်မွေးဖွါးပေးကြတဲ့ ဆရာသမားများ လည်း... လူ့ဘ၀ရောက်လာသူတိုင်းကိုပင် ဗီဇပါရမီဓါတ်ခံ အစွမ်းရှိသလောက် ပေါက်ရောက်အောင်မြင် လူရာဝင်အောင် အစတွေကို ဖေါ်ထုတ်ပြသ မွေးဖွါးပေးကြ သည်ဖြစ်လို့ ဘ၀ရဲ့ အောင်မြင်ကြီးပွါးရေးမှာရာနုန်းပြည့် အရေးပါတဲ့ ပ၀တ္တိ မိဘရင်းများပဲဖြစ်တယ်လို့ မိန်ဆိုထားပါသည် ။ ... ( သံယုတ် ကလျာဏ မိတ္တသုတ်) အဖွင်မှာ... ရင်နှစ်အဖြစ်နဲ့ မွေးဖွါးပေးတဲ့ မိဘ .. ဆရာသမားများဆိုတာ တပည့်သားသ္မီး များကို နုလုံးသား မှာရှိတဲ့ မေတ္တာ ဂရုဏ စေတနာ များနဲ့ လုံ့လ၀ီရိယ တို့ရဲ့ လှုံဆော်မှု့  မှာ သန္ဓေတည်ပြီး နုတ် (ခံတွင်း) က နေ မြွတ်ဟပြောဆိုမွေးဖွါးပေးကြတဲ့မိဘများပင်ဖြစ်လို့ ဇာတိမိဘများနှင့် ထပ်တူကျေးဇူးကြီးမားကြတဲ့ ပ၀တ္တိမိဘများ ပဲဖြစ်သည် ။ ဒါကြောင့်လည်း ဘုရားနဲ့ တစ်ဂိုဏ်းတည်း ထားတဲ့ အနန္တငါးပါး ကို သတ်မှတ်ရေတွက်ရာမှာ မိဘများ နဲ့ ဆရာသမား တို့ကို တစ်တန်းတည်းထား ခြင်းဖြစ်သည် ။ ဒီလို ဆရာသမား တို့က နှလုံးနဲ့ လွယ်ပြီး ခံတွင်းက မွေးဖွားမြင်ခြင်းကို ခံယူတဲ့ သားသ္မီးများ( ဥရေ၀သိတွာ မုခတောဇာတာ ) အသိပညာ အတတ်ပညာတို့နဲ့ အတူ ကိုယ်ကျင့်တရား များပါ မြင့်မြတ်တဲ့ အဆင့်ကို ရောက်ရှိလာတဲ့အတွက် တကယ်အမျိုးကောင်းသားသ္မီး ဆိုတဲ့ `` ဇာတိကုလ ပုတ္တ`` ထက်လည်း သာလွန်မြင်မြတ် ပါတယ် လို့.....ဆိုထားပါသည် ။။

မိမိသည် ရတနာမာရ်အောင်သီလရှင် စာသင်တိုက်မှာ နေခဲ့စဉ်က တစ်ပတ်တခါ ဥပုသ်နေ့တိုင်း ဆရာကြီး ဒေါ်ဝိဟာရီ က သြ၀ါဒ မိန့်ဆိုခဲ့ပါသည် ။ မိမိ အရှေ့က သီလရှင် အစ်မဆရာလေးများသည် မိမိ ရည်မှန်းထားတဲ့ အတိုင်းအတာထိ သင်ယူပြီး တခြားစာသင်တိုက်သို့သွားရောက် ပညာသင်ယူလိုကြောင်း လျှောက်ထား ပြီးထွက်ခွါ သွားသည့်အချိန် မှာ ဆရာကြီးဒေါ်ဝိဟာရီ သည် ~ဤသို့မိန်ဆိုခဲ့ဘူးသည် ---- ဆရာသမား ဆိုတာကတော့ ဘဲဥတွေ ကို သားပေါက်အောင် ရင်ငွေ့ပေးရတဲ့ ကြက်မိခင်ကြီးလိုပါပဲလေ.. အတောင် အလက်ပေါက်လာတဲ့ အထိတော့ ကိုယ်က ကိုယ့်ရင်သွေးလို သဘောထားပြီး ၀ပ်ပေးတာပေါ့ အတောင်အလက်စုံလာတဲ့ အခါမှာတော့ သူတို့က သူတို့ ဗီဇ အတိုင်း ရေထဲ ကူးနေကြတာကို ပဲ ကုန်းပေါ်က မိခင်ကတော့ ရင်တမမနဲ့ ရေထဲမှာ နစ်မွန်းများ သွားမလားဟဲ့ ဆိုတဲ့ ပူပန်စိတ်သောကတော့ ရှိနေတာပဲ ၊ ရင်သွေးပင် မဟုတ်သော်ငြားလည်း ကိုယ်ဝပ်ပေးထားရတယ်ဆိုတဲ့ ရင်နှစ်မေတ္တာတရား ကတော့ ကြီးမားတာပဲ တို့ ဆရာသမားများဟာ အဲသလိုပါဘဲ ၊ ဘာဘဲ ဖြစ်ဖြစ် ကိုယ့်တပည့်မလေးတွေ သူတို့ ဗီဇ ဓါတ်ခံအတိုင်း လုပ်ဆောင်ကြလို့ အောင်မြင်မှု ရနေကြတာကို ပဲ ကျေနပ် ၀မ်းသာ မိတာပါ ဘဲ့ ။ ဒါပေမယ့် ကြက်မိခင်ကြီးလိုပေါ့ ကိုယ်က ရေဆိုတာ နစ်တတ်တယ်ဆိုတာကို သိထားတာကိုး ကိုယ့်တပည့်မလေးတွေ အခုလို ငယ်ငယ်ရွယ်ရွယ်နဲ့ ရေထဲ မှာ မွှေ့လျှော်နေတာကိုလည်း ရင်တမမဘဲ ၊ ဘာဘဲဖြစ်ဖြစ် ရေဆိုတာ ကျွမ်းကျွမ်းကျင်ကျင် ကူးတတ်ရင် မနစ်နိူင်ဘူး ဆိုပေမယ့် ကြာတော့ အေးတော့ ပတ်တတ် သမို့လား .. သာသနာ့ဝန်ထမ်းများနဲ့ ပစ္စည်းလေးပါးဆိုတာက သစ်ပင်နဲ့ ရေလိုဘဲ့ ။။ ရေမရှိရင် လဲ ရှင်သန်ဖို့ရာမလွယ်သလို ၊ ရေတွေများပြီး ၀တ်နေပြန်ရင်လဲ ဒီသစ်ပင် အအေးမိလို့ အမြစ်ပုတ်ပြီး သေတတ်တာမျိုးလည်း ရှိတတ်တာကိုး ဒါတွေကို တွေးပြီး စိုးရိမ်မိတာဘဲ့  ပစ္စည်းလေးပါးတို့ ဒကာ ဒကာမ များဆက်ဆံရေးတို့နဲ့ ပတ်သတ်ရင် ရေကူး ကျွမ်းကျင်တဲ့ သူများဖြစ်ကြပါစေ လို့ မိန်ဆိုခဲ့ဘူးပါသည် ။ ဆရာသမားရဲ့ မေတ္တာ စေတနာ သည် အလွန်ကြီးမားပေကြောင်း .. မိမိ သည် ဆရာသမားနဲ့ ဝေးရာနေရာမှာ နေချိန်မှာပင် ပို၍ပို၍ နားလည်လာပေသည် ။ အခုဆို ဒီနိူင်ငံ ရဲ့ရာသီဥတု သည် ဆောင်းဝင်စ ပြုနေပြီ ။ တချိန် က ကြည်လင်သော ကောင်းကင်တွင် အခုတော့ မိုးသား မိုးတိမ် ဖုံးအုပ်နေပြီ ၊ စူးစူးရှရှ နေမင်း ဟာလည်း အခုတော့နွေးထွေးမှု ကိုမပေးနိူင်တော့ပါ ၊ ခပ်ပြင်းပြင်းတိုက်ခိုက်လာသော ဆောင်းဦး လေရူး လေစိမ်း ဒါဏ်ကြောင့် သစ်ရွက်များကြွေကုန်ပြီ ။ လူတိုင်းသည် မိမိ၏ ဘ၀ ကံကြမ္မာကို ဖန်တီးနိူင်သော ဖန်တီးရှင်ပင် ဖြစ်သည်မဟုတ်ပါလော..ကြည်လင်ဆုံး၊ အလှ ဆုံး .၊စူးရှဆုံး၊နွေးထွေးဆုံး၊ အတောက်ပဆုံးသော ဘ၀ ကလေးများ ဖြစ်လာအောင် လည်း မိမိဖန်တည်းယူရမည်မဟုတ်ပါလော။ထိုသို့ဖြစ်လာအောင်လည်းမိဘ ဆရာသမား များရဲ့ သြ၀ါဒ ကို လိုက်နာ ကျင့်သုံးရာသည်မဟုတ်ပါလော။ ၊ ပညာသည် လက်တစ်ကမ်း တွင်ပင် လှမ်းဆွတ်၍ မကုန်နိူင်အောင် ၀န်းရံလျှက်ရှိသည် ။ မိမိ ရောက်လေရာနေရာ နှင့် မိမိ ပတ်ဝန်းကျင်တွင်ရှိသည် ။ ယူတတ်ရန်သာလိုသည် ။ မိမိတို့၏ ဆရာသခင်ဖြစ်တော်မူသော ဗုဒ္ဓမြတ်စွာ ဘုရားရှင်သည် ဘ၀ လွတ်မြောက်ကြောင်း နည်းလမ်းကောင်းများကို သင်ပြညွန်ကြားပေးရုံသာမက ကုဋေပေါင်းများစွာသော လူနတ်ဗြဟ္မာ သတ္တ၀ါ တို့အား နိဗ္ဗာန်ရွှေပြည်နန်းသို့ရောက်အောင်ပို့ဆောင် သွန်သင်ဆုံးမတော်မူခဲ့ပါသည် ။ ထိုကြောင့် `` မဟာဂန္ဓာရုံ ဆရာတော် အရှင် ဇနကာဘိဝံသ သည်..`` ဘုရားရှင်တော် မပွင့်ပေါ်လျှင် ၊ လူတော် အများ စ်ိတ်ကောင်းထားလည်း ၊ ဤ ကား ကုသိုလ် အကုသိုလ် နှင့် ၊ ထိုထို ဘုံဘ၀ မသိရ များလှ အပြစ်တွေ။``` `}} ဘုရားရှင်တော် ပွင့်ပေါ်ထွန်း၍ ၊ ဟောဖေါ်ညွန်ကြား မြတ်တရားကြောင့် ၊ ဤ ကားကုသိုလ် အကုသိုလ် နှင့် ထိုထို ဘုံဘ၀ သိကြရ များလှကျေးဇူးတွေ။``` ဟူ၍ ထောက်ပြခဲ့ပါသည် ။

မိမိ ငယ်စဉ်က လျှောက်လမ်းခဲ့သော ရွာဝင်လမ်းက နွံ့အိုင်ထဲမှာပွင့်လန်းနေသော ရွှေကြာပန်းလို၊ ယခုရောက်လာဖတ်ရှုနေသော ဓမ္မာမိတ်ဆွေလည်း နွံထဲမှာ ပွင့်လန်းတဲ့ ရွှေကြာပန်း ၊ ရေထဲမှာပျော်မွေ့နေတဲ့ ရွှေကြာပန်း လေးတစ်ပွင့်ဖြစ်ပါစေလို့ ဆန္ဒပြုလိုက်ပါသည် ။

မေတ္တာဖြင့်
ထားဝယ်ဆရာလေး

တစ်ခါရောက်ပြန်ပြီ ဆောင်းဦးရာသီ


ရာသီတွေ အလီလီပြောင်းလို့ ဆောင်းရာသီအတွက် အကြိုတင်ပြင်ဆင်မှု ဆိုတဲ့ ဆောင်းဦးရာကို ရောက်ပြန်ပြီ။
စိမ်းလမ်းစိုပြေနေတဲ့ အပင်ပေါင်းစုံ -- လူတွေရဲ့စိတ်ကို ကြည်လင်လန်းဆန်းစေတဲ့ ..သစ်ရွက်စိမ်းတွေဟာ သဘာဝအလျှောက် ရာသီဥတုရဲ့ အပြောင်းအလွဲမှုကြောင့် အ၀ါရောင်၊ အနီရောင်၊ ပင်နီရောင်၊အဖြစ်သို့ ပြောင်းနေကြပြီ ၊ မိမိရှေ့တွင် အ၀ါရောင်မှ အနီရောင် ပြောင်းနေကြသော သစ်ရွက်ကလေးတွေ ဆောင်းဦးရဲ လေစိမ်းတိုက်ခိုက်မှုကြောင့် ကြွေကျ လွင့်ပါးနေကြပြီ ၊ အပင်ပေါ်မှာ ကျန်နေသေးတဲ့ အရွက်စိမ်းလေးတွေဟာလည်း မဝေးလှသော အချိန်အပိုင်းအခြားမှာဘဲ ကြွေကျလုနီးပါး ဖြစ်နေပါရောသလား.........မကြာခင် အရိုးတံ ကျဲကျဲလေးသာ ကျန်ရစ်နေတော့မယ့် ပင်စည်ဟာလည်း ဆောင်းဒဏ်ကို ကြံ့ကြံ့ခံဖို့ အဆင်သင့် စောင့်မျှော်နေကြပြီလေ ..... .သစ်ပင်တွေသာမက ဆောင်းရာသီအတွက် အကြိုတင်ပြင်ဆင်မှု တွေကိုလည်း ဒီနိူင်ငံ က လူတွေ အ၀တ်အထည်များနှင့် အစားအသောက်များကို သိုလှောင်ဖို့ရာ အကြိုတင်ပြင်ဆင်မှု လုပ်နေကြပြီ ။ ဘ၀၀မ်းစာရေးအတွက် အကြိုတင်ပြင်ဆင်မှုတွေ လုပ်နေကြသလို သံသရာအတွက် ဒါန၊သီလ၊ ဘ၀နာ ရိက္ခာများကို လည်းအကြိုတင်ပြင်ဆင်စုဆောင်းဖို့သင့်နေပြီမဟုတ်ပါလော............မနက်အာရုံ ဘုရားဝတ်တက်ပြီးတိုင်း အပေါ်ထပ်ကို သွားပြီး အာရုံဦးမှာထွက်ပေါ်လာတဲ့ နေရောင်နှင့် ချမ်းစိမ့်စိမ့် တိုးဝင်လာသော လေအေးအေးလေးကို ရူကာ လမ်းလျှောက်ရင်း သဗ္ဗေသတ္တာဝေနေယျာအား နေ့ဒဓူဝ မေတ္တာပို့အမျှဝေသည်မှာ မိမိအလုပ်ရပ်ပင်ဖြစ်တယ် ။ ထိုအချိန်မှာဘဲ မလှန်းမကမ်းမှ “ကားချီ ” လို့ခေါ်တဲ့

ငှက်ငယ်လေးတစ်ကောင်ဟာ နေစဉ် မိမိရောက်လာ အချိန်ကို ရှိနေစမြဲပါ ။ တခါတလေ မိမိထက် အရင်ရောက်တတ်တယ် ။ မေတ္တာရဲ့ အသွားအပြန်ဓါတ်ကြောင့်လား... မိမိမေတ္တာကို ငှက်ငယ်လေး က သိနေသလို သူက တစောင်းလေးလှည့်ကာမိမိကိုပြန် ကြည့်တတ်တဲ့ နေထားမှ သူ့မျက်လုံးကလေးက ဘာတွေ ပြန်ပြောနေတယ်ဆိုတာ ကို မိမိနား လည်းခံစားမိတယ်။ မကြာခင်မှာဘဲ ငှက်ငယ်လေးလည်း ဆောင်းရာသီရဲ့ ဒဏ်ကို အကာအကွယ်ဖို့အတွက် ပြင်ဆင်မှု လုပ်နေလေရောမှာပေါ့ ။။။။ မေတ္တာပို့တဲ့အခါမျာလည်း တခါတခါ “ ရာဂ ” ဆိုတာက လည်း မေတ္တာလိုလိုနဲ့ ၀င်ရောက်လှည့်စားတတ်တယ် ။ ဒီလိုဆိုတော့လည်း မေတ္တာပို့ရင်... ဂရုဏာ -- ဆင်းရဲဒုက္ခရောက်နေတဲ့ သတ္တ၀ါပညတ်ကို အာရုံပြုပြီး သနားကြင်နာခြင်း သဘောကို အခြေခံ ကာ ပိုသရပါတယ် ။ မုဒီတာ -- ချမ်းသာအောင်မြင်သော သတ္တာဝါ ပညတ်ကို အာရုံပြုပြီး ၀မ်းမြောက်ခြင်းသဘောကို အခြေခံကာ ပိုသရပါတယ် ။ ဥပေက္ခာ --- ဆင်းရဲ ချမ်းသာမှု နှစ်ဖြာကို လျှစ်လျူရှုမှုသဘောကို အခြေခံပြီး ပိုသရပါတယ် ။ မကြမ်းထမ်း မခက်ထန်ခြင်း သဘောဖြင့် သတ္တ၀ါအပေါင်းကို မေတ္တာစိတ် ပို့လွှတ်ခြင်းဆိုတဲ့ အခြေခံကတော့ မေတ္တာပို့သခြင်းဖြင့် “ရာဂ ” ကိုလည်း ကင်းစေတယ် ၊ ကိုယ်ရောစိတ်ပါ အေးချမ်းတယ် ၊ အေးမြတယ် ၊။ မေတ္တာက အပြုသမားဖြစ်တယ် ။ မေတ္တာဟာ တပါးသူ၏ အကျိုးစီးပွါးကို သယ်ပိုးတယ် ။ .............. လိုချင်မှု ၊ တက်မက်မှု ၊ စိုးရိမ်မှု ၊ ပူပန်မှု ။ စတဲ့“ ရာဂ ”လွန်ကဲလျှင် ရောဂါဝေဒနာလွန်ကဲလာတတ်ပြီး ဘေးအန္တရယ် များလာတတ်တယ် ။ “ရာဂ” လျှောနည်းရင် ရောဂါ ဝေဒနာ လျှော့နည်းပြီး ဘေးအန္တရယ်လည်း နည်းပါတယ် ။။ ဘေးတွေ ၊ ကိုယ်စိတ်ဝေဒနာတွေ မလွန်ကဲ မလိုဘူးဆိုရင် “ရာဂ ”ကို ကင်းအောင်
လျှော့နည်းအောင် မေတ္တာနဲ့ ယှဉ်တဲ့ ကုသိုလ်စိတ်ကို ပွါးပေးရပါတယ် ။ .......... စိတ်က လည်း အာရုံ တစ်ခု ကို မျှော်လင့် တောင်းတနေချိန်မှာ တရားဓမ္မကို အဖေါ်မပြုဘဲ တောင်းတနေတဲ့ ကာမဂုဏ်စိတ်ခံစားမှု ကို အဖေါ်ပြုလိုက်မယ်ဆိုရင်တော့ .... စိတ်ဟာ ဘယ်တော့မှ အာရုံရဲ့ မျော်လင့်တောင်းတမှုကို ကျေနပ်နိူင်မှာမဟုတ်ဘူး ။ ... ခံစားပြီးလေလေ ... အဲဒီခံစားမှု အာရုံကိုထပ်ပြီး ဖန်တည်းလေလေ ... ထပ်ပြီးလိုက်ရှာလေလေ ဖြစ်နေမှာဘဲ။ လိုချင်တယ်၊ ရချင်တယ်၊ဖြစ်ချင်တယ် ၊ ကြားချင်တယ် ၊ အဲဒါတွေ ဟာ တဏှာ အာသာမပြေ မငြိမ်းသမျှဟာ စကြာမန္ဓာတ်မင်း ၊ သီကြားမင်း၊ နတ်မင်း ဖြစ်သော်လည်း ငတ်မွတ်ခြင်းဒုက္ခ အမြဲနိုပ်စက်နေမှာဘဲ

။ ...............လယ်တီဆရာတော် ဘုရားဟောကြားတော်မူသော ““မသက်ကယ် အာသာ”” ““ ပြာပုံမွမှာ အရသာရှာ”” တဲ့.. မိန့်ဆိုထားပါတယ် ။ ။။ ထာဝရ လိုချင်တောင်းတနေတဲ့ ရူပတဏှာ ၊ သဒ္ဒတဏှာ ၊ ဂန္ဓတဏှာ ၊ ရသတဏှာ ၊ ဖောဋ္ဌဗ္ဗတဏှာ ၊ ဓမ္မတဏှာ ၊ ခြောက်ပါးသော တဏှာ အာသာ ကိုမဖြတ်နိူင် ၊ မသတ်နိူင်ဖြစ်ပြီး လူ့ခန္ဓာ ၊လူ့ဘောဂ ၊ နတ်ခန္ဓာ ၊နတ်ဘောဂ ၊ ဗြာဟ္မာခန္ဓာ ဗြဟ္မာဘောဂ ၊ ဟူသမျှဟာ တစ်ဆယ့်တစ်ပါးသော မီးတို့၏ မပြတ်မစဲ အမြဲလောင်ရာဖြစ်တဲ့ ပြာပုံပြာစုမှာ အနှစ်သာရဆိုတာ အဏုမြူမျှ မရှိပါ တဲ့ ။ ...နောက်တစ်ခု ကတော့ အရူးမတစ်ယောက်ဟာ ရွာတံခါးဝတွင် ရွာသူတို့ထာဝရစွန့်ပစ်ထားသော အမှိုက်ပုံကြီးကို တွေ့လေရာ သူနှစ်သက်ရာများကို ရှာဖွေကောက်ယူလေတယ် ၊။ ထိုမှိုက်ပုံကြီးမှာပင် များစွာသော အကောင်းအမွန်ခံစားဖွယ် စံစားဖွယ်များကို တွေ့ရှိသိမ်းယူသကဲ့သို့ ထိုအတူ လူနတ်ဗြဟ္မာ စည်းစိမ်းချမ်းသာဟူသော အရိယာတို့ စွန့်ပစ်သော အမှိုက်ပုံပြာပုံရွ တို့၌ အကောင်းမွန် ခံစားဖွယ် ၊ စံစားဖွယ် ရသမျှကို ရှာဖွေလိုက်စားသည်လို့ ဆိုထားပါတယ။် ။။။။။။။။။။။။။။။။။။။။။။ ဆာလောင်မွတ်သိပ်မှုဆိုတဲ့ လိုချင်နှစ်သက် တပ်မက် သာယာမှုမျိုးစုံ (တဏှာ) ကို တရားဓမ္မနဲ့ အဖေါ်ပြုပြီး အချိန်မှီ ပယ်သတ်နိူင်မှ တော်ရာရောက်မည်မဟုတ်ပါလော .......... တရားဓမ္မာဆိုတာကလည်း တခြားသွားရှာစရာမလိုပါဘူး။ မိမိရဲ့ လက်တွေ့ ဖြစ်နေတဲ့ ဘ၀ထဲက လက်ရှိ အဖြစ်အပျက်တွေကိုဘဲ မှန်သောအနည်းလမ်းဖြင့် မိမိ ဘ၀ကို အပြုသဘောနဲ့ နားလည်သိမြင်လာရင် အကောင်း အဆိုးနှစ်တန်ကို သေချာထင်ရှားစွာ ခွဲခြားသိမြင်လာတာကို ဓမ္မာလို့ ဆိုလိုတာဘဲ ။ ........ ”လူ” ဆိုတာဟာလည်း အမြဲတန်း တက်ကြွနေတတ်တဲ့ အတွက်ကြောင့် အခြေအနေ အချိန်အခါနဲ့ ကိစ္စ အရပ်ရပ်ပေါ်မှာ မူတည်ပြီးပြောင်းလွဲတတ်ပါတယ် ။....... အခြေအနေ တစ်ခုမှ တစ်ခုသို့ ပြောင်းခြင်းဟာလည်း “ ကောင်းကင်ဘားတန်းတစ်ခု မှ တစ်ခုသို့ လွဲခုန်ခြင်းလိုပါဘဲ .. ဘယ်မှာ ဘားတန်းတစ်ခုတဲမှာ ဘဲ တွဲလွဲ အကြာကြီး... မနေကြဘူးလေ ...... အရှေ့က မြင်နေရတဲ့ ဘားတန်းကို ခုန်လွဲပြီးရောက်အောင်သွားချင်ကြတယ် ။ ရှေ့က ဘားတန်းကို မထိခင် လေထဲမှာ အခိုက်အတန့် ကတော့ ရင်ခုန်စရာကောင်းတာပါဘဲ။ .. .................. နွေးထွေးမှု ဆိုလို့ လုံးဝ ဥဿုံ မရှိ တဲ့ ဆီးနှင်းတောထဲက အရိုးတံ ကျဲကျဲ အပင်တွေဟာ ပြောင်းလွဲတတ်တဲ့ အချိန်အခါအလျှောက် နွေဦးရဲ့  နွေးထွေးတဲ့ နေရောင်ချည်ကို အပြည့်အ၀ ရာရှိလာတဲ့အခါမှာ ဖြင့် အဖူး အပွင့် ရွက်နုတွေ ဝေေ၀ ဆာဆာ ပွင့်လာနိုင်သလို -- ပြောင်းလွဲခြင်းဆိုတာဟာလဲ ကြောက်စရာကောင်းတာတွေကြုံတွေ့ရသလို - ပျော်ရွှင်မှုနဲ့ စိတ်သက်သာမှု တွေဟာလဲ ပြောင်းလွဲခြင်းနဲ့ သာ တိုးတက်မှု အတွေ့အကြုံနဲ့  စိတ်ချမ်းသာမှု ကိုယ်ချမ်းသာမှုဆိုတဲ့ အဖူးအပွင့်များကို ပိုင်ဆိုင်လာခဲ့ကြတယ်မဟုတ်လား ....... တစ်ခုတော့ ထပ်ပြောလိုက်ပါရစေအုံး ......... လူတစ်ယောက်မှာ ကြောက်စရာအကောင်းဆုံးထဲမှာ “စကား”တစ်ခုလည်း အပါအ၀င်ဖြစ်တယ် ၊.. စကားတစ်ခွန်းကြောင့် မိမိပတ်ဝန်းကျင်ဟာ . စ်ိတ်ဆင်းရဲမှု ၊ စိတ်ဖိစီးမှု ၊မကြေနပ်မှု ၊ဒေါသဖြစ်မှု တွေကို ဖြစ်စေတတ်သလို ၊ စကားတစ်ခွန်းကြောင့် စိတ်ချမ်းသာမှု ၊ စိတ်လွတ်လပ်ပေါ့ပါးမှု ၊ ကျေနပ်မှု၊ အဒေါသ ဖြစ်မှုတွေကို ဖြစ်စေတတ်ပါတယ် ။ တချို့များ ရှိတတ်ကြပါတယ် ၊ မိမိက ပြောသမျှ ဆိုသမျှ တွေဟာ ချောက်ပြစ်သလဲ ကင်းစင်ပြီး အမှားဆိုတာ “နတ္ထိ” ဘဲ ၊ မိမိပြောသမျှကို လက်ခံစေချင်တယ် ၊ မိမိပြောသမျှ ကိုလိုက်နာစေချင်တယ် ၊မိမိပြောသမျှဟာ အမှန် ၊ တစ်ပါးသူပြောသမျှအမှား ၊ တစ်ပါးသူပြောတာကို လက်မခံ .. ဒီလိုပုဂ္ဂိုလ်တွေကိုလည်း တော်တော်များများ တွေ့ခဲ့ရတယ် ။စာဖတ်သူရဲ့  ပတ်ဝန်းကျင်မှာလည်း တွေ့ကြုံ ဖူးပါလိမ့်မယ်။ လူတွေဟာ ကိုယ်ပြောမယ့် စကားတစ်ခွန်းကို တစ်ကြိမ် နှစ်ကြိမ်ဖြစ်နိူင်ရင်သုံးလေးကြိမ်ပေါ့ ပြန်စဉ်းစားပြီး မှ နုတ်မှ အံထွက်လာရင် မိမိပတ်ဝန်းကျင်ဟာ အခြေအနေ အတိုင်းအတာတစ်ခုထိတော့ လက်ခံနိူင်လိမ့်မယ် ။ မစဉ်းမစား မဆင်မခြင်ဘဲ စိတ်ထဲဖြစ်ပေါ်လာတာနဲ ထစ်ခနဲဆိုနုတ်မှ လွှတ်ထွက် အံထွက် တဲ့ စကားတစ်ခွန်းဟာ လက်ရှိဘာဝ မှာတင် ငရဲ ပြည်ရောက်နေရသလို ၊ နတ်ပြည်ကိုလည်းရောက် နေ တယ်လို ခံစား မှုလည်း ဖြစ်တတ်ပါတယ် ။ အပြော အဆို အနေ အထိုင် မှုတွေ့ ကို သတိမလွတ်စေဘဲ ဆင်ခြင်မှု တရားကို လက်ကိုင်ထားပြီး မိမိရဲ စိတ် အာရုံ တွေကို ဖြစ်ပြီးတဲ့အတိတ်ကာလနှင့် ၊ ဘာမှ မဖြစ်လာသေးတဲ့ အနာဂါတ်ဆီကိုလဲ ပျံ့ လွင့်ခွင့်မပေးဘဲ အခု လက်ရှိ မိမိ ရဲ့ လုပ်ရှားမှု ပစ္စုပ္ပါန်တည့်တည့်မှာဘဲ ဗဟိုပြုထားမယ်ဆိုရင်တောင် လောလောတော့ စိတ်ရဲတည်ငြိမ်မှု၊ အေးချမ်းမှု ၊ကြည်လင်မှု ဆိုတဲ့ သမာဓိ နဲ သတိကို ပိုင်ဆိုင်နိူင်သူတစ်ယောက်ဖြစ်နေပါပြီ ။
................................ အချိန် အခါ ရာသီတွေ အလီလီပြောင်းလို့  ဆောင်းတွင်း
အတွက် အကြိုတင်ပြင်နေကြတဲ့ ဟောဒီက သစ်လေလို ဘ၀ သံသရာအတွက် မိမိ အကြိုတင်ပြင်ဆင်မှုများ ပြုလုပ်နိူင်ကြပါစေ လို့ .......................



မေတ္တာဖြင့်

ထားဝယ်ဆရာလေး

ဉာဏ်စိတ်ထောက်ဆပါစေ

ထေရ်ကျော်ငါးရာ
ရဟန္တာဝသီ
သမ္ဘီဒါဉာဏ်ရ
သံဃိန္ဒတို့
ဘုရားမိန့်ရွတ်
ပိဋကတ်ကို
မွတ်မွတ်ဖြူဖွေး
ပေထက်ရေး၍
ဆေးလေးကြပ်ကြပ်
အထပ်တရာ
တည်းဖြတ်ပါလည်း
အက္ခရာပုဒ်ဆွေး
မှားယွင်းသေး၏
ညစ်ကြေးစပ်ယှဉ်
ပုထုဇဉ်သာ
ငါတို့မှာကား
မမှားဘယ်သို့
ရှိလေမြို့လိမ့်
ယွင်းချို့အက္ခရာ
ပျက်ယိုရာ၌
ပညာကြီးရှင်
ဉာဏ်ကောင်းဆင်သို့
ပြင်စေသတည်း........

(ဥတေနပျို
့)
ထားဝယ်ဆရာလေး

လူတိုင်းပြောနေကြတဲ့ အာသ၀ တရား(၄)ပါး

အာသ၀ တရား မကုန်သေးတော့ သံသာရာ ရေယဉ်မှာမျော ရအုံးမှာပေါ့တဲ့ ပြောကြတယ်။
အာသ၀ (၄)ပါး
၁။ ကာမသ၀
၂။ ဘ၀ါသ၀
၃။ ဒိဋ္ဌာသ၀
၎။ အ၀ိဇ္ဇာသ၀

အာသ၀ = အာ+ သ၀
အာ = မှ ( တိုင်အောင် ၊ ဘ၀ဂ်တိုင်အောင် ၊ ဂေါတြဘူတိုင်အောင် ။)
သ၀= ယိုထွက်သည်။ ( စီးသွားသည် ၊ အပေါ်သို့လည်းကောင်း ၊ ဘေးသို့လည်းကောင်း၊ အောက်သို့လည်းကောင်းစီးသွားသည် ။)

အာသာဝတရားသည် ဘုံအားဖြင့် နေ၀သညာနာသညာယနာဘုံတိုင်အောင် ၊ တရားအားဖြင့် ပုထုဇဉ်၏အဆုံး အရိယာအဆင့်ဖြစ်သော ဂေါတြဘူ တိုင်အောင် စီးသွားသည်။

ကဲ ...ယိုထွက်တာကတော့ ဘယ်လိုယိုထွက်သလဲ ...... သဘောင်္သီးကို လက်ဖြင့် ဆိတ်လိုက်ရင်အစေးဖြူများ ထွက်လာတယ် ။ တစောင်းပင်ကို ဓားဖြင့် ထိုးဆွလိုက်ရင် အစေးများယိုထွက်လာတယ် ။ အသားထဲမှ အနာကျိတ်ဖြစ်ပြီး အနာလုံးပေါက်ကာ ပြည်ယိုထွက်လာတယ် ။ အလိုလိုပေါက်သော အနာကလည်း ပြည်၊သွေး ယိုထွက်လာတယ်။ လူရဲ့  ကိုယ်ခန္ဓာမှ အသားကို ဓား၊ လှံနှင့် ထိုးပါက သွေးယိုထွက်လာတယ် ၊အဲဒီလို ယိုထွက်လာတာတွေကို လည်း အာသ၀လို့ခေါ်ပါတယ်။ အသီးအပင်တို့မှ အစေးယိုထွက်ကာ အနာမှ ပြည်ယိုထွက်ပြီး အသားမှ သွေးယိုထွက်သလိုလူတို့၏ စိတ်ထဲမှ လောဘ ၊ ဒိဋ္ဌိ၊ မောဟ တရားများယိုထွက်တယ် ။ အသားဟာ သူ့ အလိုလိုနေသော် သွေးမထွက်နိူင်ပေ ၊ တစုံတခုနှင့် ထိုးဆွမှ သွေးထွက်တယ် ။ အဲဒီလိုဘဲ စိတ်ဟာလည်း အာရုံနှင့် တွေ့ ထိမှ လောဘ ၊ဒိဋ္ဌိ၊ မောဟ စသော အကုသိုလ် တရားများထွက်လာတယ်။ အဆင်းလှလှ ၊အသံ ၊အနံ့၊ အရသာ ကောင်းကောင်း ၊ အတွေ့အထိကောင်းကောင်း ဂုဏ်ပကာသန ကောင်းကောင်းဆိုတဲ့ အာရုံခြောက်မျိုး နှိုးဆွတိုင်း စိတ်ထဲမှ လောဘ ဖြစ်လာတယ် ။ ဒါကြောင့် စိတ်ထဲမှ လောဘယိုထွက်လာတာကို အာသ၀ လို ခေါ်တယ် ။ အသားကို တုတ်ချွန်၊ သံချွန် ဖြင့် မထိုးဆွရင် သွေးမထွက်ပါ ။ အဲဒီလိုဘဲ စိတ်ဟာလည်း အာရုံနှင့် မတွေ့ဆုံရင် စိတ်ထဲမှ လောဘမထွက်ပါ ။ အနာမှ ပြည်ထွက်တာ ၊ အသားမှ သွေးထွက်တာ ဟာ အသားကို စားသွားနိုင်သလို လောဘဟာလည်း စိတ်ထဲမှ ထွက်ပြီူ လောဘထွက်သောသူရဲ့ ဂုဏ်သိက္ခာ၊ ကျင့်စာရိတ္တများကို ဖျက်ဆီးပစ်နိူင်ပါတယ် ။ တဦးနှင့်တဦး သတ်ကြ ဖြတ်ကြ ၊မဟုတ်မမှန် လိမ်လည် ပြောဆိုကြ တိုင်ခိုက် ခိုးယူကြ တာတွေဟာ လောဘ က ဖျက်ဆီးနေခြင်းဖြစ်သည်မဟုတ်ပါလော ။
တဏှာ၊ လောဘ ၊ ရာဂ တရားတို့ဟာလည်း အတူတူပင်ဖြစ်တယ် ။ တဏှာ၊ လောဘ ၊ရာဂ တို့ဟာ မြစ်ရေစီးကြောင်းသဖွယ် တနေရာမှ တနေရာသို့ အမြဲစီးဆင်းနေတဲ့အတွက် တဏှာသောတ ဆိုပြီး ခေါ်လေ့ရှိကြတယ် ။ နဒီသောတ လို့ခေါ်တဲ့ မြစ်ရေစီးကြောင်းဟာ ရပ်တန့်နေသည်ဟူ၍ မရှိ ၊ တနေရာမှ တနေရာသို့ အမြဲစီးဆင်းလျှက်ရှိနေသလို လောဘရေစီးကြောင်း လည်းအမြဲစီးဆင်းလျှက် ရှိရာ လူတွေဟာ လောဘရေစီးကြောင်းအပေါ်မှာ မျောနေကြတယ် ။ လောဘဟာ လူရဲ့ စိတ်ထဲမှာ အငြိမ်နေတဲ့ မျိုးမဟုတ်ပါ ၊ လှုပ်ရှားစီးသွားနေတယ် ။ အငြိမ်မနေတဲ့အတွက်ကြောင့်လည်း လူတွေဟာ ဒီလောဘရေစီးကြောင်းမှာ တရွေ့တရွေ့နဲ့ မျောပါလေတော့တယ် ။ မြစ်ရေစီးကြောင်းမှာ ရေအလျှင်ဟာ အားပျှေ့ာကာ နည်းနည်းစီးဆင်းပြီး အားပြင်းကာ ရှင်သန်စွာစီးဆင်းတာတွေလည်း တွေ့ရှိကြတယ်မဟုတ်ပါလော ၊ လောဘရေစီးကြောင်းဟာလည်း စီးဆင်းမှုအားအနည်းအများရှိပါတယ် ၊ ဥပမာ ပြောကြပါစို့ ------သိန်းထီပေါက်ပြီး ၀မ်းသာလွန်းကာ သေဆုံးသွားတယ် လောင်းကစားမှုအောင်ပြီး ကခုန်သောကြောင့် သေဆုံးသွားတယ် ဒါမျိုးတွေ ဟာ လောဘရေစီးကြောင်း ရှင်သန်းသောကြောင့်လိုဖြစ်တယ် ။ ။။။။။။။။။။။။ ကုသ၀တီ တိုင်းပြည်ကြီး၏ အရှင်သခင်ဖြစ်သော မင်းကုသ သည် မဒ္ဒရာဇ်တိုင်း ၊ ပြည်ငယ်ကလေး၏ ဘုရင့်သမီးတော်ဖြစ်သော ပဘာဝတီ ကို စွဲလမ်းရကား ၊ မဒ္ဒရာဇ်တိုင်းငယ်ကလေး သို့ပင် သွားရောက်၍ အိုးလုပ်ဖျာရက်နေရတယ် ၊ မင်းကုသကို လောဘရေစီးကြောင်းက သယ်ဆောင်သွားခြင်းဖြစ်တယ် ။ နောက်တဦီး ကြည့်ကြပါစို့ ... သေဋ္ဌေးသမီး ပဋာစာရီ သည် မိဘဆွေမျိုးများနှင့် စည်းစိမ်ဂုဏ်သိက္ခာတိုကို ပစ်ပယ်ပြီး ၊ ကိုဒါသနှင့် လယ်ကွင်း ဟင်းလင်းထဲတွင် အတူနေသည်မှာလည်း လောဘ အာသ၀ရေစီးကြောင်းတွင် မျောပါနေခြင်းဖြစ်ပါတယ် ။
ဗေဒါပင်များဟာ တသွင်သွင်စီးဆင်းနေတဲ့ ချောင်းရေအလိုက် မျောပါနေသလို လူအများဟာလည်း ပွဲလမ်းသဘင် ၊ ရုပ်ရှင် ပျော်ပွဲ ရွှင်ပွဲများသို့ သွားလာနေကြတယ် ၊ ဗေဒါပင် ဟာ အနှစ်ရှိတယ်လို့ ထင်မှတ်ရပေမယ့် တကယ်တော့ အနှစ်မရှိပါ ။ အဲဒီလို ပွဲလမ်းသဘင် ရုပ်ရှင်ကြည့်တာဟာလည်း အပေါ်ယံ ကောင်းတယ်လို့ ထင်ရပေမယ့်တကယ်တော့ အနှစ်မရှိ အကာအတိသာ ဖြစ်တဲ့ အကုသိုလ်လုပ်ငန်းများသာ ဖြစ်တယ်။ ...... လူတို့ရဲ့ စိတ်မှာ လောဘ ယိုထွက်ဖန်များလာတဲ့အခါ မှာ ဒိဋ္ဌိ ၊ မောဟ တရားများ လည်းယိုထွက်လာတယ် ၊ လောဘ နှင့် ဒိဋ္ဌိ ဟာ အတူတူရောပါတော့တယ်။
ဝိသုဒ္ဓိမဂ် ၊ ကင်္ခါ ၀ိတရဏ၀ိသုဒ္ဓိ အဖွင့်တွင် --
ဒိဋ္ဌိဗန္ဓနဗဒ္ဓါတေ ၊ တဏှာ သောတေန ၀ုယှရေ ။
တဏှာသောတေန ၀ုယှန္တာ ၊ နတေ ဒုက္ခာ ပမုစ္စရေ ။ ဟူ၍ ပါရှိပါသည် ။
အမြင်မှား နှောင်ကြိုးဖြင့် နှောင်ဖွဲ့ခြင်းခံရသော ထိုသတ္တာဝါများသည် လောဘ ရေယဉ်ကြောမှာ မျောနေကြ၏ ။ လောဘရေယဉ်ကြောမှာ မျောနေကြသေးသမျှ ၊ ထိုသတ္တာဝါများသည် ဆင်းရဲအမျိုးမျိုးမှ မလွတ်နိူင်သေးပေ ။

အမြင်မှား နှောင်ကြိုးဖြင့် ဘယ်လိုများ နှောင်ဖွဲ့ ထားသလဲဆိုယင် “ ငါသွားတယ်” “ငါကြည့်တယ်” ငါလုပ်တယ်” ငါစားတယ်” ငါတပ်ကာမြင်မှားနေကြတယ် ။
အကုသိုလ်လုပ်ငန်းများဆောင်ရွက်နေသူများ ဟာ လူ့ဘ၀မှ အပါယ်ဘ၀ သို့ မျောပါသွားနိူင်ပါတယ် ။ အပါယ်ဘ၀ကို လိုချင်သော လောဘစိတ် ကားမဟုတ်ပါ ။ မြတ်စွာဘုရား လက်ထက်တော်အခါက သင်္ကန်းကို စွဲမက်၍ သေသောကြောင့် သင်္ကန်းတွင်း သန်းဖြစ်ရသော ရဟန်းသည် သန်းဖြစ်လိုသော လောဘမရှိပေ ။ သင်္ကန်းကို စွဲမက်သော လောဘစိတ်သာရှိတယ် ။ ထိုလောဘ ရေစီးကြောင်းက အားသန်လွန်းသောကြောင့် သာလျှင် ထိုလောဘကပင်သန်းဘ၀ သိုရောက်ရလေတယ် ။ ဆရာတော်ကြီးတပါး သည် သီလ၊ သမာဓိ နှင့် ပြည့်စုံသော်လည်း ငှက်ပျောပင်ကို နှစ်သက်စွဲလမ်းသောကြောင့် ပျံလွန်သောအခါ ထိုငှက်ပျောပင် ၌ ပိုးကောင်ကြီး ဖြစ်ရလေတယ် ။ အဲဒီလို ပွဲလမ်းသဘင်၊ ပျော်ပွဲများ ၊ စည်းစိမ်ဥစ္စာများကို လိုလားတပ်မက်လွန်းသော် အပါယ်လေးဘုံသိုရောက် ပါတယ် ။

လယ်တီဆရာတော် ဘုရားက စတုသစ္စဒီပနီ တွင် -- လောဘရေစီးကြောင်းကို တောင်ကျရေနှင့် ခိုင်းနှိုင်းပါတယ် ။ တောင်ကျရေဟာ သစ်ရွက် သစ်ခက်များကို အောက်သို့ မျှောချ သကဲ့သို့ လောဘ ကလည်း လူတို့ကို အပါယ်လေးဘုံ သို့ မျှောချပါတယ် လို့ မိန့်ဆိုထားပါတယ် ။
ရေဟာ အမြင့်မှ အနိမ့်သို့ ဆင်းတယ် ၊ သတ္တာဝါ တိုဟာလည်း ရှိရင်းစွဲဘ၀မှ အနိမ့်ဖြစ်တဲ့ အပါယ်လေးဘုံ သို့ ဆင်းကြရမည်ကား များလေတယ် ။ ဒါပေမယ့်လည်း ရေကို လေဖြင့် မှုတ်တင်ရင် အထက်သို့ တက်နိူင်သလို ကုသိုလ် လေဟုန်ဖြင့် မြှောက်တင်လိုက်မယ်ဆိုရင် အထက်နတ်ပြည် ၊ ဗြဟ္မာ ပြည်များသို့ ရောက်သွားနိူင်ပါတယ် ။

အာသ၀တရား ချုပ်ငြိမ်းရာဖြစ်တဲ့ နိဗ္ဗာန်ရွှေပြည် ကို မျက်မှောက်ပြုနိူင်ကြပါစေ ။။
မေတ္တာဖြင့်
ထားဝယ်ဆရာလေး

အိပ်ရာနေရာကြောင့် ကုသိုလ်ဖြစ်ပုံနှင့် အကုသိုလ်ဖြစ်ပုံ

အိပ်ရာနေရာ သန့်ရှင်းမှုကြောင့် စိတ်ကြည်လင်ပြီး ကောင်းရာကောင်းကြောင်းများကို တွေးတောမိတဲ့အခါ စိတ်ထဲမှာကုသိုလ်ဖြစ်တယ်။ စိတ်ကြည်လင်မှု အရင်းခံပြီးတော အကျိုးရှိရာ ရှိကြောင်း စကားများကို နှုတ်က ပြောတဲ့အခါ နှုတ်ထဲမှာ ကုသိုလ်ဖြစ်ပြန်တယ် ။ စိတ်ကြည်လင်မှု အရင်းခံပြီး အကျိုးရှိရာ ရှိကြောင်း အမှုကိစ္စများကို ကိုယ်ဖြင့် ဆောင်ရွက်တဲ့အခါ ကိုယ်ထဲမှာ ကုသိုလ်ဖြစ်ပြန်တယ် ။ အဲဒီလို စိတ်၌ ဖြစ်စေ ၊ နှုတ်၌ ဖြစ်စေ၊ ကိုယ်၌ဖြစ်စေ ကုသိုလ်ဖြစ်ပြီး အကျိုးရှိရာရှိကြောင်း အလုပ်တာဝန်များကို အောင်မြင်စွာ လုပ်ဆောင်ပြီး တိုးတက်ကြီးပွားရန် အတွက် အိပ်ရာနေရာ သန့်ရှင်းမှုဟာလည်း အခြေခံ အဖြစ် အလွန် အရေးကြီးလှပါတယ် ။ အထူးသဖြင့် အိပ်ရာနေရာ အပေါ်၌ လျောင်း ၍ အိပ်နေတဲ့ အခါမှာ အိပ်တယ် ၊ အိပ်တယ် ။ ထိုင်၍နေတဲ့အခါ မှာလည်း ထိုင်တယ် ၊ထိုင်တယ်၊ ဆိုပြီး အမှတ်များကို အသုံးပြုနိုင်လျှင် ၀ိပဿနာဉာဏ် ၊မဂ်ဉာဏ် ၊ဖိုလ်ဉာဏ်အထိ ရောက်စေနိူင်သော ကုသိုလ်အထူးကြီးများကို ရယူနိူင်ပါတယ်။

အိပ်ရာနေရာကြောင့်အကုသိုလ်ဖြစ်ပုံကတော့........အိပ်ရာကောင်းကောင်းနဲ့ အိပ်နေရရင်လည်း တပ်မက်စွဲလမ်းသော လောဘ အကုသိုလ်စိတ်ဖြစ်ပေါ်တယ် ။ အိပ်ရာနေရာ မကောင်းပြန်ရင်လည်းစိတ်ညစ်စိတ်ဆိုးတဲ့သဘောမကျ မကြေနပ် တဲ့
ဒေါသ အကုသိုလ်စိတ်ဖြစ်ပေါ်တယ် ။ အိပ်ရာကောင်းဖြစ်စေ ၊ မကောင်းသည်ဖြစ်စေ ၊ အိပ်ချင်မူးတူးနှင့် အိပ်ရာပေါ်တွင် အိပ်သော် တွေဝေမိန်းမောသော မောဟအကုသ်ိုလ်စိတ်ဖြစ်ပေါ်တယ် ။
အိပ်ရာအပ်ါတွင် အိပ်မပျော်နိူင်လောက်အောင် တွေးတောနေခြင်း ၊ စိတ်ကူးယဉ်ခြင်းများ ဟာလည်း အကုသိုလ်ဖြစ်ပေါ်နေခြင်းဖြစ်ပါတယ် ။အိပ်ရာနေရာနှင့် ပတ်သတ်ပြီး စည်းစိမ်ခံရန် ပြောသောစကားများ ၊ အိပ်ရာနေရာကို မကျေနပ်သဖြစ် ပြောတဲ့စကားများကို ပြောဆိုမိတဲ့အခါမှာ နှုတ်တွင် အကုသိုလ်ဖြစ်ရတယ် ။ အိပ်ရာနေရာနှင့် ပတ်သတ်ပြီး စည်းစိမ်ခံရန်ဆောင်သော အလုပ်၊ အပြုအမှုများ ၊ စိတ်ညစ် စိတ်ဆိုး၍ ပြုသော အပြုအမှုများကို ဆောင်ရွက်ပြုမူမိသောအခါ ကိုယ်၌ အကုသိုလ်ဖြစ်ပြန်တယ် ။ အိပ်ရာနေရာကြောင့် မနောကံ အကုသိုလ်၊ ၀စီကံ အကုသိုလ် ၊ ကာယကံ အကုသိုလ် များဖြစ်နိူင်ပါတယ် ။
အိပ်ရာနေရာတွင် အိပ်စက်နာယူနေတဲ့အခါမှာ ဆင်ခြင်မှုတရားဘ၀နာများကို မပြတ်မလတ် နုလုံးသွင်း ဆင်ခြင်ကြပါလို့ ဆရာလေးရဲ ဓမ္မမိတ်ဆွေများကို တိုက်တွန်းလိုက်ပါတယ် ။
မေတ္တာဖြင့်
ထားဝယ်ဆရာလေး

လောဘစိတ် ရှင်သန်စည်ကားနေသူ

လောဘဟိတ် ရှင်သန် စည်ကားလာသော သူတစ်ယောက် ဟာ မိမိလိုချင် တပ်မက်သော ပစ္စည်းကို မရမနေ ယူလိုကြတယ် ။ ကောင်းသောနည်းလမ်းဖြင့် ဖြစ်စေ ၊ မကောင်းသောနည်းလမ်းဖြင့် ဖြစ်စေ ၊ ရယူရန်ကြိုးစားကြတယ် ။ အဲဒီလို မကောင်းသော နည်းလမ်းဖြင့် ယူသော် အပြစ်ရှိမည် ၊ မကောင်းကျိုးကို ဖြစ်လာနိူင်တယ်ဆိုတာကို မမြင်မသိတော့ပါ ။။။။။။

မတော်လောဘများ ကင်းဝေးကြပါစေ ။
ထားဝယ်ဆရာလေး

အစားစာကြောင့် ကုသိုလ်ဖြစ်ပုံနှင့် အကုသိုလ်ဖြစ်ပုံ


ကောင်းမွန်တဲ့ အစားစာများကို တွေ့ကြုံတဲ့အခါ ရဟန်းသံဃာ ဆရာမိဘ စသည်တို့ကို ကျွေးချင်သောစိတ်ဖြင့် သတိရသော် အစား အစာကြောင့် စိတ်ထဲမှာ ကုသိုလ်ဖြစ်ပါတယ် ။ စားကြပါ ၊ သောက်ကြပါ စသည်ဖြင့် ပြောမိသောအခါ နှုတ်ထဲမှာ ကုသိုလ်ဖြစ်ပြန်တယ် ။ ကြည်ကြည်ဖြူဖြူ နှင့် အစားအသောက် ကျွေးမွေးလှူဒါန်းရန်အတွက် ကိစ္စကြီးငယ်များကို ဆောင်ရွက်တဲ့အခါ ကိုယ်ထဲမှာ ကုသိုလ်ဖြစ်ပြန်တယ် ။ အထူးသဖြင့် အစားအသောက်ကို စားတိုင်းသောက်တိုင်း စားတယ်၊ စားတယ် ၊ ၀ါးရင်လည်း.. ၀ါးတယ်၊ ၀ါးတယ် ၊ မျိုရင်လည်း.. မျိုတယ် ၊ မျိုတယ်၊သောက်ရင်လည်း.. သောက်တယ် သောက်တယ် ၊ စားနေဆဲ ၊သောက်နေဆဲမှာ ပစ္စုပ္ပါန်အခိုက်အတန့် ကျကျ မှတ်၍ မှတ်၍ စားသောက်ရင် အလွန်တန်ဖိုး ရှိတဲ့ ၀ိပဿနာကုသိုလ်စိတ်ဖြစ်ပါတယ်။ မှတ်ခါစ အရှိန်မရသေးသူ ခြောက်ကပ်ကပ်နှင့် မည်သည့် အရာမျှ အကျိုးမပြီးစီး အချည်းနှီးသာဖြစ်တယ် ထင်ရပေမယ့်လည်း သဘောရင်း အမှန်မှာ အလွန်ထူးမြတ်တဲ့ ကုသိုလ်ကို ရနေပါတယ်။

ဥပမာ ။ ။ ရွှေရှိတဲ့ မြေကြီးကို ကျုံးပြီး ရွှေကျင်တဲ့သူမှာ အစပိုင်းမှာတော့ မြေကြီးကို ကျုံးအခါစ ရွှေကို မမြင်ရပေမယ့် မြေကြီးထဲမှာ ရွှေရှိတယ်ဆိုတာကတော့ သေချာပါတယ် ။ တစတစရွှေရအောင် ကျင်ထုတ်လိုက်တဲ့အခါ ရွှေမှုံ့ ရွှေခဲတွေကို မြင်ရမှ ၀မ်းသာခြင်းဆိုတဲ့ပီတိဖြစ်ခဲ့တယ် ။ အဲဒီလိုဘဲ စားနေတဲ့ခိုက် ၊ ၀ါးနေတဲ့ခိုက် မှတ်ခါစ အချိန်မှာလည်းမြေထဲမှာရွှေပါသလိုအမှတ်ထဲမှာအလွန်အဖိုးတန်တဲ့ဝိပဿသနာ ဉာဏ်ရှိနေပါတယ် ။ အမှတ်မသန့်ရှင်းသေးတဲ့အတွက်ကြောင့်သာ သိသာထင်ရှားမှု မဖြစ်ပေမယ့် အမှတ်သန့်ရှင်းတဲ့အခါမှာ သိသာထင်ရှားလာပါလိမ့်မယ်။

အစားအစာကြောင့်အကုသိုလ်ဖြစ်ပုံကတော့ ............. အစားအစာနှင့် ပတ်သတ်ပြီး အလွန်အကောင်းကြိုက်ပြီး လောလုပ္ပတဏှာ နှင့် မိမိသာ စားချင်ပြီး သူတပါးစားမည့်ကို မနာလိုသော အရေးနှင့် တွေးမိတိုင်း တွေးမိတ်ိုင်း စိတ်ထဲမှာ အကုသိုလ်ဖြစ်တယ်။ အစားအသောက်ပေါ်မှာ သာယာတက်မက် မှု နှင့် လောဘစိတ်ဖြစ်နေရင် လည်းအကုသိုလ်စိတ်ဖြစ်ပြန်တယ် ။ အဲဒီစိတ်ကို အရင်းခံပြီး ပြောတိုင်း ပြောတိုင်း နှုတ်ထဲမှာ အကုသိုလ်ဖြစ်ပြန်တယ် ။ ပြုမူ ဆောင်ရွတ်တိုင်း ဆောင်ရွတ်တိုင်းမှာလည်း ကိုယ်ထဲမှာ အကုသိုလ်ဖြစ်ပြန်တယ် ။ အစားအစာကြောင့် အကုသိုလ်ဖြစ်တဲ့ သဘာဝကတော့ အစာငတ်သူတွေ ၊ ရှားပါးသူတွေများမှာ ဖြစ်များကြပါတယ် ။ ....................

အစားအစာနဲ့ပတ်သတ်ပြီး
ကုသိုလ်စိတ်ဖြစ်
ဆင်ခြင်စားသောက်နိူင်ကြပါစေ။
မေတ္တာဖြင့်
ထားဝယ်ဆရာလေး

မှန်ကန်စွာနုလုံးသွင်းနိူင်ကြပါစေ


ကိလေသာလွှမ်းမိုးနေသော အနိစ္စလက္ခာရှိသောစိတ်ကို အပေါ်ယံအားဖြင့် ကြည့်လျင် ကိလေသာအလွှာကို ဖောက်ထွင်း၍ အနိစ္စသဘောကို မတွေ့မြင်နိုင်ပေ။ တည်ငြိမ်စွာ စောင့်ကြည့်သုံးသပ်ကြည့်မှသာ ကိလေသာအလွှာကို ဖောက်ထွင်း၍ အနိစ္စသဘောကို တွေ့မြင်နိုင်ပေသည်။ ကြည်လင်နေသော ရေအောက်က ငါးကိုမှ စူးစိုက်ကြည့်မှသာ မြင်နိုင်၏၊ နမော်နမဲ့ကြည့်က မမြင်နိုင်သည်ရှိသော် ညစ်ထည်သော ကိလေသာအလွှာကို ဖောက်ထွင်း၍ အနိစ္စလက္ခဏာအား တွေ့မြင်ရန်အဖို့မှာ လွန်စွာ စူးစိုက် လုံးလစိုက်ရပေလိမ့်မည်။ ဤသို့ အမှန်တရားအပေါ်၌ အမှားများဖုံလွှမ်းနေတတ်၏။ စီစစ်ဝေဖန်မှုဉာဏ်ကင်းမဲ့၍ ဝီရိယအားနည်းသူအဖို့မှာ ဖုံးလွှမ်းနေသော အမှားကို အမှန်တရားဟု ခံယူရှုမြင်၏။ ဤသို့မှားယွင်းမှုအပြစ်သည် ၎င်းသူအား မှားယွင်းမှုအပြစ်ဒဏ်သင့်စေသည်။ ဤဒဏ်တည်းမဟုတ် တစ်ခြားသော ရန်များစွားနှင့်လည်း တွေ့ကြုံရ၏။ အဘယ်ကြောင့်ဆိုသော် အန္တာရယ်ရှိသောလမ်းပေါ်၌ သူ လျှောက်လှမ်းနေသောကြောင့်ဖြစ်သည်။ ပညာဉာဏ်နုံချာသူသည် အာရုံ၏ လှည့်စားမှုကို ခံရ၏။ လှည့်စားမှု ခံရသူ၏ စိတ်အစဉ်သည် အာရုံ၏ ဖောက်ပြန်မှုအစဉ်အတိုင်း ဖောက်ပြန်၏။ အာရုံ၏ ဆင်းရဲခြင်းလက္ခဏာအတိုင်း ထိုသူ၌ ဆင်းရဲခြင်းဖြစ်၏။ ဤအာရုံသည်ဖောက်ပြန်ခြင်းလက္ခဏာရှိ၏။ ဤအာရုံကြောင့်ဖြစ်ပေါ်သောစိတ်သည်လည်းဖောက်ပြန်ခြင်းလက္ခဏာပဲရှိသည်သာတည်းဟု ရှုမြင်သုံးသပ်မြင်သူသည် ထိုအာရုံအပေါ်၌ မှန်စွာနှလုံးသွင်း၏။ ထိုသို့ မှန်စွာနှလုံးသွင်းခြင်းသည် အာရုံ၏ လှည့်စားမှုမှ ကာကွယ်ပေးသည့် အစွမ်းသတ္တိရှိ၏။ လှည့်စားမှုမခံရသူအဖို့ အန္တာရယ်ကင်းသည့် လမ်းမှန်သို့ ဦးတည်၏။ ဤလမ်းမှန်၌ လျှောက်ရသူအဖို့မှာ အန္တာရယ်ကင်း ဘေးရှင်း၍ ချမ်းသားခြင်းသုခနိဗ္ဗာန်သို့ မျက်မှောက်ပြုရာ၏။ (၀င်းမြင့်)


ယခုလာရောက်ဖတ်ရှုနေသော ဓမ္မမိတ်ဆွေများကိုယ်စိတ်နှစ်ဖြာရွှင်လန်းကြပါစေ။

မေတ္တာဖြင့်

ထားဝယ်ဆရာလေး

လာရောက်လည်ပတ်သူများ ကိုယ်စိတ်နှစ်ဖြာ ရွှင်လန်းကြပါစေ .