တံဘူမိရာမေဏယ်ကံ

ပြာသို ..တန်ပိုးတွဲ ..လဆိုလေရူးတွေတိုက်လို့ ..တောရွာရဲ့ ဓလေ့ထုံးစံအရ

ဘ၀၀မ်းစာရေးအတွက် တောသူတောင်သားများ တံလင်းထဲ ကောက်ရိတ်စပါးများကို လွင့်ခဲ့ကြတယ်။ ယာယီတဲခလေး (ကောက်ရိုးအိမ်)နေပူရိပ်ခုံရန် တဲခလေးထဲမှာ လူကြီးများထမင်းစားရန် အိမ်ပြန်ချိန်ကို ကျွဲ. နွားများ .မ၀င်ရအောင်စောင့်ကြည့် ရသည်က မိမိတာဝန်ပါ။ အစ်ကိုတစ်ဝမ်းကွဲ ဖြစ်သူက ထားဝယ်ကောလိပ် တက်ခဲ့စဉ် စနေ.တနင်္ဂနွေ ကျောင်းပိတ်ရက်ကို အိမ်ပြန်လာတိုင်း ကြီးပွါးရေး စာတိုက်မှ မြတ်မင်္ဂလာ၊နက္ခတ္တ ရောင်ချည်၊ မင်္ဂလာစွယ်စုံ၊ စာအုပ်များကို ပုံမှန် ၀ယ်ယူလာလေ့ရှိတယ်။ အဲဒီစာအုပ်များကို လဲကွင်းထဲ နားနားနေနေ ရှိတဲ့အခါ ဖတ်ရအောင် အဆင်သင့် ရှိနေတဲ့ စာအုပ်များနဲ့ ပထမဆုံး မိမိရွေးကောက် ဖတ်မိတာက မြတ်မင်္ဂလာစာအုပ်ပါ ၊ စာအုပ်ရဲ့ စာမျက်နှာ အလယ်တ၀က်လောက်မှာ ရွှေတောင်ကုန်းသာသနာရိပ်သာမှာ လောကုတ္တရာစာပေများကို လေ့လာသင်ယူရင်းပဋိပတ်ကျင့်မြတ်ကိုကျင့်ကြံအားထုတ်နေတဲ့နီပေါဆရာလေးမအဂ္ဂဉာဏီအကြောင်းကိုတွေ့ရှိရပါတယ်၊နိူင်ငံရပ်ခြားမှ လာရောက်ပြီး သာသနာ့ဘောင်သို့ ၀င်ရောက်ကါ မြတ်ဗုဒ္ဓ၏ တရားတော်ကို လိုက်နာကျင့်သုံးပြီး ပရိယတ္တိကျမ်းစာ များကို သင်အံနေတဲ့ ဆရာလေးကို ချီးကျူးမိပါတယ်။

တောရွာဓလေ့ဝါတွင်းကာလတွင်ဗုဒ္ဓဘာသာမိရိုးဖလာအစဉ်အတိုင်း ရွာဦးကျောင်းသို့သွားရောက်ပြီးဥပုတ်သီတင်း သီလဆောက်တည်ရန် အဖိုးအဖွါးများ နောက်ကို လိုက်ပါလေ့ရှိသော မျိုးသမီးခလေးငယ်များအနက် မိမိလည်းတယောက် ပါဝင်ခဲ့ပါတယ်။ မိမိသည် ဘုရားရှိခိုး ပုတီးစိပ် တရားထိုင်း ၀ါသနာပါခဲ့သော်လည်း သာသနာဘောင်ဝင်ပြီး သီလရှင်ဝတ်ဖို့ရာ အိပ်မက် ကို ဘယ်သောအခါ မျှမမက်ခဲ့ပါ။ တိုက်ဆိုင်လိုက်ပုံက ... တပေါင်းလပြည့်ကျော်လောက်မှာအဖိုးအဖွားများကရွာဦးကျောင်းစေတီတွင်

်ဘုရားထီးတော်တင်ပွဲကို ကျင်းပရာ မြေးများ ရဟန်း ၊ သာမဏေ ၊သီလရှင်များ ပြုလုပ်ပေးခဲ့တယ် ထိုပွဲတွင် မိမိသည် မြတ်မင်္ဂလာစာစောင်ထဲ က ဆရာလေးမအဂ္ဂ ဉာဏီ၏ကျေးဇူးကြောင့် ဆိုရပါဘိ ဒုလ္လဘသီလရှင်အဖြင့်သာသနာထဲ ၀င်ခဲဖြစ်ပါတယ်။ ရိပ်သာထဲ ညနေ ၃နာရီမှ ၄နာရီအထိ မြတ်ဗုဒ္ဓ၏တရားတော်များကိုနေတိုင်း ကြားနာခဲ့ရသည့် ကျေးဇူးကြောင့် မိမိသည် သာသနာ့ဘောင်ထဲ ၀င်ရောက်သည်မှာ နောက်ကျလှပါဘိဟု တရားနာတိုင်းမှာ တွေးမိတယ်။တနေ့တော့ တရားရိပ်သာမှ တွက်လာခဲ့ပြီး တဖန် မိဘဆီ မှာ ဆက်လက်ပြီး ပရိယတ္တိ စာပေများကို လေ့လာသင်ယူချင်ကြောင်း သာသနာ့ ဘောင်းမှာ နေခွင့်ပြုပါကြောင်း ခွင့်တောင်းရပြန်တယ်။ ဒီအချိန်မှာ မေမေ့ ခမျာ အဖြေမပေးနိူင်ဘဲ ရင်ဝကိုသာ ဖိနိူပ်ပြီး မျက်ရည်တွေသာ ကျနေခဲတယ်၊ ဘာမျှ မပြောဘဲ အိမ်က ထွက်သွားခဲ့တယ်။"ခဏတာမျှသာ ဒုလ္လဘအဖြင့် ၀တ်ပါမယ်လို့ မတတ်သာလို ခွင့်ပြုလိုက်ရသည်ကို အခုတခါ ဆက်လက်ပြီးသာသနာ့ဘောင်မှာနေသွားမယ်ဆိုတော့ ရင်ဘတ်ထဲမှ နုလုံးသားများကို ဆွဲထုတ်ပြီးဖိညှစ်သလို ခံစားရပါကြောင်း ပူလောင်တဲ့ နုလုံးသားမှ မီးတောက်ကို ဘယ်လိုတွေးတွေး မဖြေသာပါဘုရားလို" ရွာဦးကျောင်းဆရာတော်ဘုရားဆီ ပြေးလျှောက်တယ်။ ဆရာတော်ဘုရားက ဒီလိုမိတ်ကြားခဲ့တယ်သတဲ့ "တကာမကြီး မီးပုံ ၁၀ ပုံ ကိုတန်းစီပြီး ပုံကြည့်စမ်းပါလို့  ဘယ်မီးပုံ က အပူဆုံးလဲ လို့ မေးတော့ တပည့်တော်မ နဲ့ အနီးဆုံးမီးပုံ က အပူဆုံးပါဘုရားလို့ လျှောက်ခဲ့တယ်"တဲ့..အဲဒီတော့ ဆရာတော် ဘုရားကြီး က" အေးအေး လူတိုင်းဟာ ကိုယ်နဲ့နီးတဲ့မီးဟာ အပူဆုံးပါဘဲ ”. . တကာမ ကြီးသမီး က သေသွားတာမဟုတ်ဘူး သာသနာဘောင်ထဲ သို့ ၀င်သွားတာနောင်တချိန် အကျိုးများသူ ဖြစ်ဖို့ရန်သာ ဖြစ်တယ်လို့ မိတ်ကြားခဲ့သတဲ့" ..မေမေ ကအိမ်ပြန်လာတော့ ဆရာတော်ဘုရားမိတ်ကြားတဲ့အကြောင်းကို ပြောပြခဲ့တယ်။ အဲဒီအချိန်က ပူလောင်တဲ့သောကနဲ့ ဟန်မဆောင်နိူင်တဲ့ မျက်ရည်တွေနဲ့အိုကျနေတဲ့မေမေ့မျက်ကို မိမိ မေ့ဖျောက်လို့ မရနိူင်ပါ။ ။။။။။။။။။။။။။။။။။။။။။။။။။။။။။။ ဖူးပွင့်ကာစ ပန်းလေးတပွင့်ဟာ မြင်ရသူတိုင်းကြည်နူးမိပြီး အများသူငါ လိုချင်စိတ်နဲ့ ပြုံးကြည့်ကြတာဓမ္မတာပါ..လန်းဆန်းနေတဲ့အချိန်မှာ လိုချင်သူများ တမြတ်တနိုးထားကြပေမယ့် နွမ်းလျှချိန်မှာတော့ လိုချင်သူမယ့် ပြီး စွန့်ပစ်ကြတာလည်းဓမ္မတာပါဘဲ ..သီလရနံ့ သင်းပျံ့နေတဲ့ မေမေသမီး ပန်းပွင့်ကလေးဟာ ဘယ်သောအခါမှ မနွမ်းဘဲ အမြဲ လန်းဆန်းနေမဲ့သူပါမေမေလို့ ပြောလိုက်ချင်ပေမယ့်.. ...ဒီအချိန်မှာ ပူလောင်နေတဲ့ မေမေ့မျက်နှာကို ကြည့်ပြီး သနားစိတ်က လွဲလို မိမိ ရည်မှန်းချက်ကိုတော့ မပြောင်းလွဲ ခဲ့ပါ။ ဘ၀တစ်ခုမှာ အပြောင်းအလွဲ ဆိုတာလဲ လွယ်ကူတဲ့ ကိစ္စ တစ်ခု မဖြစ်သလို ကြောက်စရာကောင်းတာတွေလည်း ရှိခဲ့တယ် ။ ဒါပေမယ့် ပြောင်းလဲခြင်းနဲ့သာ ဘ၀တိုးတက်မှု ကို ကြုံတွေ့ ရနိူင်ပါတယ် ။အန္တရယ်အမျိုးစုံ အခက်ခဲ အမျိူးစုံ ကို ရင်ဆိုင်ခြင်းနဲ့သာ အောင်မြင်ခြင်း၊ ကြီးမြတ်ခြင်းဆိုတဲ့ အောင်နိူင်မှု မျိုးကို ရနိူင်ပါတယ်မဟုတ်ပါလော။ ............ မြတ်စွာဘုရားလက်ထက်တော်မှာ အဂ္ဂသာဝက အရှင်သာရိပုတ္တရာရဲ့ ညီတော်အငယ်ဆုံး ရေ၀တ ဆိုတာရှိပါတယ် ၊ နောင်တော်ကြီးက ရဟန်းပြုပြီးနောက်မှာ ညီနှစ်ယောက်နဲ့ ညီမငယ်သုံးယောက်ကို ရဟန်း ရဟန်းမိန်မ ပြုပေးလိုက်လို အိမ်မှာအငယ်ဆုံးရေ၀တလေးဘဲ ကျန်နေခဲတယ်ပေါ့။ ဒီတော့ မယ်တော် ဒေါ်သာရီက သားငယ်လေးကို အိမ်ရာဖွဲ့နှောင်ပြီး မျိုးရိုးမတိမ်ကောအောင်လုပ်ထား မှဘဲဟု စဉ်းစားပြီး ခုနှစ်နှစ်ရွယ် သား ရေ၀တ ကိုသင့်တော်တဲ့အရွယ်တူ အမျိုးသမီးတယောက်နဲ့ ကြောင်းလမ်းလက်ထပ်ပေးတယ် ၊ အပြန်မှာ အမျိုး သမီးငယ်လေးနဲ့အတူ အသက်၁၂၀ ရှိတဲ့အဖွားကလှည်းပေါ်မှာလိုက်ပါလာတယ်၊။ အသက်တရာ ကျော်လာပြီဖြစ်လို့သွားကျိုးဆံဖြူ ပါးနားအရေတွန့်နဲ့ ဇရာရုပ်ထောင်းနေပြီမို့ ကြည့်မကောင်း ရှုမကောင်းပေါ့ ရေ၀တဟာ အဲဒီအဖွားကြီးကို ကြည့်ပြီး နောင်တော်ကြီးဟာ ဒီလိုဖောက်ပြန်ပျက်စီးတာကို မြင်လို့ ရဟန်းပြုသွားတာဖြစ်မှာဘဲ ... ငါလဲ အခုကဘဲ ထွက်ပြေးမှတော်မယ် .လို့ စိတ်ကူးပြီး ခရီးတလျှောက်လှည်းပေါ်ကဆင်းလိုက် လမ်းဘေးတောထဲ အလေးအပေါ့ သွားသလိုနဲ့ လှည်းပေါ် ပြန်တက်လိုက်နဲ့ အယုံသွင်းပြီး ဦးတို့ အဒေါ်တို့ ရှေ့ဆက်သွားကြပါ ကျွန်တော် နောက်က လိုက်ပါမယ် ပြောပြီး တဖြေးဖြေး နောက်ချန်နေခဲ့ကာ ထွက်ပြေးလာခဲ့တယ် ။

တစ်နေရာရောက်တဲ့အခါ ရဟန်းတော်သုံးဆယ်တို့ တောရဆောက်တည်ပြီး တရားကျင့်နေတဲ့ ကျောင်းတစ်ကျောင်းကို တွေ့ရလို့ ၀င်ရောက်ကန်တော့ပြီး ရှင်ပြုပေးဖို့ တောင်းပန်တယ်။ရဟန်းတော်များက ရေ၀တရဲ့ သစ်လွင်တဲ့ ၀တ် ဆင်မှုကို ကြည့်ပြီး ရှင်ပြုပေးဖို့ မ၀ံ့မရဲ ဖြစ်နေကြတယ်.။တပည်တော်ရှင်သာရိပုတ္တရာ ရဲ့ ညီအငယ်ဆုံး ဖြစ်ပါတယ်ဘုရား လို လျှောက်တော့မှ ကျေကျေနပ်နပ် ရှင်ပြုပေးကြပါတယ် ။ ရှင်သာရိပုတ္တရာက တပည့်တော်ရဲ့ မိဘတွေဟာ ရတနာသုံးပါးကို ကြည်ညိုဆည်းကပ်သူ မဟုတ်ပါ .. အကယ်၍ ညီငယ်လေး ရှင်ရဟန်းပြုပေးဖို့ တောင်းပန်လာတဲ့အခါ တပည့်တော်ကို ဘဲ ညီလေးရဲ မိဘလို့ မှတ်ယူကြပြီး ရှင်ရဟန်း ပြုပေးကြပါလို့ မှာကြားထားတာကိုး ... ရေ၀တဟာ ရှင်အဖြစ်သို့ ရောက်ခဲ့ပေမယ့် နောက်ကြောင်းမလုံဘူး ၊ ဆွေမျိုးမိဘများလိုက်လာရင် ပြန်လိုက်သွားရမှာ စိုးရိမ်လို့ ရဟန်းတော်များထံမှာ ကမ္မဌာန်းကျင့်စဉ်ကို တောင်းခံသင်ယူပြီး ယူဇနာ သုံးဆယ်ဝေးကွာတဲ့ ရှားတောကြီးထဲမှာ နေထိုင်ကာ ကမ္နဌာန်းအားထုတ်တော့ ၀ါတွင်းမှာဘဲ တန်ခိုးအဘိညာဉ်နှင့်တကွ ရဟန္တာအဖြစ်သို့ ရောက်ခဲ့တယ် ။ သီတင်းကျွတ်တဲ့အခါ ရှင်သာရိပုတ္တရာက ညီငယ် သာမဏေ ရှိရာသို့ သွားဖို့ဘုရားရှင်ထံ ခွင့်ပန်တယ် ဗုဒ္ဓမြတ်စွာ က ငါ ဘုရားလည်း လိုက်ပါမယ် လို အမိန်ရှိပြီး ရဟန်းငါးရာ နှင့်အတူ ရှင်ရေ၀တ သီတင်းသုံးရာ ရှားတောဆီသို့ ကြွလာတာကို ကြိုတင်သိနှင့်လို့ သီတင်းသုံးနေထိုင်ကြမယ့် နေရာများကို အဘိဉာဉ်တန်ခိုးနှင့် စီမံဖန်တီးတာပါတယ် ။ မြတ်စွာ ဘုရားနှင့် ရဟန်း ငါးရာတို့ ရှားတောကြီးမှ ပြန်လည်ကြွသွားတဲ့အခါ အတူပါလာတဲ့ ရဟန်းကြီး နှစ်ပါး အသုံးအဆောင်အချို့ မေ့ကျန်ခဲ့လို့ ပြန်ရှာတော့ ရှားတောကြီးဟာ ဆူးငြောင့်တွေနဲ တောကြီးမျက်မျည်းဖြစ်နေလို့ ကျန်ခဲ့တဲ့ အသုံးအဆောင်ကို စမ်းတ၀ါးဝါး နဲ့ ရှာဖွေရယူခဲ့ရသတဲ့ ။သာဝတ္တိမြို့တော်သို့ ပြန်ရောက်ကြတဲ့အခါ ၀ိသာခါ ကျောင်းအမကြီး ဆောက်လုပ်လျူဒါန်းထားတဲ့ ပုဗ္ဗာရုံ ကျောင်းတိုက်မှာ ၀င်ရောက်အနားယူကြပါတယ် ၊ နံနက်မိုးသောက်အလင်း ရောက်တဲ့အခါ ရဟန်းတော်တွေ ဆွမ်းခံကြွရင်း ၀ိသာခါရဲ့ အိမ်မှာ ယာဂုရည်ဘုဉ်းပေးကြတယ် ၊ ဒီတစ်ခါ ၀ိသာခါတကာကကြီးက ရှင်ရေ၀တနေထိုင်တဲ့ ရှားတောကြီး အကြောင်း ကို မေးမြန်းရာမှာ ရဟန်းကြီး နှစ်ပါးက ကြောက်စရာကောင်းတဲ့ တောကြီး မျက်မျည်းပါလို့ ဖြေကြားပြီး တန်ခိုးနဲ့ ဖန်တီးထားတဲ့ နေရာကိုသာ မြင်ခဲ့နေခဲကြတဲ့ ရဟန်းငယ်တွေက ရှားတောကြီးရဲ့ ကြီးကျယ်ခန်းနားပုံဟာ စာဖွဲ၍ မကုန်နိူင်ကြောင်း ပြောကြားကြပါတယ် ။ အဲသလို အမျိုးမျိုးဖြေကြလို့လဲ မြတ်စွာ ဘုရား ဆွမ်းခံ ကြွရင်း ယာဂုရည် သုံးဆောင်လာတဲံအခါ ထပ်မံလျှောက်ထားမေးမြန်းပြန်ပါတယ် ၊။ မြတ်စွာ ဘုရားရှင်က" ၀ိသာခါ ... ရွာမှာဖြစ်စေ ၊ တောအုပ်မှာဖြစ်စေ ၊ တောချုံတောင်ကြား အနိမ့်ပိုင်းမှာဖြစ်စေ ၊ တောင်ကုန်းတောင်ခြေ အမြင့်ပိုင်းမှာ ဖြစ်စေ ။ ရဟန္တာတို့ သီတင်းသုံးနေထိုင်တဲ့ နေရာတွေဟာ မွေ့လျော်ကြည်နူးဖွယ်ကောင်းပါတယ်လို"့  မိန့်ကြားတော်မူပါတယ် ။ဘုရားရှင်ဖြေကြားတော်မူတဲ့ ပါဠိစကာက တော့ ""တံဘူမိရာမဏေယျကံ"" ဖြစ်ပါတယ် ။ဆရာလေးတို့ မြန်မာနိူင်ငံ တော်အတွင်းမှာ ကျောင်ကန် ဘုရားစေတီ ပုထိုးအစရှိတဲ့ သာသနိကအဆောက်အအုံတွေ ၊ သီလရှင်စာသင်တိုက်တွေ၊ စာပေပို့ချ သင်ပြကာ ပရိယတ္တိ သာသနာထွန်းကားစည်ပင်ရေးကို ကြိုးပမ်းရွက်ဆောင်နေကြတဲ့ စာသင်တိုက်ကြီး ကြီး ငယ်ငယ်တွေ ၊ သမထ ၀ိပဿနာဘာဝနာ ကြိုးပမ်းအားထုတ်ကာ ပဋိပတ္တိသာသနာစည်ပင် ပြန့်ပွါးရေးကို အားထုတ်နေကြတဲ့ တရားရိပ်သာကြီးကြီး ငယ်ငယ်တွေ မြို့ရွာ တောစပ်တောင်ခြေမျိုးမှာ အနှံ အပြား ရှိနေကြပါတယ်။ သာသနာရေးရှုထောင့် မှ ကြည့်ရင် အဲဒါတွေဟာ မွေ့လျော်ကြည်နူးဖွယ်ကောင်းတဲ့ နေရာတွေပါ ၊ မြတ်စွာဘုရားချီးမွမ်းတော်မူတဲ့" တံဘူမိရာမဏေယျကံ" ဖြစ်ပါတယ် ။

မိမိသည် ဘုရားသာသနာထွန်းကားတဲ့ ခောတ်မှာ သာသနာ့ ဘောင်ဝင်ရောက်ပြီး ကျရာ သာသနာ့တာဝန်ကို ထမ်းဆောင်နေရာတာ မိမိကိုယ်ကို မွန်မြတ်ပါတယ် ။ ဒီလိုသာသနာထဲသို့ ရောက်ရှိရန် နည်းလမ်းညွန်ပြပေးသော မြတ်မင်္ဂလာစာအုပ်နှင့် ဆရာလေးမအဂ္ဂဉာဏီကို လည်း အထူး ကျေးဇူးတင်နေမိပါတယ် ။

ဒီနေ့ကြွရောက်လာကြသော ဆရာလေးရဲ့ ဓမ္မမိတ်ဆွေများ ကိုယ်စိတ်နှစ်ဖြာ ကျမ္မာကြပါစေ။

မေတ္တာဖြင့်

ထားဝယ်ဆရာလေး